Efesios 2:10 - Biblia Guarani Tumpa Iñee

¹⁰ Echa Tumpa jembiapo ko yande, yandeapo Cristo Jesús re, yayapo vaerä mbae ikavi vae. Kuae ko tenonde güive voi ma Tumpa omokätɨro yayapo vaerä.

Nuevo Testamento Guaraní Pe

¹⁰ Echa Tumpa ñandeapo. Jare ñandeapo ma metei ramiño Cristo Jesús ndive, ñande yayapo vaera icavi vae. Echa tenonde yave Tumpa iquɨreɨ jecuaeño yayapo vaera icavi vae.

Efesios 2:10 ပူးပေါင်းရင်းမြစ်များ

SALMOS 100:3

Peikuaa, kërai yandeYa ko jae Tumpa; jae ko yandeapo, yande aeñoä ko yayeapo; ¡jae imbae ko yande, ivecha reta ikapii jokɨ katúa pegua!

SALMOS 119:3

echa mbaetɨ ko oyapo ikavimbae, jae jemimbota rupi yogüɨreko vae reta.

SALMOS 138:8

¡CheYa, rembopota ndeyemongeta cheré! CheYa Tumpa, ndeporoparareko jekuae avei pegua ko. ¡Agüɨye chereeya, che nderembiapo!

SALMOS 51:10

CheRu Tumpa, eitɨo chepɨa jare embopɨau, emee chepɨarä ikɨambae jare jupi vae, jare chembopɨau sɨmbi rupi aiko vaerä.

SALMOS 81:13

¡Tëta chembae vae oyapo yave mona che jae vae! ¡Israel, oguata yave mona cheremimbota rupi,

ISAÍAS 19:25

Echa yandeYa Imbaepuere yae ete vae iporerekuata jese reta jei reve: “Cheporerekua Egipto tëta chembae re, Asiria cherembiapo re, Israel tëta chembae aeño vae re.”

ISAÍAS 29:23

echa taɨ reta oecha yave cherembiapo jae reta ipɨte pe, chemboete retata che Iyoambae ko, Jacob iñemuña reta ipɨte pe, jare oipoɨu retata chegüi, che jae ko Israel iTumpa.

ISAÍAS 43:21

ayapo ko kuae tëta chembaerä, omoërakua vaerä cheyemboetea.

ISAÍAS 43:7

opaete jókuae cheree güɨnoi vae reta, jókuae ayapo jupi reta ayemboeteuka vaerä vae.’

ISAÍAS 44:21

“Israel, Jacob iñemuña reta, agüɨye neakañɨ, nde ko cherembiokuai, nde ko cherembiokuai, echa che ko roapo. Israel, agüɨye neakañɨ chegüi.

ISAÍAS 60:21

Opaete nerëta pegua reta jupi yaeta, jae reta ko ɨvɨ iyarä jekuae avei pegua, ɨvɨra jeñɨigüe, che etei añotɨ vae ko, mbaravɨkɨ che ayapogüe, aechauka vaerä cheyemboetea.

ISAÍAS 61:3

amee vaerä opaete Sión pe ipɨatɨtɨ ñogüɨnoi vae reta pe, oime vaerä mbaemboete, mbɨatɨtɨ jekovia pe, yerovia katu toñemee mbae ikäti vae rami temimonde mbɨatɨtɨ pegua jekovia pe; asoya yerovia pegua, mbɨatɨtɨ jekovia pe. Jare oyembojeeuka retata: “Ɨvɨra jupi vae”, yandeYa jemitɨ, jae iyemboetea peguarä.

JEREMÍAS 31:33

Ërei kuae ko jae morogüɨrökuavee päve ayapota tëta Israel ndive jókuae ara kuri vae: Añonota cheporookuai reta ipɨa pe, aikuatiata ipɨa re; jare aikota jae reta iTumparä jare jae reta yogüɨrekota chembaerä.

San Mateo 5:16

Jökorai toyekuaa pereko kavi reta ïru vae reta jóvai, oikuaa reta vaerä peyapo ko ikavi vae. Jökorai omboete reta vaerä peRu ara pe oï vae.

San Juan 3:21

Ërei añete pegua rupi oiko vae ou tembipe pe, ïru vae reta oikuaa vaerä jembiapo reta oyapo ko Tumpa jemimbota rupi kavi.

Hechos 9:31

Jayave opaete Judea rupi, Galilea rupi jare Samaria rupi, oporogüɨrovia vae reta yogüɨreko pɨagüive jare oñemomɨ̈rata reta oipoɨu kavi reve yandeYa güi, jare Espíritu Santo iporomborɨ rupi jekuaeño jeta oñemoïru.

