Efesios 4:25 - Biblia Guarani Tumpa Iñee

²⁵ Jáeramo, peeya mo apu, metei ñavo pemiari perapicha pe añete vae. Echa opaete yande metei jeteño ko.

Nuevo Testamento Guaraní Pe

²⁵ Jae rambue agüɨye mo peapu oyoupe. Opaete pere añete vae perapicha pe. Echa opaete ñande metei ramiño co.

Efesios 4:25 ပူးပေါင်းရင်းမြစ်များ

1 REYES 13:18

Ërei indechi vae jeiete yapu reve omoñera: —Che jae vi ko Tumpa iñeemombeúa nde rami, metei araɨgua omombeu Tumpa iñee cheve jei reve: “Ekua eru ndero pe. Tokaru jare tou ɨ.”

SALMOS 119:29

Embosɨrɨ chegüi apu, ndeporoparareko rupi emee cheve ndeporookuai.

SALMOS 15:2

Jaeño, oiko jupi rupi vae jare oyapo ikavi vae; imiari añetegüe ipɨa jupi reve kavi vae.

SALMOS 52:3

Ikavimbae reipota yae ikavi vae güi, apu reipota yae añete vae güi.

ÉXODO 23:7

Peyembosɨrɨ apu reta güi, agüɨye peyuka jekombae vae jare jupi vae, echa che mbaetɨta ambojupi jeko vae.

PROVERBIOS 12:17

Añetegüe imiari vae, omoërakua jupigüe; ërei añetembae imiari vae, omoërakua apu.

PROVERBIOS 12:19

Añetete rupi imiari vae, oiko aveita, ërei yapu yae vae, ngaraa etei ɨma oiko.

PROVERBIOS 12:22

Yapu imiari vae, pɨ̈chɨi yae ko yandeYa pe, ërei oyerovia katu omae, añetete rupi imiari vae reta re.

PROVERBIOS 21:6

Apu rupi mbaeyekou reta oyeapo vae, jae ko michi pegua oporomboyerovia vae mano oeka vae reta peguarä.

PROVERBIOS 24:28

Agüɨye emboekoiño nderapicha jekombae reve, ñeapoa pe, agüɨye mbae jupimbae ave ere ikotɨ.

PROVERBIOS 6:17

Oyemboete yae iyé vae, apu omomora vae, jekombae oyukaiño vae,

PROVERBIOS 8:7

Kuae jaeta vae añetete vae ko; mbaetɨta chemiari apu.

ISAÍAS 63:8

Echa jae jei: “Añetete chembae vae reta ko, cheraɨ mbaetɨ yapu vae reta.” Jae ko güɨroasayepe reta,

ISAÍAS 9:15

(Iñäka ombojaanga ko tenondegua reta jare mburuvicha reta re, juguai ombojaanga ko ñeemombeúa reta oporomboe apu re vae reta re.)

OSEAS 4:2

Jei raangaiño mbae oyapo vaerä, apu, yoyuka, maeñomi, aguasa; kuaekuae reta jeta jare oyoyuka vae oyoaɨkue yoaɨkueño.

LEVÍTICO 19:11

Agüɨye pemaeñomi, agüɨye peapu, agüɨye peporombotavɨ.

ZACARÍAS 8:16

Kuaekuae jae peyapo aveita vae: Pemiari añetete rupi perapicha pe; peporojäa jupi rupi jare toime avei mbɨakatu morojäa oyeapo yave.

ZACARÍAS 8:19

“Yekuaku tembíu güi irundɨa yasɨ pegua vae, jare pandepoa pegua jare chiúa pegua, jare payandepoa pegua vae oyepoepɨta Judá pegua reta pe mbɨakatu pe, yerovia katu pe, jare arete ikavi yae vae pe. Peaɨu añetete vae jare mbɨakatu.”

San Juan 8:44

Aña guasu ko jae peru; jare pe reta peipota peyapo peru oipota vae rupi. Jae oporoyuka iyɨpɨ güive vae ko, mbaetɨi oiko añete vae rupi, echa añetete vae peguaä ko. Iyapu yave, jeko aeño ko omboyekuaa, echa jae ko iyapu yae vae, apu iyɨpɨ ko.

Romanos 12:5

jökorai ko yande, yepe tëi jeta yae, ërei yayeapo ma metei jeteño Cristo re, jare opaete vae ñaï metei ramiño ïru reta ndive.

