Efesios 3:2 - Biblia Guarani Tumpa Iñee

² peikuaa ma ko aipo kërai Tumpa ipɨakavi omee cheve aparavɨkɨ vae pe ndive.

Nuevo Testamento Guaraní Pe

² Peicuaa ma co aipo quirai Tumpa oicuauca cheve ñee Tumpa ipɨacavi regua, che aicuauca-yoapɨ ye vaera peve. Corai ayeócuai ai Tumpa pe.

Efesios 3:2 ပူးပေါင်းရင်းမြစ်များ

Hechos 13:2

Kuae reta oyeokuai yandeYa pe jare oyekuaku tembíu güi ramboeve, Espíritu Santo jei chupe reta: “Peñono tee cheve Bernabé jare Saulo oyapo vaerä mbaravɨkɨ che aiparavo ma chupegua retarä vae.”

Hechos 13:46

Jayave Pablo jare Bernabé imiari okɨɨyembae reve chupe reta. Jei reta: —Añete jaekavi ko romoërakua vaerä peve räri Tumpa iñee. Ërei peröɨro ma. Mbaetɨ ma peipota, jökorai peikuaauka oreve mbaetɨta penoi tekove opambae vae. Jáeramo añave romoërakuata judiombae vae reta pe.

Hechos 22:21

Jayave jae jei cheve: ‘Ekua. Echa che romondota mombɨrɨ judiombae vae reta kotɨ.’ ”

Hechos 9:15

YandeYa jei chupe: “Ekuaño, echa che aiparavo ma kuae kuimbae ojo vaerä omoërakua cheregua judiombae vae reta pe, mburuvicha guasu reta pe jare Israel pegua reta pe.

Romanos 1:5

Jesucristo rupi Tumpa omee oreve ipɨakavi jare oremondo romoërakua vaerä opaete vae tëtaguasu pegua reta pe, oporogüɨrovia reta vaerä, Tumpa jee omboete reta vaerä.

Romanos 11:13

Pe judiombae vae reta pe ko chemiari aï. Echa che ko jae Temimondo judiombae vae reta pe. Amboete yae ko kuae cheparavɨkɨ Cristo omee cheve vae;

Romanos 12:3

Tumpa ipɨakavi rupi oñemee cheve vae rupi jae peve kuae: Agüɨye kia ave toyemongeta iyé tuicha yae ko vae, jókuae güɨnoi vae güi. Ërei metei ñavo toyemongeta kavi iyé Tumpa omee chupe mborogüɨrovia rupi vae re.

1 Corintios 4:1

Jáeramo pemae oreré, ore reta ko Cristo jembiokuai reta, Tumpa iyemongeta yaikuaa rapembae roikuaauka vae.

Gálatas 1:13

Pe reta peikuaa ko aikose judío reta iporomboe pe vae. Echa ayapo yepi jeta yae ikavimbae vae oporogüɨrovia vae reta pe, jare aipota tëi opa amboi.

Efesios 1:10

Jae ko, omboatɨ vaerä opaete mbaembae oyeapogüe Cristo ipo pe, opaete mbaembae ara pe oï vae, jare opaete ɨvɨ pe oï vae. Kuae ko oyeapota ara oväe yave.

Efesios 3:7

Jókuae re, Tumpa cheapo jókuae mbaravɨkɨ peguarä, jae ipɨakavi rupi jare imbaepuere rupi.

Efesios 3:8

Yepe tëi che ko michi yae opaete oporogüɨrovia vae michi yae vae güi, ërei oñemee cheve Tumpa ipɨakavi, amoërakua vaerä judiombae reta pe ñee ikavi vae, Cristo imbaeyekou yaipapa rapembae vae re,

Efesios 3:9

jare aikuaauka vaerä opaete pe oyekuaambae iyɨpɨ güive Tumpa re vae, jae ko opaete mbaembae iyapoa.

Efesios 4:21

Añetete ko peendu jare peyemboe jesegua yave, kërai Jesús re ko oï añete vae.

Efesios 4:7

Ërei Cristo ko omee yandeve metei ñavo pe ipɨakavi jae oipota rami;

Colosenses 1:4

Körai roendu perovia Cristo Jesús re, jare kërai peaɨu opaete oporogüɨrovia vae reta,

Colosenses 1:6

Kuae ñee jërakua peve vae jërakua vi opaete ɨvɨ rupi. Jare opaete kerupi oporogüɨrovia vae reta, jare oyeokuai pe reta rami Tumpa pe. Jókuae ara Tumpa ipɨakavi añete vae peendu jare peikuaa güive.

1 Timoteo 1:11

Kuae mboromboe ñee ikavi vae Tumpa iyemboetea yae vae regua, cheve oñemee vae ko.

1 Timoteo 1:4

jare agüɨye toyeapɨsaka reta arakae ndaye reta re, jare iñemuñagüe reta regua re omoërakua vae reta re. Echa jókuae mboromboe jaeño güeru yoaka reta, oporombokuakuaa vaerägüe mborogüɨrovia Tumpa re. Jökorai royókuai.

1 Timoteo 2:7

Jare yandeYa cheparavo amombeu vaerä kuae regua. Jae cheapo jemimondorä, amboe vaerä judiombae vae reta mborogüɨrovia re jare añete vae re. Kuae che jae peve vae añete vae ko. Cristo jee re mbaetɨ ko cheapu.

2 Timoteo 1:11

Jokuaerä Tumpa cheparavo amoërakua vaerä, temimondorä jare amboe vaerä judiombae vae reta.