Hechos 9:36

Oiko tëta guasu Jope pe metei kuña oporogüɨrovia vae Tabita jee vae (kuae tee oipota jei: “Dorcas”). Kuae kuña oyapo jeta ikavi vae, jare omee vi jeta mbae iparavete vae reta pe.

Romanos 8:1

Jáeramo, Tumpa ngaraa etei omboeko Cristo Jesús re güɨrovia vae reta. Jókuae Espíritu jei vae rupi oiko, mbaetɨ isoo jemimbota reño oiko vae.

Romanos 8:29

iyɨpɨ güive oikuaa vae reta. Jókuae reta oiparavo vi yogüɨreko reta vaerä Taɨ rami; Jae oiko vaerä opaete Tumpa taɨ reta ipɨte pe tenondegua eterä.

1 Corintios 3:9

Echa ore ko roparavɨkɨ Tumpa ndive vae. Pe reta ko jae temitɨ Tumpa iko pegua rami, jare metei o Tumpa omopüa oï vae rami.

2 Corintios 5:17

Jáeramo, kia güɨrovia Cristo re vae, oa pɨau ye rami ko. Opaete teko tenondegua oasa ma. Ipɨau ma ko.

2 Corintios 5:5

Jare kuaerä Tumpa jökorai yandeapo, omee yandeve Espíritu Santo jae ko oikuaauka jae imbae ete ko yande vae.

2 Corintios 9:8

Imbaepuere yae ko Tumpa omee vaerä peve jeta mbaembae ipɨa kavi jeko pegua, agüɨye vaerä mbae oata peve, jökorai pepuere vaerä peporomborɨ kavi opaete mbaembae pe.

Gálatas 6:15

Echa Cristo Jesús re mbaeä ko yayembocircuncidauka vae ani mbaetɨ vae. Ikavi vae jae ko ñanoi vaerä tekove ipɨau vae.

Efesios 1:1

Che Pablo, Jesucristo jemimondo Tumpa jemimbota rupi vae, aikuatía opaete peporogüɨrovia vae Cristo Jesús re Efeso pe peiko vae pe.

Efesios 1:4

jae yandeparavo jese ndei ɨvɨ oyeapo mbove, ñañeñono tee yaiko vaerä ikɨambae jae jóvai;

Efesios 2:13

Ërei añave Cristo Jesús re, pe reta mombɨrɨ peikose Tumpa güi vae, peyemboyauka jese Cristo Jesús jugüɨ rupi.

Efesios 2:15

omboai jete pe ñomotareɨ reta, omboai mborookuai jei vae reta, judío reta jare judiombae vae reta güi oyapo metei tëta ipɨau vae imbaerä; jökorai omee mbɨakatu chupe reta,

Efesios 2:2

Echa jókuae pe ko peyapo yepi tenonde rupi, pemomoe teko kuae ɨvɨ pegua, peyapo jókuae mburuvicha yaechambae vae iñeereendumbae vae re oparavɨkɨ oï vae jemimbota.

Efesios 2:6

Cristo ndive yandemoingove ye, jare yandemboguapɨ ara pe jae ndive.

Efesios 4:1

Che tembipɨɨ yandeYa re vae, pomoñera peguata kavi vaerä, Tumpa oenɨigüe reta oguata rami kavi:

Efesios 4:24

Peyemonde teko ipɨau vae pe, Tumpa jae rami oyapo vae pe, jupi vae pegua pe, oñeñono tee añetete pegua vae.

DEUTERONOMIO 32:6

¿Jökorai pa pemboekovia yandeYa pe? Tëta imbokere jare mbaetɨ arakuaa güɨnoi vae. ¿Jaeä pa peRu peapoa? ¡Jae ko peapo jare omee peiko vaerä!

DEUTERONOMIO 5:33

Peguata yandeYa Tumpa peokuai vae rupi, peo kavi vaerä jare peiko kavi vaerä, jökorai peiko puku vaerä ɨvɨ peota peiko pɨpe vae pe.

Filipenses 1:6

Aikuaa katu, Tumpa omboɨpɨ ma oyapo metei mbaravɨkɨ ikavi vae pepɨa pe vae, jae etei ko jekuaeñota oyapo Jesucristo ou ye regua.

Filipenses 2:13

echa Tumpa etei omee peve kɨ̈reɨ jare peyapo vaerä, jae jemimbota rupi.

