Efesios 3:21 - Biblia Guarani Tumpa Iñee

²¹ Toyemboete Tumpa opaete oporogüɨrovia vae reta rupi Cristo Jesús re, jekuaekuae avei rupi. ¡Amén!

Nuevo Testamento Guaraní Pe

²¹ Tumpa toñemboeteuca opaete vae pe oporogüɨrovia vae reta rupi jare Cristo Jesús rupi jecuaecuae aveiño. Amén.

Efesios 3:21 ပူးပေါင်းရင်းမြစ်များ

1 CRÓNICAS 29:11

CheYa, ¡ndembae ko mbaeyekou, mbaepuere, mbaemboetea, ndepuere opaete re vae jare imboetea vae! Echa opaete ñogüɨnoi ara pe jare ɨvɨ pe vae ndembae ko. Ndembae ko mborookuaía, echa nde oreYa tuicha yae opaete güi vae ko.

SALMOS 115:1

¡Nderee emboeteuka oreYa! ¡Agüɨye ore toroyemboeteuka! ¡Emboeteuka ndeporoparareko jare neñee añete vae!

SALMOS 72:19

Toyemboete jekuae avei pegua jee imboetea yae vae. ¡Opaete ɨvɨ titɨnɨe iyemboetea! ¡Amén! ¡Amén!

ISAÍAS 42:12

Tomee reta mbaemboete yandeYa pe, tomoërakua reta mbaemboete chupe oñemee vae, tëtaguasu reta ɨguasu jembeɨ rupigua rupi.

ISAÍAS 6:3

Jare osapúkai päve jei oyoupe reta: “Iyoambae, Iyoambae, Iyoambae ko yandeYa Imbaepuere yae ete vae; opaete ɨvɨ tɨnɨe oï iyemboetea pe.”

San Mateo 6:13

Jare agüɨye emaeño roipota oreyoa vaerä. Orereepɨ ikavimbae güi. Echa ndembae ko jekuae avei pegua mborookuaía, mbaepuere jare yemboetea. Amén.’

San Lucas 2:14

“¡Toyemboeteuka Tumpa ara pe, jare ɨvɨ pegua reta tipɨakatu, Tumpa ipɨakavi chupe vae reta!”

Romanos 11:36

Echa opaete mbaembae ou yandeYa güi. Jae oyapo opaete mbaembae iyeupeguarä. YandeYa toyemboeteuka jekuae avei pegua. Amén.

Romanos 16:27

Tumpa jaevaeño jare yarakuaa yae vae toyemboeteuka jekuae avei pegua Jesucristo rupi. ¡Amén!

Gálatas 1:5

YandeRu Tumpa toyemboeteuka jekuaekuae avei rupi. ¡Amén!

Efesios 1:6

ipɨakavi yae oyemboete vaerä, jókuae rupi yandeapo taɨrä, Taɨ oaɨu vae rupi;

Efesios 2:7

Kuae oyapo, oechauka vaerä ara reta taɨkuegua pe kërai tuicha yae ko ipɨakavi, jare ipɨakavi yandeve Cristo Jesús rupi.

Efesios 4:1

Che tembipɨɨ yandeYa re vae, pomoñera peguata kavi vaerä, Tumpa oenɨigüe reta oguata rami kavi:

Filipenses 1:11

ayerure jekuaeño peyapo vaerä mbaembae ikavi vae jupi vae pegua Jesucristo rupi, Tumpa oyemboeteuka vaerä.

Filipenses 2:11

jare opaete vae jei vaerä Jesucristo ko jae opaete vae iYa. Kuae rupi yandeRu Tumpa oyemboete vaerä.

Filipenses 4:20

¡YandeRu Tumpa toyemboeteuka jekuaekuae avei rupi! ¡Amén!

2 Timoteo 4:18

Jare yandeYa chereepɨta opaete ikavimbae vae güi, jare cheövatuta ara pegua iporookuaía peguarä. Jae toyemboeteuka jekuaekuae avei rupi. ¡Amén!

Hebreos 13:21

tapembojupi opaete mbae pe, peyapo vaerä jemimbota; Tumpa toyapo yanderé oipota vae Jesucristo rupi; ¡toyemboete Cristo jekuae avei rupi! ¡Amén!

1 Pedro 2:5

Jaeramiño vi pe reta ko jae ita oikove vae reta rami, peyeapo metei o Espíritu pegua vae jare sacerdote pegua mbaravɨkɨ ikɨambae vae, pemee vaerä mbota Espíritu pegua Tumpa omboyerovia vae Jesucristo rupi.

1 Pedro 5:11

Jae toyemboeteuka jare timbaepuere jekuaekuae avei rupi. ¡Amén!

2 Pedro 3:18

Ërei pekuakuaa Tumpa ipɨakavi pe, jare yandeYa Jesucristo yandemboasa vae peikuaa kavi vae pe. ¡Jae toyemboeteuka añave jare jekuaekuae avei rupi! ¡Amén!

Judas 1:25

Tumpa jaeño vae jare yarakuaa vae, Yandemboasa vae pe toñemee mbaemboete, yembotuicha jare mbaepuere, añave jare jekuaekuae avei rupi. ¡Amén!