Efesios 1:18 - Biblia Guarani Tumpa Iñee

¹⁸ Tumpa toesape pearakuaa, peikuaa kavi vaerä mbaerä ra pereenɨi vae jare kërai penoi vi ko mborerekua tuichagüe oporogüɨrovia vae reta ndive vae,

Nuevo Testamento Guaraní Pe

¹⁸ Tumpa tomee peve aracuaa, peicuaa vaera quirai pepuere pearo peyerovia reve. Echa jae peparavo cuaera. Tumpa toicuauca vi peve quirai oñemboeteuca yaeta opaete vae pe omeeta ñandeve vae jeco pegua. Echa jae ñaneñono tee iyeupeguara.

Efesios 1:18 ပူးပေါင်းရင်းမြစ်များ

JOB 42:5

Aenduse yepi nderegua, ërei añave cheresa ndereecha oï.

SALMOS 119:18

Eipea cheresa, aecha vaerä mbaembae ikavi yae vae neñee pe.

ISAÍAS 11:2

Jese oïta yandeYa iEspíritu; espíritu pɨaarakuaa katu pegua jare arakuaa katu, espíritu yemboarakuaa pegua jare mbaepuere pegua, espíritu oikuaa yae mbae vae, jare oipoɨu yandeYa güi vae.

ISAÍAS 29:10

Echa yandeYa ombou peve topeɨ tätagüe, ñeemombeúa reta opa oesaöva, maratuta vae imombeúa reta opa oesaöva.

ISAÍAS 29:18

Jókuae ara, oendumbaese vae reta oenduta, tembikuatía oyemongeta chupe reta yave, jare jesambae vae reta oechata.

ISAÍAS 32:3

Jayave ikɨ̈reɨ oecha vae reta, ipuereta oecha, jare ikɨ̈reɨ oendu vae reta, ipuereta oendu;

ISAÍAS 42:7

Reipea vaerä jesambae reta jesa, renoe vaerä tembipɨɨ reta tembipɨɨrɨru güi, jare tembipɨɨrɨru pɨtumimbi vae pe yogüɨreko vae reta.

ISAÍAS 6:10

Embopɨatäta kuae tëta; eyapete iyapɨsa reta jare esaöva, agüɨye vaerä oecha reta jare oendu reta, jare ipɨa reta ave agüɨye toikuaa kavi, agüɨye toyepoepɨ reta jeko güi, okuera reta vaerä.”

San Mateo 13:15

Echa kuae reta ipɨa täta, jare iyapɨsa pe oendu tëi, jare osapɨmiño, agüɨye vaerä oecha jesa pe, agüɨye vaerä oendu iyapɨsa pe, agüɨye vaerä oikuaa ipɨa pe, agüɨye vaerä oyerova chekotɨ, okuera reta vaerä.’

San Marcos 10:17

Jare Jesús jaema ojo yave, metei osɨi ou ikotɨ, jare oyetavatɨka Jesús jóvai jei reve: —Oporomboe vae, jupi vae, ¿mbae pa chepuere ayapo anoi vaerä tekove opambae vae?

San Lucas 24:45

Jayave oyepea chupe reta, oikuaa kavi vaerä Tumpa Iñee oyekuatía oï vae.

Hechos 16:14

Jayave metei kuña Lidia jee vae temimonde pɨ̈taü vae imeea tëta guasu Tiatira pegua omboete Tumpa vae oyeapɨsaka oï. YandeYa oparavɨkɨ ipɨa pe, oyeapɨsaka kavi vaerä Pablo jeigüe re.

Hechos 26:18

reipea vaerä jesa reta, jare oyepoepɨ reta vaerä pɨtumimbi güi tembipe pe jare Satanás imbaepuere güi Tumpa kotɨ. Cheré güɨrovia reta yave Tumpa iñɨ̈rota chupe reta iyoa reta re jare omboresive retata vi imbaerä vae ïru oñeñono tee Tumpa peguarä vae reta ndive.

Romanos 11:29

Echa Tumpa omee chupe reta vae, ngaraa opɨ̈ro ye. Jare oporoenɨi yave, mbaetɨ oipoepɨ.

Romanos 2:4

Reröɨro Tumpa ipɨakavi jare ipɨaguasu yae ndeve vae. ¿Mbaetɨ pa reikuaa ipɨakavi ko ndeve, reeya vaerä ikavimbae ndepɨa pe oï vae?

2 Corintios 4:4

Echa kuae ɨvɨ pegua tumpa ombopɨtumimbi oporogüɨroviambae reta iyarakuaa, agüɨye vaerä oikuaa kavi ñee ikavi vae Cristo iyemboetea regua. Jae ko Tumpa etei.

2 Corintios 4:6

Echa Tumpa ko jei oime vaerä pɨtumimbi pe tembipe. Jae etei ko omoembipe orepɨa pe, roikuaa vaerä Tumpa iyemboetea oyekuaa Jesucristo rupi.

Gálatas 5:5

Echa yande Espíritu jare mborogüɨrovia rupi ko ñaäro yayembojupi vaerä.

Efesios 1:11

Iyɨpɨ güive voi yandeparavo ñanoi vaerä jae omeeta yandembaerä vae, jae oyapo opaete mbaembae ipɨa jemimbota rupi vae.

Efesios 1:7

jugüɨ rupi yandereepɨ ma, Tumpa iñɨ̈ro vaerä yandeve yandeyoa reta re, ipɨakavi yae rupi,

Efesios 2:12

jókuae ara rupi peikose Cristombae reve, peiko tee Israel pegua reta güi, jare Tumpa iporogüɨrökuavee päve güi, mbaetɨ mbae penoi peäro vaerä jare peTumpambae kuae ɨvɨ pe.