Colosenses 1:10

Peguata kavi vaerä, Tumpa oenɨigüe reta oguata rami kavi, pemboyerovia opaete mbaembae pe. Peyapo avei opaete mbaembae ikavi vae. Peikuaa kavi ete avei Tumpa.

Colosenses 3:10

jare peyemonde ma teko ipɨau vae pe. Echa kuae teko ipɨau vae oyembopɨau aveita ojo oiko oyekuaa regua iyapoa rami, oikuaa kavi regua.

2 Tesalonicenses 2:17

jae tapembopɨakatu jare tapemomɨ̈rata opaete ñee ikavi vae pere vaerä, jare ikavi vae peyapo vaerä.

1 Timoteo 2:10

Ërei toyapo mbaembae ikavi vae. Kuña reta oñemee Tumpa pe vae oyapo rami.

1 Timoteo 5:10

jare jërakua kavi jembiapo reta rupi vae, oyangareko kavi imembɨ reta re, omboresive kavi mboupa, oyoe oporogüɨrovia vae reta ipɨ, omborɨ oiporara vae reta jare oyapo opaete mbae ikavi vae yave.

1 Timoteo 5:25

Jaeramiño vi amogüe reta oyapo ikavi vae oyekuaa kavi voi; ërei ikavi vae añave mbaetɨ oyekuaa vae oyekuaa tai ko.

1 Timoteo 6:18

Jare eyókuai vi toyapo ikavi vae, toikokatu mbaembae ikavi oyapo vae pe, tikɨ̈reɨ ngatu omee vaerä güɨnoigüe jare tipɨakavi reta,

2 Timoteo 2:21

Jayave, amogüe oeya yave mbae ikavimbae vae, oikota tembiporu mbaemboete peguarä, ñeñono tee jare ikavigüe yandeYa peguarä, jare oïndaivita oipotagüe mbaravɨkɨ ikavi vae oyapo vaerä.

2 Timoteo 3:17

jökorai Tumpa jembiokuai reta, oikuaa kavi vaerä opaete Tumpa jemimbota re, jare ipuere oyapo opaete mbae ikavi vae.

Tito 2:14

Echa jae oñemee omano vaerä yanderé, jae yandereepɨ vaerä opaete ikavimbae güi, jare oyoe vaerä yandepɨa yandeyoa reta güi, yandeapo vaerä imbae retarä, yaipota yae vaerä yayapo mbaravɨkɨ ikavi vae.

Tito 2:7

Nde etei eyapo opaete mbaravɨkɨ reta ikavi vae, eporomboe añete vae re, ndereko tisɨmbi,

Tito 3:1

Emomaendúa oyeapɨsaka nderé vae reta yogüɨreko vaerä mburuvicha reta jare mbaepuere güɨnoi vae reta jeia re, jare tikɨ̈reɨ ngatu avei reta oyapo vaerä mbae ikavi vae.

Tito 3:14

Jare oporogüɨrovia vae reta toyemboe jekuaeño oyapo vaerä ikavi vae, ipuere vaerä omborɨ mbae oata chupe vae reta. Echa jökorai oyapo reta yave, oyeokuai ko Tumpa pe.

Tito 3:8

Kuae ko jae ñee añete vae, jare aipota jekuaeño täta reporookuai vaerä kuae mbaembae re, Tumpa re güɨrovia vae reta oyapo vaerä ikavi vae, kuae mbaembae ikavi ko opaete vae pe.

Hebreos 10:24

Yaeka kërai yayomborɨ päve vaerä, ñañomoäta ngatu yayoaɨu vaerä jare tembiapo reta ikavigüe pe.

Hebreos 13:21

tapembojupi opaete mbae pe, peyapo vaerä jemimbota; Tumpa toyapo yanderé oipota vae Jesucristo rupi; ¡toyemboete Cristo jekuae avei rupi! ¡Amén!

1 Pedro 2:12

Peechauka kavi pereko oporogüɨroviambae vae reta ipɨte pe. Iñeenguru pekotɨ ikavimbae peyapo vaeecha vae reta, oecha perembiapo ikavi vae yave, omboete retata Tumpa, iporojäa iara pe.

1 Juan 1:7

Ërei yaiko yave tembipe pe, Tumpa oiko tembipe rami, ñañemoïru ko oyoupi, jare Taɨ Jesucristo jugüɨ yandeyoe opaete mbaeyoa güi.

1 Juan 2:6

Oime yave kia “che ko jae Cristo imbae”, jei vae, toiko kavi jae oiko rami.