Efesios 2:11 - Biblia Guarani Tumpa Iñee

¹¹ Jáeramo, pemaendúa pe judiombae reta, tenonde rupi jete pe oyembocircuncida vae reta jeise peve “oyembocircuncidambae”,

Nuevo Testamento Guaraní Pe

¹¹ Jae rambue pemaendúa cuae re: Pe reta co jae judío mbae vae reta. Jare jocuae oñemocircuncidauca jee vae reta - jae reta oñemocircuncidauca co jete pe - jae reta pembojee oñemocircuncidauca mbae vae reta.

Efesios 2:11 ပူးပေါင်းရင်းမြစ်များ

EZEQUIEL 20:43

Joko pe pemaenduata opaete pereko ikavimbae re, jare peyapogüe rupi peyemongɨa pɨpe vae re; jare pe aeño peñemotareɨta jeta mbaeyoa peyapo vae jeko pegua.

EZEQUIEL 36:31

Jare pemaendúa pereko ikavimbae re jare perembiapo ikavimbae re yave, pemarata peyeugüi aeño, peyoa jare ikavimbae peyapo jeko pegua.’

San Mateo 20:7

Jare jae reta jei: ‘Mbaetɨ kia oremombaravɨkɨ ramo.’ Jayave ko iya jei chupe reta: ‘Pe reta pekua vi peparavɨkɨ cheuvarupa pe. Amboepɨ kavita peve.’

Romanos 11:17

Amogüe jäka oyeekɨ yave, jare nde olivo ñana rupigua reñeñonouka jendagüe re, jökorai reyeapo olivo ete jäkarä, jare reiko japo re jare iyaɨsɨ re.

Romanos 2:26

Jare oyembocircuncidambae vae oyapo yave mborookuai jei vae, jae oyeapo ko metei oyembocircuncida vae rami.

Romanos 2:27

Jare oyembocircuncidambae jete pe vae, oyapo mborookuai jei vae yave, ndemboekota ko. Echa nde reyapoä mborookuai jei vae, renoi tëi reve mborookuai oyekuatía oï vae ani reyembocircuncidauka.

1 Corintios 12:2

Peikuaa kavi ko kërai ndei peporogüɨrovia mbove, peropa jare peyererajauka tumpa-raanga reta iñeembae pe.

1 Corintios 6:11

Jökorai ko pe reta yepi. Ërei peyetɨouka ma, peñeñono teeuka ma, peyembojupiuka ma yandeYa Jesús jee re jare yandeRu Tumpa iEspíritu rupi.

Gálatas 2:15

Yande ko judío yandesɨ güi yaa rupive voi vae, judiombae vae reta ipɨte pe ikavimbae vae oyapo vaeä ko yande,

Gálatas 6:12

Oipota oyemboeteuka ïru vae reta pe vae, oipota peyembocircuncida, agüɨye vaerä oiporara reta Cristo ikurusu jeko pegua.

Efesios 2:2

Echa jókuae pe ko peyapo yepi tenonde rupi, pemomoe teko kuae ɨvɨ pegua, peyapo jókuae mburuvicha yaechambae vae iñeereendumbae vae re oparavɨkɨ oï vae jemimbota.

Efesios 5:8

Echa tenonde yave peikose pɨtumimbi pe rami. Ërei añave peiko tembipe rami yandeYa re. Peiko tembipe pe yogüɨreko vae reta rami.

DEUTERONOMIO 15:15

Pemaendúa peikose tembipɨɨ Egipto pe vae re, jare yandeYa Tumpa perenoe. Jáeramo che amee peve kuae mborookuai.

DEUTERONOMIO 16:12

Pemaendúa peikose tembiokuai ɨvɨ Egipto pe vae re, jáeramo peyapo kuae mborookuai reta.

DEUTERONOMIO 5:15

Pemaendúa peikose tembiokuai ɨvɨ Egipto pe vae re, jare peYa Tumpa perenoe joko güi imbaepuere pe, jáeramo peYa Tumpa peokuai peñovatu vaerä ara mbutuu pegua.

DEUTERONOMIO 8:2

Pemaendúa opaete tape yandeYa Tumpa pereru jupi vae re, kuae cuarenta año ñuu rupi vae, pemoñemomichi vaerä jare pejäa vaerä, oikuaa vaerä pepɨa pe penoi vae, peyapota ra iporookuai reta ani mbaetɨta ra vae.

DEUTERONOMIO 9:7

Agüɨye peakañɨ pemboarasɨuka yandeYa Tumpa ñuu pe vae güi. Pepɨapochɨ ko yandeYa kotɨ ɨvɨ Egipto güi peë güive kuae pe peväe regua.

Filipenses 3:3

Echa yande ko jae añetete oyembocircuncida vae reta, echa yande yamboete Tumpa Espíritu rupi, mbaetɨ etei yayeko yandesoo pe oyeapo vae re.

Colosenses 1:21

Jare tenonde yave pe reta mombɨrɨ yae peiko Tumpa güi, jare peyovaicho jese pepɨa pe, peyapose ikavimbae vae. Ërei añave pembopɨakatu ma Tumpa ndive,

Colosenses 2:11

Jese peyembocircuncida ma, mbaetɨ ko circuncisión yanderete pegua, echa Cristo oekɨ omombo ma pegüi peyoa, jae ko kuae circuncisión Cristo güi ou vae.

Colosenses 2:13

Tenonde yave pe reta pemano peiko peyoa reta pe, jare mbaetɨ peyembocircuncida vae pe. Ërei Tumpa pemoingove Cristo ndive jare iñɨ̈ro peve opaete peyoa reta re.

Colosenses 3:11

Jare kuae teko ipɨau vae pe mbaetɨ ma oyemboyoavɨ judiombae judío güi, oyembocircuncida vae oyembocircuncidambae güi, yaikuaambae ani ketɨgua, oyeokuai vae jare oyeokuaimbae vae, jaeño ko Cristo oiko jare oï opaete pe.

1 SAMUEL 17:26

Jayave David oparandu jae ndive ñogüɨnoi vae reta pe: —¿Mbae pa oñemeeta jókuae kuimbae omoamɨri kuae filisteo vae pe, jare omokañɨ kuae ñeeasɨ katu Israel iñemuña reta güi vae? Echa, ¿mbae nunga mbatee pa kuae filisteo itumpa-raanga pota vae oyovaicho vaerä Tumpa oikove vae isundaro reta re?

1 SAMUEL 17:36

Yaguapope ani oso viña pa ayuka; vɨtei pa kuae filisteo itumpa-raanga pota vae, echa iñeeasɨ katu Tumpa oikove vae isundaro reta kotɨ.