Efesios 4:15 - Biblia Guarani Tumpa Iñee

¹⁵ Ërei jekuaeño yaiko añete vae rupi mboroaɨu reve, yakuakuaa vaerä Cristo oipota rami, jae ko oporogüɨrovia vae reta iñäka.

Nuevo Testamento Guaraní Pe

¹⁵ Erei ñande jecuaeño yae añete vae yayoaɨu reve. Jocorai yave, yaicota ocuacuaagüe reta rami, Cristo oipota rami. Echa jae co oporogüɨrovia vae reta iñaca.

Efesios 4:15 ပူးပေါင်းရင်းမြစ်များ

SALMOS 32:2

Toyerovia kuimbae, yandeYa mbaetɨ omboeko mbaeyoa re vae, jare mbaetɨ oyekuaa jese tavɨ vae.

ZACARÍAS 8:16

Kuaekuae jae peyapo aveita vae: Pemiari añetete rupi perapicha pe; peporojäa jupi rupi jare toime avei mbɨakatu morojäa oyeapo yave.

MALAQUÍAS 4:2

Ërei pe reta peipoɨu chegüi vae, oëta peve Jupi yae vae, kuaraɨ oë rami, jare jembipe güeruta peve tekove katu jare pe reta peëta pechäguariko guaka raɨ jókai güi oë rami.

San Juan 1:47

Jesús oecha Natanael ou ikotɨ yave, jei: —Mase, ko ou metei Israel pegua añete vae. Mbaetɨ oñeväe yembotavɨ jese vae.

Romanos 12:9

Peyoaɨu añetetegüe rupi. Pemotareɨ ikavimbae vae, pemomoe ikavi vae.

1 Corintios 11:3

Ërei aipota peikuaa kavi Cristo ko jae kuimbae iñäka, jare kuimbae jae ko kuña iñäka jare Tumpa jae ko Cristo iñäka.

2 Corintios 4:2

Mbaetɨ etei royapo vɨari mbae ñemomarai pegua. Mbaetɨ royapo mbae orepoki rupi roporombotavɨ vaerä. Mbaetɨ vi rogüɨrova Tumpa iñee. Jaeño romombeu añete vae, jare royekuaauka opaete vae reta pe Tumpa jóvai.

2 Corintios 8:8

Kuae che jae peve vae mbaetɨ ko metei mborookuai. Ërei chemiari ko peve ïru vae reta ikɨ̈reɨ ngatu re, jökorai peechauka vaerä vi peporoaɨu añetete ko vae.

Efesios 1:22

jare oñono Cristo ipo igüɨ pe opaete mbaembae. Omee vi chupe oiko vaerä oporogüɨrovia vae reta iñäkarä,

Efesios 1:4

jae yandeparavo jese ndei ɨvɨ oyeapo mbove, ñañeñono tee yaiko vaerä ikɨambae jae jóvai;

Efesios 2:21

Jese ko o okuakuaa ojo oiko, oyeapo vaerä metei tupao oñeñono tee vae yandeYa pe.

Efesios 4:25

Jáeramo, peeya mo apu, metei ñavo pemiari perapicha pe añete vae. Echa opaete yande metei jeteño ko.

Efesios 5:23

echa kuimbae ko jae kuña iñäka, Cristo oporogüɨrovia vae reta iñäka rami. Echa oporogüɨrovia vae reta jae ko Cristo jete jare Cristo ko jae imboasaa.

1 Pedro 1:22

Perovia añete vae ramo pepɨa oyetɨo Espíritu Santo rupi, añetete peyoaɨu yae vaerä. Peyoaɨu opaete vae pepɨa jupi reve.

1 Pedro 2:2

Peyúe neche oyeambae vae ara pegua, michia oa ramo vae ikambúe rami, jókuae rupi pekuakuaa vaerä jare penoi vaerä yemboasa,

2 Pedro 3:18

Ërei pekuakuaa Tumpa ipɨakavi pe, jare yandeYa Jesucristo yandemboasa vae peikuaa kavi vae pe. ¡Jae toyemboeteuka añave jare jekuaekuae avei rupi! ¡Amén!

1 Juan 3:18

Cheraɨ aaɨu vae reta, agüɨye yayoaɨu ñaneñee peño ani yandeyuru peño, toyekuaa yayapo vae rupi jare añetete rupi.

JUECES 16:15

Jayave jae jei chupe: —¡Ndeapu! ¿Maera pa roaɨu rere cheve? Kuae re mboapɨ ma chembotavɨ, jare mbaetɨ remombeu cheve kërai güi ko nepɨ̈rata yae vae.