Efesios 4:32 - Biblia Guarani Tumpa Iñee

³² Ërei pepɨakavi oyoupe, peyoparareko, peɨ̈ro oyoupe, Tumpa iñɨ̈ro peve Cristo rupi rami.

Nuevo Testamento Guaraní Pe

³² Erei pepɨacavi oyoupe. Peyoaɨu. Peɨro oyoupe. Echa Tumpa iñɨro ma peve Cristo jeco pegua.

Efesios 4:32 ပူးပေါင်းရင်းမြစ်များ

2 SAMUEL 7:21

Opaete kuae mbaembae tuichagüe reyapo nde rere rami jare ndepɨa jemimbota rupi, reikuaauka vaerä cheve;

SALMOS 112:9

Omboyao mbae, paravete vae reta pe; ipɨakavi avei; imbaepuere oyembotuichata jare imboetea yaeta.

SALMOS 145:9

Ipɨakavi ko yandeYa opaete vae pe, iporoparareko yae opaete jembiapo reta re.

PROVERBIOS 12:10

Jupi vae oyangareko kavi jɨmba reta re, ërei iyoa vae reta ipɨa-pïría yae ko.

PROVERBIOS 19:11

Kuimbae oyeandu katu reve oiko vae, mbaetɨ iyarasɨiño, iyemboete jae ko, omboasɨä ñeeasɨ katu.

PROVERBIOS 19:22

Oporoparareko vae, jae ko kuimbae ipɨakatu vae, ërei paravete vae ko, ikavi yae ete iyapu yae vae güi.

ISAÍAS 57:1

Kuimbae jupi vae omano jare mbaetɨ kia oyemoambeko jese; kuimbae reta jeko kavi vae omano, jare mbaetɨ kia oikuaa, oñerenoe ko ikavimbae güi vae,

JEREMÍAS 38:12

Jare jei Jeremías pe: —Añave eyemboendapɨgüɨrupa jókuae tarapo indechigüe jare temimonde ipächagüe pe, javoi tɨmasa eñono iárambo. Jare Jeremías jökorai oyapo.

San Mateo 6:12

Neɨ̈ro oreve oreyoa reta re, ore oreɨ̈ro iyoa orekotɨ vae reta pe rami.

San Marcos 11:25

Jare peyerure peï Tumpa pe yave, peɨ̈ro ïru vae pe, oime yave maratu, peRu ara pe oï vae iñɨ̈ro vaerä vi peve peyoa reta re.

San Lucas 1:78

Körai Tumpa oyapo, yandeparareko ramo, ombou yandeve ɨvate güi ara ipɨau vae;

San Lucas 11:4

Neɨ̈ro oreve oreyoa reta re, ore oreɨ̈ro iyoa orekotɨ vae reta pe rami. Jare agüɨye emaeño roipota oreyoa vaerä. Orereepɨ ikavimbae güi.”

San Lucas 17:4

Jare metei ara pe chiu iyoa ndekotɨ yave, jare chiu vi jókuae ara pe ou jei ndeve yave: ‘Ngaraa ma ayavɨ ndekotɨ’, neɨ̈ro chupe.”

San Lucas 6:35

Ërei peaɨu perovaicho reta, jare peyapo ikavi vae chupe reta. Peiporuka mbae ïru vae pe jare agüɨye peäro omboekovia ye peve vaerä. Jökorai peyapo yave, Tuichagüe yae vae, omeeta peve mbae ikavi yae vae jare peapota taɨ retarä. Echa Tumpa ipɨakavi ko yasoropai mbaetɨ omee chupe vae reta pe jare jeko kavimbae vae reta pe.

San Lucas 6:37

Agüɨye pemboeko voi ïru vae, agüɨye vaerä peyemboekouka. Agüɨye peiporarauka voi ïru vae pe mbae re, agüɨye vaerä vi peiporara. Peɨ̈ro ïru vae pe, iñɨ̈ro vaerä vi peve vae.

Hechos 28:2

Jare joko pegua reta ipɨakavi yae ore ndive. Oremboresive kavi reta, oyatapɨ reta tuicha, ama okɨ jare iroɨ ramo.

Romanos 12:10

Peyoaɨu oñoëtara ete vae reta rami. Pemae kavi oyoe peyomboete reve.

1 Corintios 13:4

Mboroaɨu jae ko yaiporara vae, yandepɨakavi vae, mbaetɨ ko ñemoägüɨro, mbaetɨ ko yembotuicha, mbaetɨ ko pɨayemboete,

2 Corintios 2:10

Pe reta peɨ̈ro yave kia pe mbae re, che vi cheɨ̈ro chupe. Echa cheɨ̈ro chupe, oime mbae re cheɨ̈ro vaerä yave, cheɨ̈ro ko chupe peré Cristo jóvai,

2 Corintios 2:7

Jáeramo ikavi ko peɨ̈ro jare pembopɨakatu. Agüɨye vaerä mo ipɨatɨtɨ yae oiko.

2 Corintios 6:6

jare vi teko ikɨambae rupi, arakuaa reta, rogüɨropɨa vae rupi, mbɨakavi rupi, Espíritu Santo rupi, añetete vae mboroaɨu rupi,

Efesios 5:1

Peiko Tumpa oiko rami. Echa pe ko jae taɨ reta oaɨu yae vae.

Santiago 5:11

Añete ko, yandeve oyerovia ko jókuae oiporara vae reta. Peikuaa kërai Job ipɨaguasu yae vae regua, jare yandeYa kërai iporerekua jese taɨkue rupi vae. Echa yandeYa iporoaɨu jare iporoparareko yae.

2 Pedro 1:7

Tumpa imboete pemomɨ̈rata mbɨakavi oyoupi vae pe; mbɨakavi oyoupe vae pemomɨ̈rata mboroaɨu pe.

1 Juan 1:9

Yamombeu yave Tumpa pe yandeyoa reta, jae ko jupi yae iñɨ̈ro vaerä yandeyoa reta re jare yandeyoe vaerä opaete ikavimbae güi.

1 Juan 2:12

Cheraɨ aaɨu vae reta, aikuatía körai peve, echa Tumpa iñɨ̈ro ko peve peyoa reta re jee re.

RUT 2:20

Jare Noemí jei imembɨtatɨgüe pe: —¡YandeYa tiporerekua jese! Jae ipɨakavi yandeve añave, opa ma omano vae reta pe ipɨakavi rami. Jókuae kuimbae jae ko orerëtara, jae güɨnoita mbaepuere yandemboepɨ vaerä.