Efesios 4:31 - Biblia Guarani Tumpa Iñee

³¹ Agüɨye peñovatu pepɨa pe, mbochɨ, arasɨ, yoaka, ñeeasɨ katu, jare opaete ikavimbae.

Nuevo Testamento Guaraní Pe

³¹ Agüɨye peñoangao. Agüɨye pepochɨ oyoupe. Agüɨye pearasɨ oyoupe. Agüɨye peñeengata oyoupe. Agüɨye pere icavi mbae vae oyoupe. Agüɨye peyapo icavi mbae vae oyoupe.

Efesios 4:31 ပူးပေါင်းရင်းမြစ်များ

GÉNESIS 27:41

Jare Esaú omotareɨ opɨta Jacob, tu omee ñee kavi chupe vae re, jei ipɨa pe: “Jarembaeño cheru omanota, jare oasa ma mbɨatɨtɨ yave tayuka cherɨvɨ Jacob.”

GÉNESIS 37:21

Rubén oendu yave kuae, oepɨ chugüi reta jare jei: —Agüɨye yayuka.

GÉNESIS 37:4

Jare tɨkeɨ reta oecha, tu jaeño oaɨu yae opaete ïru tɨkeɨ reta güi vae, jáeramo omotareɨ reta, mbaetɨ ipuere reta omomiari kavi.

GÉNESIS 4:8

Metei ara Caín jei tɨvɨ Abel pe: —Yaja yaguata kaa kotɨ. Mombɨrɨ ma ñogüɨnoi yave, Caín opüa tɨvɨ Abel re jare oyuka.

2 SAMUEL 13:22

Absalón mbaetɨ etei mbae jei Amnón pe, ërei omotareɨ omae Amnón re, opoko ramo jeindɨ Tamar re.

2 SAMUEL 19:27

Ërei jae yapu ndeve chekotɨ. Ërei nde cheruvicha guasu Tumpa iaraɨgua rami ko, eyapo jaekavi ndeve vae.

2 SAMUEL 19:43

Jayave Israel pegua reta jei Judá pegua reta pe: —Ore oime rogüɨnoi pegüi mburuvicha guasu David re payandepo ye yekou, jare oreñemuñagüe reta ko tenondegua peñemuñagüe reta güi, ¿maera pa mbaetɨ oremboete? ¿Ore räriä pa royemongeta tëi rogüeru ye vaerä oreruvicha guasu? Ërei Judá pegua reta iñee oasa jasɨ katu yae Israel pegua reta güi.

SALMOS 101:5

Amokañɨteita jókuae japicha omoërakua pɨ̈chɨi vae; ¡mbaetɨta chepɨaguasu jókuae ipɨayemboete jare iyembotuicha vae pe!

SALMOS 140:11

Kuimbae iñee kavimbae vae, ngaraa oiko kavi ɨvɨ pe; jupimbae oñemokañɨteiukata ikavimbae pe.

SALMOS 15:3

Mbaetɨ iñee ndaye pota vae, mbaetɨ oyapo ikavimbae japicha pe vae, mbaetɨ jei mbae jëta-ɨpɨ pegua pe vae;

SALMOS 37:8

Eeya arasɨ, esɨrɨ mbochɨ güi; agüɨye etei eñemokɨ̈reɨ reyapo vaerä ikavimbae.

SALMOS 50:20

Nemiari kaviä avei nerëtara kotɨ. ¡Ndesɨ imembɨ kotɨ rere mbae ikavimbae!

SALMOS 64:3

Oimbee reta ikü kɨsepuku rami, ojäa reta uvɨ rami ñee ikavimbae.

PROVERBIOS 10:12

Ñomotareɨ güeru yoaka reta, ërei mboroaɨu iñɨ̈ro opaete mbaeyavɨ reta pe.

PROVERBIOS 10:18

Oporoaɨu raanga vae iyapu vae ko, Ndaye omoërakua vae mbaetɨ ko yarakuaa.

