Efesios 2:8 - Biblia Guarani Tumpa Iñee

⁸ Echa Tumpa ipɨakavi rupi ko pemboasa, peporogüɨrovia rupi; kuae mbaetɨ ko peyeugüi aeño, mbota ko Tumpa güi;

Nuevo Testamento Guaraní Pe

⁸ Echa Tumpa ñanemboasa ipɨacavi jeco pegua, yaporogüɨrovia rambue. Ñande mbaeti etei ñamongana ñemboasa. Jae co Tumpa ñanembopota pɨpe vae.

Efesios 2:8 ပူးပေါင်းရင်းမြစ်များ

San Mateo 16:17

Jayave Jesús jei Pedro pe: —Reyekou ko Simón, Jonás taɨ. Echa cheRu ara pe oï vae ko oikuaauka ndeve kuae. Mbaetɨ ko kia oikuaauka ndeve.

San Mateo 20:9

Jare yogüeru jókuae ora pandepota ma kaaru yave omboɨpɨ oparavɨkɨ vae reta, jare metei ñavo omboresive reta metei denario.

San Marcos 16:16

Güɨrovia vae jare oyembobautisauka vae oyemboasaukata ko. Ërei jókuae mbaetɨ güɨrovia vae okañɨteita ko.

San Lucas 7:50

Ërei Jesús jei kuña pe: —Reyemboasauka ma rerovia cheré ramo. Ekua ndepɨakatu reve.

San Juan 3:36

Tumpa Taɨ re güɨrovia vae güɨnoi ma tekove opambae vae, ërei Tumpa Taɨ re mbaetɨ güɨrovia vae ngaraa güɨnoi tekove. Tumpa iyarasɨ oata jese.

San Juan 4:10

Jayave Jesús jei kuña pe: —Nde reikuaa yave mona Tumpa omee vae jare kia ko ɨ oiporu oï ndeve vae yave, nde reiporuta tëi ko cheve jare che ameeta tëi ko ndeve ɨ tekove omee vae.

San Juan 5:24

Añetete che jae peve, cheñee oendu vae jare chembou vae re güɨrovia vae, güɨnoi tekove opambae vae. Ngaraa ojo kañɨtei pe. Oasa ma ko mano güi tekove pe.

San Juan 6:35

Jesús jei chupe reta: —Che ko jae mbɨyape tekove pegua. Oipotagüe ou chekotɨ vae ngaraa ye ma iyɨmbɨaɨ; jare oipotagüe cheré güɨrovia vae ngaraa ye ma iɨuve.

San Juan 6:37

Opaete cheRu omee cheve vae reta yogüeruta chekotɨ; jare oipotagüe ou chekotɨ vae ngaraa amombo.

San Juan 6:40

Jare kuae ko jae chembou vae jemimbota: Opaete omae cheré jare güɨrovia cheré vae, güɨnoi vaerä tekove opambae vae; jare che amoingove yeta ara taɨkuegua pe.

San Juan 6:44

Ngaraa kia ou chekotɨ, cheRu chembou vae mbaetɨ güeru chekotɨ yave. Jare che amoingove yeta ara taɨkuegua pe.

San Juan 6:65

Jayave jei chupe reta: —Jáeramo amombeu ma peve ngaraa kia ou chekotɨ cheRu güi oñemeeä yave chupe.

Hechos 13:39

Echa mbaetɨ pepuere peyembojupiuka Moisés iporookuai rupi vae, añave pepuere peyembojupiuka perovia jese yave.

Hechos 14:27

Jare yogüeru oväe yave, Pablo jare Bernabé omboatɨ oporogüɨrovia vae reta, jare imiari chupe reta opaete Tumpa oyapo mbae tuichagüe jae reta ndive vae, jare kërai Tumpa omee judiombae vae reta pe oporogüɨrovia vaerä.

Hechos 15:11

Yande yarovia yayemboasauka ma ko yandeYa Jesús ipɨakavi rupi, jae reta rami.

