Efesios 4:29 - Biblia Guarani Tumpa Iñee

²⁹ Agüɨye etei pemoë ñee pɨ̈chɨi vae. Pemoë ñee ikavi vae, pemomɨ̈rata vaerä ïru vae reta, oyeapɨsaka peré vae reta omboyerovia vae.

Nuevo Testamento Guaraní Pe

²⁹ Agüɨye pemoe ñee pochɨi vae. Erei pemoe ñee icavi vae, pemborɨ vaera iru vae reta. Echa jocorai Tumpa ipuere omborɨ oyeapɨsaca peré vae reta.

Efesios 4:29 ပူးပေါင်းရင်းမြစ်များ

SALMOS 45:2

¡Nde ko jae kuimbae kavi opaete kuimbae reta güi vae! ¡Ñee kavi oë ndeyuru güi! Jáeramo, Tumpa iporerekua nderé jekuae avei pegua.

SALMOS 5:9

Jae reta mbaetɨ imiari añete vae; iyɨvɨte ikaviä etei ko, tëogüe-rɨru oyepea oï rami ko iyaseo, ¡ikü pe omopöra kavi yapu!

SALMOS 52:2

Ikavimbae reño reyemongeta; nekü kɨse jaimbe yae vae rami.

SALMOS 71:24

Chemiarita vi ara ñavo ndembaejupi re; echa oñemomaraiuka jare ipɨajopa, jókuae oipota ikavimbae cheve vae reta.

PROVERBIOS 12:13

Iyoa vae oyepókoi iyapu pe aeño, ërei kuimbae jupi vae oëta mbɨatɨtɨ güi.

PROVERBIOS 15:23

¡Kuimbae omboyevɨ mbarandu vae, oyerovia, vɨtei pa iara pe kavi omboyevɨ yave!

PROVERBIOS 15:7

Yarakuaa vae reta, omoai arakuaa iñee rupi; ërei yarakuaambae reta, mbaetɨ jökorai.

PROVERBIOS 16:21

Iyarakuaa vae, jae ko yarakuaa katu vae; ñee yeaeä, omoïru arakuaa katu.

ECLESIASTÉS 10:12

Yarakuaa vae iñee reta rupi oyemboeteuka, ërei yarakuaambae, iñee rupi aeño oyemboai;

ISAÍAS 50:4

YandeYa Tumpa omee cheve chepoki vaerä chemiari, ambopɨakatu vaerä ikangɨ vae reta, ñee ñemoäta ngatu pegua pe. Ndeimbove ñavo jae chemomba, jare ayeapɨsaka jese chepɨakatu reve kavi.

San Mateo 5:16

Jökorai toyekuaa pereko kavi reta ïru vae reta jóvai, oikuaa reta vaerä peyapo ko ikavi vae. Jökorai omboete reta vaerä peRu ara pe oï vae.

San Lucas 4:22

Jare opaete joko pe ñogüɨnoi vae reta imiari kavi jese. Echa ipɨakañɨ reta ñee ikavigüe jei vae re, jei reta: —¿Jaeä yera kuae José taɨ?

San Juan 1:37

Jare jókuae mókoi jemimboe oendu yave, yogüɨraja Jesús jupíe.

Romanos 14:19

Jáeramo, yaeka yayombopɨakatu jare ñañomomɨ̈rata vaerä.

Romanos 15:2

Metei ñavo yamboyerovia yanderapicha ikavi vae rupi, ipɨ̈rata vaerä iporogüɨrovia pe.

1 Corintios 14:19

Ërei oporogüɨrovia vae reta ndive aï yave, chekɨ̈reɨ chemiari mbovɨ ñeeño yaikuaa reve kavi vae pe, amboe vaerä ïru vae reta, jeta ambuae ñee reta pe jae vae güi.

Efesios 4:12

Jökorai oyapo, oñeñono tee vae reta ipɨ̈rata vaerä, jae reta ipuere vaerä oparavɨkɨ Tumpa pe, okuakuaa vaerä Cristo jete,

Efesios 4:16

Jese ko opaete jete jare opaete iyoapɨa pɨa oparavɨkɨ metei ramiño jare oyomborɨ päve iparavɨkɨ ae ae rupi, jökorai okuakuaa päve mboroaɨu pe.

Colosenses 4:6

Pemiari kavi ñee oporomboyerovia vae. Peikuaa kavi mbae pere vaerä oparandu vae pe.

1 Tesalonicenses 5:11

Jáeramo, peñomoäta ngatu päve jare peñemomɨ̈rata, peyapo peï rami.

1 Pedro 2:12

Peechauka kavi pereko oporogüɨroviambae vae reta ipɨte pe. Iñeenguru pekotɨ ikavimbae peyapo vaeecha vae reta, oecha perembiapo ikavi vae yave, omboete retata Tumpa, iporojäa iara pe.

1 Pedro 3:1

Jaeramiño vi pe kuña reta peiko peme reta jeia re, jökorai yave, güɨroviambae Tumpa iñee vae reta ipuere güɨrovia pereko rupi, oyemombeumbae reve chupe reta.

2 Pedro 2:18

Imiari reta oyemboete reve ñee añetembae, ombotavɨ ye soo jemimbota rupi oyembosɨrɨ tëi ma ikavimbae vae iyapoa reta güi vae.