PROVERBIOS 14:17

Iyarasɨ katu vae, oyapo rai voi mbae; kuimbae ipɨapochɨ vae, oñemotareɨukata ko.

PROVERBIOS 18:8

Indaye pota vae reta iñee reta, mbae jëe ngatu vae rami ko, oike yandepɨ a pe etei.

PROVERBIOS 19:12

Mburuvicha guasu iyarasɨ, yaguapope pochɨ vae iñee rami, ërei ipɨakavi, ɨsápɨi oa ñana re rami.

PROVERBIOS 25:23

Ɨvɨtuguasu kotɨgua ɨvɨtu omaeñoä okɨ; jökorai ko indaye pota vae re, jova arasɨ omae vae.

PROVERBIOS 26:20

Mbaetɨ yave yepea, tata ogüe, jökorai mbaetɨ ñeraro, mbaetɨ yave indaye pota vae.

PROVERBIOS 29:22

Iyarasɨ rai vae, oporomoñerarouka katu ko, iyarasɨ katu vae, oa katu mbaeyoa pe.

PROVERBIOS 29:9

Yarakuaa vae, oyoaka yarakuaambae ndive yave, yepe tëi iyarasɨ ani opuka, ngaraa oñono kavi teko.

PROVERBIOS 6:19

iyapu reve omboeko japicha vae, oporomoñorarouka oyoupii vae.

ECLESIASTÉS 7:9

Agüɨye ndearasɨ katu, echa yarakuaambae reta ko iyarasɨ katu.

JEREMÍAS 6:28

Opaete jae reta ipɨapochɨ vae reta ko, iñee ndaye reta, opaete oikomegua vae reta ko, jiero jare jiero iyu vae reta rami ko.

JEREMÍAS 9:4

Ivɨa-ïru ndive ave mbaetɨ oyogüɨrovia katu; oñoëtara vae ndive ave mbaetɨ oyogüɨrovia katu, echa oñoëtara vae reta oyombotavɨ, jare oyoangao reta ivɨa-ïru ndive.

Hechos 21:30

Jare opaete tëta guasu pegua reta iyarasɨ. Jáeramo oyemboatɨ reta jare oipɨɨ reta Pablo ombotɨrɨrɨ tupao güi ikatu pe. Jare jupiveiño tupao oyokenda reta.

Romanos 3:14

Iyuru tɨnɨe oï yepopeyu pe jare ñeeasɨ katu pe.

1 Corintios 14:20

Cherɨvɨ reta, agüɨye peyemongeta michia reta rami. Jaeño peiko michia rami ikavimbae oikuaambae rami. Ërei peyemongeta pe, okuakuaagüe oyemongeta rami.

1 Corintios 5:8

Jáeramo yayapo arete, ërei agüɨye mbɨyape imbovúa indechigüe ndive ani ikavimbae ndive. Jaeño mbɨyape oyembovumbae ikavigüe jare añetegüe ndive.

2 Corintios 12:20

Aipoɨu aja ye yave pépɨri, güɨramoi aechata mbaetɨ peiko che aipota rami, jare güɨramoi pe reta chereechata mbaetɨ peipota rami. Aipoɨu peyoaka oyoupii, peakatúä oyoe, peyomboarasɨ, peyemboyao oyougüi, peñeeasɨ katu oyoupe, peñeenguru oyoupe, pɨapochɨ, tekorai.

Gálatas 5:20

tumpa-raanga pota, mbaekuaa reta, ñemotareɨ reta, ñeapo reta, ñemoägüɨro reta, ñoraro reta, yoambotaä reta, mboromboe añetembae reta,

Efesios 4:22

Jáeramo, agüɨye mo peiko peikose rami. Peeya peyeugüi pereko indechigüe oñemona ikavimbae pe vae, pepɨa jemimbota yembotavɨ pegua.

Efesios 4:25

Jáeramo, peeya mo apu, metei ñavo pemiari perapicha pe añete vae. Echa opaete yande metei jeteño ko.

