Efesios 4:30 - Biblia Guarani Tumpa Iñee

³⁰ Agüɨye pembopɨatɨtɨ Tumpa iEspíritu Santo. Echa pɨpe Tumpa ñanemokañɨmaa yandereraja ete regua.

Nuevo Testamento Guaraní Pe

³⁰ Jare agüɨye pembopɨatɨtɨ Tumpa iEspíritu Santo. Echa Tumpa omee ma peve Espíritu Santo, oicuauca vaera pe reta jae imbae co. Jare Espíritu Santo oicota pe reta ndive, Tumpa perepɨ ete regua.

Efesios 4:30 ပူးပေါင်းရင်းမြစ်များ

GÉNESIS 6:3

Jare yandeYa jei: “Mbaetɨta amaeño kuimbae oikove jekuae avei, echa jae ko sooño; jáeramo jaeño oikoveta ciento veinte año.”

GÉNESIS 6:6

Jayave yandeYa ombopɨatɨtɨ, arakae oyapo kuimbae vae, jare jókuae jasɨ ipɨa pe.

SALMOS 78:40

¡Mbovɨ ye rupi oyembopɨapochɨ reta ikotɨ, omboarasɨuka reta ñuu pe!

SALMOS 95:10

Cuarenta año chearasɨ aiko kuae tëtaguasu kotɨ, jare jae: ‘Kuae tëta ipɨa güɨrave yae, ¡jare mbaetɨ oikuaa reta cheporookuai!’

ISAÍAS 43:24

Mbaetɨ ko pegua cheve mbae ikäti kavi vae reta, peru vaerä cheve mbotarä, mbaetɨ ave vi peru chembopɨakatu vaerä mɨmba ikɨragüe pe. Jaeño chembogüérai peyoa reta pe, chembokangɨ pereko kavimbae reta pe.

ISAÍAS 63:10

Ërei jae reta ipɨapochɨ yae yandeYa kotɨ, jare omboarasɨuka reta iespíritu; jáeramo oyemboyovaicho jae reta ndive, jare jae etei oñeraro jae reta ndive.

ISAÍAS 7:13

Jayave Isaías jei: “Peyeapɨsaka añave David iñemuña reta. ¿Mbaeä etei pa peve pemoambeko vaerä kuimbae reta, jare jökorai vi pemoambeko peï cheTumpa vae?

EZEQUIEL 16:43

Echa nde neakañɨ ndetaɨrusu reiko yave vae güi, jare chemboarasɨuka opaete kuae reyapo vae rupi; jáeramo aiporaraukata ndeve reyapogüe re. Che ndeYa Tumpa jae; echa mbaetɨ etei kërai ave reyemongeta ikavimbae reyapo vae re.’

OSEAS 13:14

¿Mano güi etei pa apɨ̈ro yeta? ¿Aepɨta pa mano güi? ¿Ketɨ pa oime oï mano imbaepuere oporomokañɨtei vae? ¿Tëogüe-rɨru, ketɨ pa oime ñogüɨnoi neporomokañɨtei? ¡Mbaetɨta ma aiparareko reta!”

San Marcos 3:5

Jayave iyarasɨ reve Jesús omae iyɨpɨ rupi ñogüɨnoi vae reta re, jare ipɨatɨtɨ yae jae reta ipɨatäta ramo, jei kuimbae pe: —Emopüa ndepo. Jayave kuimbae omopüa ipo jare okuera voi.

San Lucas 21:28

Jare opaete kuae mbaembae omboɨpɨ oasa yave, peñemoäta ngatu. Echa köi yae ma Tumpa pereepɨ vaerä.”

San Juan 3:33

Jae omombeu vae güɨrovia vae, oikuaauka ïru vae reta pe güɨrovia ko Tumpa iñee añete ko.

Hechos 7:51

Pe reta ko pepɨa täta vae, pepɨa jare peapɨsa oyembocircuncidambae. Peyovaicho avei Espíritu Santo kotɨ. Peñemuñagüe reta rami etei vi pe reta.

Romanos 8:11

Jare Tumpa omoingove ye Jesús omanogüe reta ipɨte güi vae iEspíritu oiko yave pepɨa pe; jae etei ko omeeta tekove perete mano pegua pe, jae iEspíritu oiko peré vae rupi.

Romanos 8:23

Jökoraiño vi yande, Espíritu räri yamboresive ma yandepɨa pe vae, yaiporara yae ñaï yandepɨa pe, echa ñaäro ñaï yanderete oyeyora ete vaerä, Tumpa taɨ reta yande ramo.

1 Corintios 1:30

Ërei Tumpa etei peapo metei ramiño Cristo Jesús ndive. Echa Cristo Jesús rupi Tumpa omee yandeve arakuaa, yembojupi, ñaneñono tee jare yandereepɨ.

1 Corintios 15:54

Jare ñanoi yave yanderete ngaraa etei oikomegua vae yanderete oikomegua vae ipoepɨka pe, jare ñanoi yave yanderete ngaraa etei ipuere omano vae yanderete ipuere omano vae ipoepɨka pe, jayave oyembopota Tumpa Iñee pe oyekuatía oï vae, echa jei: “Tumpa omoamɨri mano.

1 Tesalonicenses 5:19

Agüɨye pembogüe Espíritu Santo.

Hebreos 10:29

Vɨtei pa güɨröɨro iyeugüi Tumpa Taɨ vae reta, oiporara yaeta ko, jare güɨröɨro tugüɨ morogüɨrökuavee päve pegua vae, jókuae tugüɨ rupi ñaneñono tee tëi iyeupeguarä, jökorai güɨröɨro Espíritu ipɨakavi.

Hebreos 3:10

Jókuae jeko pegua chearasɨ aiko kuae ñemuña reta kotɨ, jare jae: ‘Kuae tëta ipɨa güɨrave avei, ¡jare mbaetɨ oikuaa reta cheporookuai!’

Hebreos 3:17

Jáeramo Tumpa iyarasɨ cuarenta año jókuae ñaneñemuñagüe reta pe, iyoa reta ramo opa omano ñuu rupi.

JUECES 10:16

Jare Israel iñemuña reta oeya tumpa ambuae reta jare oyerova ye reta omee mbaemboete yandeYa pe; jare yandeYa mbaetɨ ma güɨropɨa Israel iñemuña reta oiporara ñogüɨnoi vae.