Efesios 1:14 - Biblia Guarani Tumpa Iñee

¹⁴ Jae ko oikuaauka Tumpa omeeta yandeve vae iyarä ko yande vae, yandereraja ete regua, oyemboeteuka vaerä.

Nuevo Testamento Guaraní Pe

¹⁴ Tumpa omee ñandeve Espíritu Santo, oicuauca vaera ñanoita opaete Tumpa omeeta ñandeve vae. Cuae Tumpa omeeta ñandeve ñanderepɨ ete yave. Ñande co jae imbae. Jare Tumpa cuae oyapo yave, oñemboeteucata co cuae jeco pegua.

Efesios 1:14 ပူးပေါင်းရင်းမြစ်များ

SALMOS 74:2

Nemaendúa tëta ndembae vae re, arakae güive reiparavo ndeyeupe vae, reyora reta reyapo vaerä ndembaerä vae; nemaendúa kuae ɨvɨtɨ guasu Sión re, nde reiko pɨpe vae.

SALMOS 78:54

Güeru jaɨkue rupi ɨvɨ oñono tee vae jembeɨ pe; kuae ɨvɨtɨ jae imbaepuere rupi opɨ̈ro vae pe.

San Lucas 21:28

Jare opaete kuae mbaembae omboɨpɨ oasa yave, peñemoäta ngatu. Echa köi yae ma Tumpa pereepɨ vaerä.”

Hechos 20:28

Jáeramo peyeandu jare peyangareko opaete oporogüɨrovia vae reta re, Espíritu Santo peparavo peyangareko jese vaerä vae reta re. Jókuae yandeYa oiparavo vae reta re, jae ogua jugüɨ ae pe vae.

Hechos 20:32

Añave cherɨvɨ reta, poeya Tumpa jare iñee ipɨakavi pegua pe. Echa kuae ñee güɨnoi mbaepuere pemomɨ̈rata jare omee peve pembaerä opaete jókuae oñeñono tee Tumpa peguarä vae reta ndive.

Romanos 8:23

Jökoraiño vi yande, Espíritu räri yamboresive ma yandepɨa pe vae, yaiporara yae ñaï yandepɨa pe, echa ñaäro ñaï yanderete oyeyora ete vaerä, Tumpa taɨ reta yande ramo.

1 Corintios 1:30

Ërei Tumpa etei peapo metei ramiño Cristo Jesús ndive. Echa Cristo Jesús rupi Tumpa omee yandeve arakuaa, yembojupi, ñaneñono tee jare yandereepɨ.

2 Corintios 1:22

jare jae ñanemokañɨmaa Espíritu Santo pe, oñono yandepɨa pe Espíritu Santo jae ko oikuaauka jae imbae ete ko yande vae.

2 Corintios 5:5

Jare kuaerä Tumpa jökorai yandeapo, omee yandeve Espíritu Santo jae ko oikuaauka jae imbae ete ko yande vae.

Gálatas 4:6

Jare taɨ reta ma yaiko ramo, Tumpa ombou yandepɨa pe Taɨ iEspíritu. Jae jei: “CheRu, cheRu.”

Efesios 1:11

Iyɨpɨ güive voi yandeparavo ñanoi vaerä jae omeeta yandembaerä vae, jae oyapo opaete mbaembae ipɨa jemimbota rupi vae.

Efesios 1:12

Oyemboeteuka vaerä ore rupi, ore räri Cristo re rogüɨrovia vae reta rupi.

Efesios 4:30

Agüɨye pembopɨatɨtɨ Tumpa iEspíritu Santo. Echa pɨpe Tumpa ñanemokañɨmaa yandereraja ete regua.

1 Pedro 2:9

Ërei pe reta ko jae ñemuña oyeparavogüe, sacerdote reta, tëtaguasu oñeñono tee vae, Tumpa peparavo jae imbaerä, pemoërakua vaerä mbae tuichagüe oyapogüe, perenoe pɨtumimbi güi peiko vaerä jembipe ikavi yae vae pe.