Efesios 4:26

Pearasɨ yave, agüɨye peyoa. Agüɨye kuaraɨ toike peve pearasɨ reve.

Colosenses 3:19

Kuimbae reta, peaɨu perembireko, jare agüɨye peñeeasɨ katu chupe.

Colosenses 3:8

Ërei añave peeya opaete kuae ïru ikavimbae vae reta: Arasɨ, mbochɨ, ikavimbae, mboroangao Tumpa kotɨ vae, ñee ikavimbae vae.

1 Timoteo 3:11

Jökoraiño vi kuña reta toiko reta jupi rupi, agüɨye tiporoangaose, agüɨyeta jei jeiiño, opaete pe tijupi.

1 Timoteo 3:3

agüɨye tikause, agüɨye tiñerarose, agüɨye tomonganaiño jupimbae reve. Ërei tipɨakavi, toiko pɨagüive, agüɨye toipota yae korepoti iyeupeguarä.

1 Timoteo 5:13

Jaeramiño vi omboɨpɨ iyakɨ, opou reteiño; jare mbaetɨ jokuaeño, oporoangao jare oyemoinge opaño mbae pe, imiari agüɨyeta tëi imiari jese vae.

2 Timoteo 2:23

Ërei eröɨro yoaka osirivembae, echa jókuae nunga reta güeru ñoraro.

2 Timoteo 3:3

iporoaɨumbae vae, ipɨa pïrimbae yae vae, oporoangao vae reta, oyopiambae jete jemimbota vae reta, ipo pïrimbae vae, ikavi vae imotareɨa reta,

Tito 1:7

Oporogüɨrovia vae reta itenondegua ikavi ko mbaetɨ oñeväe teko jese, Tumpa iparavɨkɨ oyapo vae; agüɨye tipɨapochɨ, agüɨye tiyarasɨ katu, agüɨye tikause, agüɨye tiñerarose, agüɨye tomonganaiño jupimbae reve,

Tito 2:3

Jaeramiño vi kuña okuakuaa vae reta tijeko kavi, agüɨye tiporoangaose, agüɨye tikause, toporomboe ikavi vae re;

Santiago 1:19

Jáeramo, cherɨvɨ aaɨu vae reta, opaete toïndaivi oyeapɨsaka vaerä, agüɨye mbae tei rai voi, agüɨye tiyarasɨ rai voi,

Santiago 3:14

Ërei peñemoägüɨro yave ïru vae reta re jare pepochɨ pepɨa rupi yave, agüɨye peyemboete ani peapu añete vae kotɨ.

Santiago 4:11

Cherɨvɨ reta, agüɨye peñeenguru oyokotɨ. Kia iñeenguru jare ojäa jëtara vae, iñeenguru jare ojäa ko mborookuai. Ërei nde rejäa mborookuai yave, jaeä ko nde mborookuai jei vae iyapoa, jaeño ojäa vae.

1 Pedro 2:1

Jáeramo, peeya opaete ikavimbae vae, opaete mborombotavɨ, opaete tova mókoi, akatúä reta jare opaete ñeeasɨ katu.

1 Juan 3:12

Agüɨye yaiko Caín rami. Echa Caín aña guasu imbae ko jare oyuka tɨvɨ. Jare ¿maera ra oyuka? Caín oyapo ikavimbae vae, jare tɨvɨ oyapo jupi vae ramo.

1 Juan 3:15

Iñeïru oporogüɨrovia vae omotareɨ vae, oporoyuka vae rami ko. Jare peikuaa ko metei oporoyuka vae mbaetɨ etei güɨnoi tekove opambae vae iyé.

Apocalipsis 12:10

Jayave aendu ñee tätagüe ara pe, jei: “Ou ma oväe yemboasa, mbaepuere jare ñaneTumpa iporookuaía jare jemimbou Cristo imbaepuere. Echa oyemombouka ma yanderɨvɨ reta omboekose Tumpa jóvai ara rupi jare pɨ̈tu rupi vae.