Efesios 1:5 - Biblia Guarani Tumpa Iñee

⁵ iporoaɨu rupi iyɨpɨ güive voi yandeparavo yandeapo vaerä taɨ retarä Jesucristo rupi, jae ipɨa jemimbota rupi,

Nuevo Testamento Guaraní Pe

⁵ Tumpa ñanderaɨu. Jae rambue tenonde yave ñandeparavo yayeapo vaera taɨ retara Jesucristo rupi. Echa cuae iquɨreɨ yae oyapo jae jemimbota rupi.

Efesios 1:5 ပူးပေါင်းရင်းမြစ်များ

JEREMÍAS 3:19

Israel, che ko aipota reiko cheraɨrä, jare amee ndeve ɨvɨ ipotaa yae vae, tëtaguasu reta iɨvɨ ikavi yae vae. Ayemongeta ko rere vaerä cheve cheRu, jare mbaetɨ yeta resɨrɨ chegüi.

JEREMÍAS 3:4

¿Rereä pa añave cheve: ‘CheRu, chetaɨrusu güɨroata vae,

DANIEL 4:35

Opaete ɨvɨ pegua reta mbaeä etei ko. Jae oyapo jemimbota ara pe jare ɨvɨ pegua reta pe. Mbaetɨ kia ipuere oyopia imbaepuere jare jei chupe: ¿Mbae pa reyapo?’

OSEAS 1:10

Jeseve, Israel iñemuña reta jeta yaeta, ɨguasu jembeɨ pe ɨvɨkuitï oï rami, mbaetɨta ipuere oñejäa ani oyepapa. Jare “tëta chembaeä ko pe reta”, jei chupea pe jeita chupe: “Tumpa oikove vae taɨ ko pe reta.”

San Mateo 1:25

Ërei José mbaetɨ güɨroke María imembɨrɨpɨ oa regua. Jare María imembɨ oa ma yave, José ombojee Jesús.

San Mateo 11:26

Ikavi ko cheRu. Echa jökorai ko jaekavi ndeve.”

San Lucas 10:21

Jókuae ora pe etei Jesús oyerovia jare jei: “Romboete cheRu, nde ko jae ara pegua reta jare ɨvɨ pegua reta iYa, echa reñomi mbaembae iyarakuaa vae reta güi, ërei reechauka oñemomichi vae reta pe. Ikavi ko cheRu. Echa jökorai ko jaekavi ndeve.”

San Lucas 11:32

Tumpa oporojäa yave, Nínive pegua reta opüata omboeko vaerä añave yogüɨreko vae reta. Echa jae reta oeya iyemongeta ikavimbae vae ipɨa pe güɨnoi vae, Jonás omoërakua Tumpa iñee chupe reta yave. Ërei, ko oï tuichagüe yae Jonás güi vae.

San Lucas 12:32

Agüɨye pekɨɨye, pe mbovɨ yae vae reta. Echa Tumpa ipɨa kavi rupi omee peve iporookuaía.

San Juan 1:12

Ërei opaete omboresive vae reta, güɨrovia jese vae reta pe, omee ipuere vaerä yogüɨreko Tumpa taɨ retarä ani tayɨ retarä.

San Juan 11:52

Ërei mbaetɨta omano judío reta reño. Omanota omboatɨ vaerä opaete Tumpa taɨ oñemoai ñogüɨnoi vae.

San Juan 20:17

Jayave Jesús jei chupe: —Agüɨye chepɨɨ. Echa ndei ayeupi cheRu pɨri. Ërei ekua emombeu cherɨvɨ reta pe che jae körai: “Ajata ma cheRu pɨri, jae ko peRu vi. Jae ko cheTumpa, jae ko peTumpa vi.”

Hechos 13:48

Jare judiombae vae reta oendu yave kuae ñee, oyerovia yae reta jare ombotuicha Tumpa iñee. Jare güɨrovia opaete jókuae Tumpa oiparavo tekove opambae vae güɨnoi vaerä vae reta.

Romanos 8:23

Jökoraiño vi yande, Espíritu räri yamboresive ma yandepɨa pe vae, yaiporara yae ñaï yandepɨa pe, echa ñaäro ñaï yanderete oyeyora ete vaerä, Tumpa taɨ reta yande ramo.

1 Corintios 1:1

Che Pablo, Tumpa cheparavo jemimbota rupi aiko vaerä Jesucristo jemimondorä. Cherɨvɨ Sóstenes ndive,

1 Corintios 1:21

Tumpa iyarakuaa rupi, ɨvɨ pegua reta iyarakuaa rupi aeño mbaetɨ ipuere oikuaa Tumpa. Ërei Tumpa jaekavi omboasa vaerä oporogüɨrovia vae reta ñee ikavi vae mbokereecha vae rupi.

2 Corintios 6:18

Jare che aikota peRurä, jare pe reta peikota cheraɨrä jare cherayɨrä. Jökorai jei yandeYa Imbaepuere yae vae.”

Gálatas 3:26

echa opaete pe reta Tumpa taɨ reta ko, perovia Cristo Jesús re vae rupi;

Efesios 1:11

Iyɨpɨ güive voi yandeparavo ñanoi vaerä jae omeeta yandembaerä vae, jae oyapo opaete mbaembae ipɨa jemimbota rupi vae.

Efesios 1:9

jare oikuaauka yandeve jemimbota yaikuaa rapembae vae, jae ipɨakavi rupi. Jae etei oyemongeta oyapo vaerä vae.

Filipenses 2:13

echa Tumpa etei omee peve kɨ̈reɨ jare peyapo vaerä, jae jemimbota rupi.

Colosenses 1:19

Echa yandeRu oipota vae ko jae, oï vaerä opaete mbaepuere Cristo re;

2 Tesalonicenses 1:11

Jáeramo royerure avei peré, Tumpa jupi ko perenoi vaerä jae iporoparavo pe, jare ombopo vaerä imbaepuere rupi opaete peipota vae peporogüɨrovia rupi peyapo vae.

Hebreos 2:4

Tumpa etei omoañete jae reta omombeu yandeve vae, mɨakañɨ reta, jare Espíritu Santo rupi mbaepuere reta oñemee vae rupi.

1 Juan 3:1

Mase, kërai yandeRu Tumpa yanderaɨu yae, ñanereenɨi jae taɨ retarä. Jáeramo ɨvɨ pegua reta mbaetɨ yandekuaa, echa jae reta mbaetɨ oikuaa Tumpa.

Apocalipsis 21:7

Oporomoamɨri vae pe ameeta imbaerä opaete mbaembae. Che etei aikota jae iTumparä jare jae oikota cheraɨrä.