Efesios 3:16

omee vaerä peve iyemboetea tuicha yae rupi pepɨ̈rata peporogüɨrovia pe iEspíritu rupi,

Efesios 3:8

Yepe tëi che ko michi yae opaete oporogüɨrovia vae michi yae vae güi, ërei oñemee cheve Tumpa ipɨakavi, amoërakua vaerä judiombae reta pe ñee ikavi vae, Cristo imbaeyekou yaipapa rapembae vae re,

Efesios 4:1

Che tembipɨɨ yandeYa re vae, pomoñera peguata kavi vaerä, Tumpa oenɨigüe reta oguata rami kavi:

Efesios 4:4

metei jeteño, jare metei Espíritu, Tumpa pereenɨi peporoäro vaerä metei ramiño;

Efesios 5:8

Echa tenonde yave peikose pɨtumimbi pe rami. Ërei añave peiko tembipe rami yandeYa re. Peiko tembipe pe yogüɨreko vae reta rami.

Filipenses 3:14

Jáeramo añemoäta ngatu avei, aupitɨ vaerä Tumpa omeeta cheve Cristo Jesús rupi vae.

Colosenses 1:12

Peyerovia reve pemee yasoropai yandeRu pe, echa jae omee ma peve penoi vaerä pembaerä opaete ïru oporogüɨrovia vae reta tembipe pegua pe oñemeeta vae.

Colosenses 1:23

Jekuaeño peñemomɨ̈rata jare peñemoäta ngatu peporogüɨrovia re yave, jare pesɨrɨmbae reve peäro yave ñee ikavi vae peendu vae. Jókuae ñee ikavi vae oñemoërakua opaete ɨvɨ rupi, jare che Pablo, Tumpa cheapo jókuae amoërakua vaerä.

Colosenses 1:27

Echa Tumpa ikɨ̈reɨ oikuaauka chupe reta kërai kuae yaikuaambae vae iyemboetea tuicha yae judiombae vae reta peguarä vae; jae ko Cristo oiko pepɨa pe vae, jese peäro mbaemboetea vae.

Colosenses 1:5

peäro peï reve Tumpa oñovatu ma peve ara pe vae ramo. Pe reta peikuaa kuae regua, ñee ikavi vae añete vae peendu yave.

Colosenses 2:2

pepɨakatu vaerä, jare peyoaɨu vaerä metei ramiño, peupitɨ regua opaete arakuaa, peikuaa regua yandeRu Tumpa jare Cristo regua yaikuaambae vae.

Colosenses 3:15

Jare Tumpa ipɨakatu toiko pepɨa pe, echa jaerä Tumpa peparavo peiko vaerä metei jeteño; pemee avei yasoropai Tumpa pe.

1 Tesalonicenses 2:12

Ore poyókuai peiko vaerä Tumpa imbae reta yogüɨreko rami. Echa jae peparavo peiko vaerä iporookuaía jare iyemboetea pe.

1 Tesalonicenses 5:8

ërei yande yaiko tembipe pe vae reta yayeandu ñaï, yamonde reve mborogüɨrovia pe jare mboroaɨu pe temimonde ñeraro pegua pe rami. Jare peñono peäka re äka-ɨru jiero pegua yemboasa pegua.

2 Tesalonicenses 1:11

Jáeramo royerure avei peré, Tumpa jupi ko perenoi vaerä jae iporoparavo pe, jare ombopo vaerä imbaepuere rupi opaete peipota vae peporogüɨrovia rupi peyapo vae.

2 Tesalonicenses 2:16

YandeYa Jesucristo etei jare yandeRu Tumpa yanderaɨu vae jare yandembopɨakatu avei vae jare ñaäro yayerovia reve ipɨakavi rupi vae,

1 Timoteo 6:12

Eñeraro kavi ndeporogüɨrovia re, egüɨ̈rakua tekove opambae vae re, echa kuaerä Tumpa ndeparavo. Jáeramo remombeu ndeporogüɨrovia jeta vae jóvai.

Tito 2:13

jare ñaäro yayerovia reve yandeRu Tumpa yandemboasa vae Jesucristo ou yeta vae.

Tito 3:7

Jökorai Tumpa oyapo ñanoi vaerä tekove opambae vae, jare jókuae ñaäro ñaï yayerovia reve. Echa Tumpa yandembojupi ipɨakavi rupi.

Hebreos 10:32

Ërei pemaendúa ara reta oasagüe re, kërai Cristo re peyemboe yave, ïru vae reta oiporarauka yae peve yave pepɨ̈rata peporogüɨrovia pe,

Hebreos 6:4

Echa metei oyeesape ma vae, jare jókuae oendu ma Tumpa omeegüe vae, jare oikuaa ma Espíritu Santo vae reta,

1 Pedro 1:3

Toyemboete Tumpa yandeYa Jesucristo Tu. Jae yandeparareko yae ramo yandeapo taɨ retarä, ñaäro vaerä yayerovia reve, Jesucristo oikove ye omanogüe reta ipɨte güi vae rupi.

1 Pedro 3:9

ikavimbae oyapo peve vae pe agüɨye pemboekovia ikavimbae pe, agüɨye peyepopeyu oyepopeyu peré vae re, ërei peñee kavi, echa peikuaa ko peyeparavo penoi vaerä mborerekua.

1 Pedro 5:10

Ërei Tumpa ipɨakavi tuicha yae vae, yandeparavo omee vaerä yandeve yerovia opambae vae Jesucristo rupi vae, peiporarata güire michi pegua jae etei pembojupita, pemomɨ̈ratata jare pemoäta ngatuta.