Hechos 16:14

Jayave metei kuña Lidia jee vae temimonde pɨ̈taü vae imeea tëta guasu Tiatira pegua omboete Tumpa vae oyeapɨsaka oï. YandeYa oparavɨkɨ ipɨa pe, oyeapɨsaka kavi vaerä Pablo jeigüe re.

Hechos 16:31

Jayave jae reta jei chupe: —Erovia yandeYa Jesucristo re, jare reyemboasaukata nde jare ndero pegua reta.

Romanos 10:14

Ërei ¿këraita pa oyerure yandeYa pe, mbaetɨ yave güɨrovia jese?, jare ¿këraita pa güɨrovia, mbaetɨ yave oendu jesegua?, jare ¿këraita pa oendu, mbaetɨ yave kia omombeu chupe?

Romanos 10:17

Echa, yaendu vae rupi ko, yaporogüɨrovia. Jare yaendu vae ko, Tumpa iñee.

Romanos 4:16

Jáeramo, morogüɨrökuavee oyeapo Abraham pe jare opaete iñemuña reta pe vae Tumpa ipɨakavi rupi ko mborogüɨrovia re, kuae mbaetɨ opaete mborookuai rupi yogüɨreko vae reta peguaño, oporogüɨrovia Abraham rami vae reta peguarä vi ko, echa jökorai jae ou opɨta yanderu rami.

Romanos 4:5

Ërei kia mbae oyapombae reve güɨrovia jókuae iyoa vae ombojupi vae re yave, jókuae iporogüɨrovia rupi Tumpa omae jese jupi.

Romanos 9:16

Jáeramo, mbaetɨ yande yaipota vae ani ayemoambeko vae rupi, jaeño Tumpa iporoparareko rupi.

Gálatas 3:14

Abraham pe Tumpa güɨrökuavee vae oupitɨ vaerä Cristo Jesús rupi judiombae reta, jare yande ñanoi vaerä Espíritu mborogüɨrovia rupi.

Gálatas 3:22

Tumpa Iñee pe jei rami, opaete vae iyoa vae ko, ërei oñemeeta Jesucristo re güɨrovia vae reta pe, Tumpa güɨrökuavee vae.

Efesios 1:19

jare kërai tuichagüe yae ko imbaepuere yandekotɨ vae, kërai jókuae imbaepuere oparavɨkɨ yanderé vae.

Efesios 2:10

Echa Tumpa jembiapo ko yande, yandeapo Cristo Jesús re, yayapo vaerä mbae ikavi vae. Kuae ko tenonde güive voi ma Tumpa omokätɨro yayapo vaerä.

Efesios 2:5

yepe tëi tenonde yave ñamano ñaï mbaeyoa pe, ërei omee yandeve tekove Cristo re (Tumpa ipɨakavi rupi ayemboasauka),

Filipenses 1:29

Echa Tumpa ko omee peve Cristo re, mbaetɨ perovia jese vaeräño, peiporara vaerä vi jese,

Colosenses 2:12

Peyembobautisauka yave, peñeotɨ ko Cristo ndive, jare peikove ye vi jae ndive, peporogüɨrovia ramo Tumpa imbaepuere omoingove ye Cristo omanogüe vae reta ipɨte güi vae re.

2 Tesalonicenses 1:9

Jae reta oiporara yaeta ko kañɨtei opambae vae pe, yandeYa ombosɨrɨ retata mombɨrɨ iyeugüi jare imbaepuere iyemboetea güi,

Hebreos 6:4

Echa metei oyeesape ma vae, jare jókuae oendu ma Tumpa omeegüe vae, jare oikuaa ma Espíritu Santo vae reta,

1 Pedro 1:5

Imbaepuere pe Tumpa oyangareko oï peré perovia jese ramo, peyemboasauka vaerä jókuae oyekuaata ara taɨkuegua reta pe vae pe.