1 Corintios 10:17

Yepe tëi mbɨyape meteiño jare yande reta jeta, ërei metei jeteño ko, echa jókuae metei mbɨyape güiño opaete vae yau.

2 Corintios 7:14

Echa chemiari kavi Tito pe peré vae re mbaetɨ chemara. Opaete roe peve vae añete ko. Jaeramiño vi Tito oikuaa ma añete ko jókuae che jae chupe peregua vae.

Efesios 4:15

Ërei jekuaeño yaiko añete vae rupi mboroaɨu reve, yakuakuaa vaerä Cristo oipota rami, jae ko oporogüɨrovia vae reta iñäka.

Efesios 4:22

Jáeramo, agüɨye mo peiko peikose rami. Peeya peyeugüi pereko indechigüe oñemona ikavimbae pe vae, pepɨa jemimbota yembotavɨ pegua.

Efesios 4:31

Agüɨye peñovatu pepɨa pe, mbochɨ, arasɨ, yoaka, ñeeasɨ katu, jare opaete ikavimbae.

Efesios 5:30

echa yande ko jae Cristo jete, isoo jare ikägüe reta.

Colosenses 3:8

Ërei añave peeya opaete kuae ïru ikavimbae vae reta: Arasɨ, mbochɨ, ikavimbae, mboroangao Tumpa kotɨ vae, ñee ikavimbae vae.

Colosenses 3:9

Agüɨye peapu oyoupe, echa peekɨ ma peyeugüi pereko indechigüe pɨ̈chɨi vae jare ikavimbae vae peyapose vae,

1 Timoteo 1:10

aguasa oyapo vae reta peguarä, jare kuimbae reta oyoupii oyogüɨreko vae peguarä, oñomi japicha vae reta peguarä, iyapu vae reta peguarä, oñeapo iyapu reve vae reta peguarä, jare oipotagüe mboromboe añete vae ndive oyovaicho vae reta peguarä.

1 Timoteo 4:2

jókuae reta oenduta jova mókoi vae jare iyapu vae reta iporomboe, jókuae mbaetɨ etei ipɨatɨtɨ vae reta.

Tito 1:12

Metei chugüi reta, jae reta iñeemombeúa, jei körai: “Cretaɨgua reta iyapu avei, yavaete jeko, ikaru yae jare iyakɨ yae reta.”

Tito 1:2

jare oäro vaerä oyerovia reve tekove opambae vae. Echa Tumpa iyapumbae vae jókuae güɨrökuavee yandeve ndei ɨvɨ oyeapo mbove.

Hebreos 12:1

Jáeramo, ñanoi ko jeta yae omae yanderé vae yandeɨ́vɨri rupi, Jáeramo yamombo yandeyeugüi opaete yandemboavai vae jare yandeyoa, jare ñañoñókuai yandepɨa guasu reve yanderenonde kotɨ ñoñókuai ñanoi vae.

Santiago 1:21

Jáeramo peeya opaete pɨ̈chɨi vae jare opaete ikavimbae vae. Jare perovia peñemomichi reve ñee pepɨa pe oñeñono vae, echa jókuae ñee ko pemboasaukata.

1 Pedro 2:1

Jáeramo, peeya opaete ikavimbae vae, opaete mborombotavɨ, opaete tova mókoi, akatúä reta jare opaete ñeeasɨ katu.

Apocalipsis 21:8

Ërei okɨɨye vae reta jare oporogüɨroviambae reta, jare mbae pɨ̈chɨi vae oyapo vae reta, jare oporoyuka vae reta, jare iyaguasa vae reta, jare imbaekuaa vae reta, itumpa-raanga pota vae reta jare opaete iyapu vae reta yogüɨrajata tata guasu azufre ndive jendɨ vae pe. Kuae ko jae mano mokoía.

Apocalipsis 22:15

Ërei ikatu pe opɨtata jeko kavimbae, imbaekuaa vae reta, iyaguasa vae reta, oporoyuka vae reta, itumpa-raanga pota vae reta, jare opaete oaɨu jare oyapo apu vae reta.

JUECES 16:11

Sansón jei chupe: —Cheäpɨti täta tɨmasa ipɨau jare ndei etei oyeporu vae pe yave, opɨ̈rota chegüi chepɨ̈rata jare oipotagüe kuimbae ramiñota apɨta.