Efesios 3:8 - Biblia Guarani Tumpa Iñee

⁸ Yepe tëi che ko michi yae opaete oporogüɨrovia vae michi yae vae güi, ërei oñemee cheve Tumpa ipɨakavi, amoërakua vaerä judiombae reta pe ñee ikavi vae, Cristo imbaeyekou yaipapa rapembae vae re,

Nuevo Testamento Guaraní Pe

⁸ Yepe tei che co jae oñeñono tee Tumpa peguara vae reta jaɨcuegua ete, erei Tumpa cuae omee cheve ipɨacavi jeco pegua, che amombeu vaera judío mbae vae reta pe quirai yaicocatu yae co Tumpa cotɨ, Cristo re yarovia yave. Echa mbaeti quia ipuere oicuaa cuae regua iñemongueta ae rupiño.

Efesios 3:8 ပူးပေါင်းရင်းမြစ်များ

1 CRÓNICAS 17:16

Jayave mburuvicha guasu David oike imiari vaerä yandeYa ndive, jare jei: “CheYa Tumpa, mbaeä etei ko che jare cheñemuña reta, reyapo vaerä kuaekuae che ndive.

SALMOS 31:19

¡Tuicha yae ko ndepɨakavi, oipoɨu ndegüi vae reta kotɨ! Kuimbae reta jovake remee nderé oyeko vae reta pe.

San Lucas 14:22

Oyapo ma yave jökorai, tembiokuai jei iya pe: “Cheya, ayapo ma cheokuai rami, ërei oimeño ïru vae reta jendarä.”

San Juan 1:16

Echa ipɨakavi yae güi yamboresive avei jekuaekuae iporerekua reta.

Hechos 5:41

Jayave temimondo reta ñogüɨnoe mburuvicha judío reta ñogüɨnoi vae güi oyerovia yae reve, Tumpa omee oiporara reta vaerä Jesús jee re ramo.

Hechos 9:15

YandeYa jei chupe: “Ekuaño, echa che aiparavo ma kuae kuimbae ojo vaerä omoërakua cheregua judiombae vae reta pe, mburuvicha guasu reta pe jare Israel pegua reta pe.

Romanos 11:33

Tumpa yarakuaa tuichagüe yae ko, iyarakuaa katu yae ko. Yaupitɨ rapembae iyemongeta reta. Yaipapa rapeä ko jemimbota reta.

Romanos 12:10

Peyoaɨu oñoëtara ete vae reta rami. Pemae kavi oyoe peyomboete reve.

Romanos 2:4

Reröɨro Tumpa ipɨakavi jare ipɨaguasu yae ndeve vae. ¿Mbaetɨ pa reikuaa ipɨakavi ko ndeve, reeya vaerä ikavimbae ndepɨa pe oï vae?

1 Corintios 1:30

Ërei Tumpa etei peapo metei ramiño Cristo Jesús ndive. Echa Cristo Jesús rupi Tumpa omee yandeve arakuaa, yembojupi, ñaneñono tee jare yandereepɨ.

1 Corintios 15:9

Echa che ko jae metei temimondo michi yae vae; mbaetɨ jupi ayembojee vaerä temimondo pe, echa ayapo yepi ikavimbae vae Tumpa re oporogüɨrovia vae reta pe.

1 Corintios 2:9

Ërei oyekuatía oï: “Mbaetɨ kia oecha jare mbaetɨ kia oendu vae, mbaetɨ vi kia oyemongeta jese vae, jókuae mbaembae omokätɨro ma Tumpa oaɨu vae reta pe vae.”

Gálatas 1:16

oikuaauka cheve Taɨ, che amoërakua vaerä judiombae vae reta pe. Kuae oyeapo yave, mbaetɨ aparandu jese kia pe;

Gálatas 2:8

Echa Tumpa oñono Pedro oiko vaerä jemimondorä judío reta peguarä. Jae vi cheñono aiko vaerä jemimondorä judiombae vae reta peguarä.

Efesios 2:7

Kuae oyapo, oechauka vaerä ara reta taɨkuegua pe kërai tuicha yae ko ipɨakavi, jare ipɨakavi yandeve Cristo Jesús rupi.

Efesios 3:1

Kuae jeko pegua che Pablo, Cristo Jesús jembipɨɨ, pe judiombae vae reta re;

Efesios 3:16

omee vaerä peve iyemboetea tuicha yae rupi pepɨ̈rata peporogüɨrovia pe iEspíritu rupi,

Efesios 3:19

jökorai peikuaa Cristo iporoaɨu oyapɨraa ko opaete arakuaa, petɨnɨe vaerä Tumpa pe.

Efesios 3:2

peikuaa ma ko aipo kërai Tumpa ipɨakavi omee cheve aparavɨkɨ vae pe ndive.

Filipenses 2:3

Agüɨye mbae peyapo peyovaicho vaerä oyoe. Agüɨye mbae peyapo peyembotuicha reve; ërei opaete mbaembae peyapo peñemomichi reve, metei ñavo tomae ïru vae re tuichagüe re rami;

Filipenses 4:19

Jáeramo, cheRu Tumpa omeeta peve opaete mbaembae oata peve vae, Cristo Jesús re jeta mbaeyekou güɨnoi vae rupi.

Colosenses 1:27

Echa Tumpa ikɨ̈reɨ oikuaauka chupe reta kërai kuae yaikuaambae vae iyemboetea tuicha yae judiombae vae reta peguarä vae; jae ko Cristo oiko pepɨa pe vae, jese peäro mbaemboetea vae.

1 Timoteo 1:13

yepe tëi tenonde yave che jae mbae ikavimbae vae yandeYa kotɨ, ayapo ikavimbae vae yandeYa re güɨrovia vae reta pe, jare chereko pochɨ ikotɨ. Ërei yandeYa cheparareko, echa ayapo mbaetɨ aikuaa ramo jare mbaetɨ aporogüɨrovia ramo.

1 Timoteo 1:15

Kuae ko jae ñee añete vae jare jupi ko opaete vae güɨrovia vaerä: Kërai Cristo Jesús ou kuae ɨvɨ pe omboasa vaerä iyoa vae reta, jare che ko jae iyoa vae reta güi iyoa yae ye vae.

1 Timoteo 2:7

Jare yandeYa cheparavo amombeu vaerä kuae regua. Jae cheapo jemimondorä, amboe vaerä judiombae vae reta mborogüɨrovia re jare añete vae re. Kuae che jae peve vae añete vae ko. Cristo jee re mbaetɨ ko cheapu.

2 Timoteo 1:11

Jokuaerä Tumpa cheparavo amoërakua vaerä, temimondorä jare amboe vaerä judiombae vae reta.

Apocalipsis 3:18

Jáeramo, romboarakuaa regua vaerä chegüi oro ikɨambae tata pe oyetɨo vae, reikokatu vaerä, jare temimonde tïi vae remonde vaerä, agüɨye vaerä nenandi oyekuaa. Romboarakuaa vi reñono vaerä moa peresa pe, reecha vaerä.