Efesios 2:5 - Biblia Guarani Tumpa Iñee

⁵ yepe tëi tenonde yave ñamano ñaï mbaeyoa pe, ërei omee yandeve tekove Cristo re (Tumpa ipɨakavi rupi ayemboasauka),

Nuevo Testamento Guaraní Pe

⁵ Jae rambue omee ñandeve tecove opa mbae vae yaico vaera Cristo ndive, yepe tei tenonde yave mbaeti ñanoi tecove opa mbae vae ñanembaeyoa reta jeco pegua. Tumpa ñanemboasa ipɨacavi jeco pegua.

Efesios 2:5 ပူးပေါင်းရင်းမြစ်များ

San Lucas 15:24

Echa kuae cheraɨ omano vae rami ko cheve, ërei añave oikove ye ma cheve. Okañɨ chegüi, ërei añave oñeväe ye ma.’ Jare omboɨpɨ reta omboarete.

San Juan 5:21

Tu omoingove ye omano vae reta. Jaeramiño vi Taɨ omee tekove, jae oipota vae pe.

San Juan 6:63

Jaeño ko Espíritu omee tekove. Yanderete ipuereä omee yandeve kuae nunga tekove. Kuae amombeu peve vae Tumpa iEspíritu pegua ko jare tekove omee vae ko.

Hechos 15:11

Yande yarovia yayemboasauka ma ko yandeYa Jesús ipɨakavi rupi, jae reta rami.

Romanos 16:20

jayave Tumpa mbɨakatu omee vae ɨmambae tomoamɨri Satanás, toñono pepɨ igüɨ pe. YandeYa Jesucristo ipɨakavi toï pe reta ndive.

Romanos 3:24

Ërei Tumpa ipɨakavi rupi oporombojupi jepɨmbaeño, echa yandereepɨ ma Cristo Jesús rupi;

Romanos 4:16

Jáeramo, morogüɨrökuavee oyeapo Abraham pe jare opaete iñemuña reta pe vae Tumpa ipɨakavi rupi ko mborogüɨrovia re, kuae mbaetɨ opaete mborookuai rupi yogüɨreko vae reta peguaño, oporogüɨrovia Abraham rami vae reta peguarä vi ko, echa jökorai jae ou opɨta yanderu rami.

Romanos 5:10

Echa yepe tëi yande yayovaichose Tumpa ndive, ërei oyapo yembopɨakatu yandeve Taɨ imano rupi. Vɨtei pa yandembopɨakatu ma yave, yandemboasata Taɨ oikove ye vae rupi.

Romanos 5:6

Echa yande yandepuereä etei yayemboasa vaerä iara pe etei, Cristo omano iyoa vae reta re.

Romanos 5:8

Ërei Tumpa oechauka ma iporoaɨu yandekotɨ vae, yepe tëi yande ko jae iyoa vae reta, ërei Cristo omano yanderé.

Romanos 8:2

Echa mborookuai tekove pegua Espíritu Santo omee Cristo Jesús rupi vae, cheyora ma mbaeyoa imbaepuere güi jare mano güi.

2 Corintios 13:14

YandeYa Jesucristo ipɨakavi, Tumpa iporoaɨu jare Espíritu Santo iñemoïru toï opaete pe ndive. ¡Amén!

Efesios 2:1

Tumpa omee peve tekove, pemano peiko yave ikavimbae pe jare mbaeyoa pe.

Efesios 2:8

Echa Tumpa ipɨakavi rupi ko pemboasa, peporogüɨrovia rupi; kuae mbaetɨ ko peyeugüi aeño, mbota ko Tumpa güi;

Efesios 5:14

Jáeramo Tumpa jei: “Esareko mo, nde reke vae. Epüa ye omanogüe vae reta ipɨte güi, jare Cristo ndemboesapeta.”

Colosenses 2:13

Tenonde yave pe reta pemano peiko peyoa reta pe, jare mbaetɨ peyembocircuncida vae pe. Ërei Tumpa pemoingove Cristo ndive jare iñɨ̈ro peve opaete peyoa reta re.

Tito 2:11

Echa Tumpa ipɨakavi oyekuaa ko opaete vae oyemboasauka vaerä,

Tito 3:5

yandemboasa, mbaetɨ jupi vae yayapo ramo, jaeño yandemboasa iporoparareko rupi, yandeyoe ɨ pe, ombopɨau yanderekove Espíritu Santo rupi.

Apocalipsis 22:21

YandeYa Jesucristo ipɨakavi toï opaete pe reta ndive. ¡Amén!