Efesios 1:10 - Biblia Guarani Tumpa Iñee

¹⁰ Jae ko, omboatɨ vaerä opaete mbaembae oyeapogüe Cristo ipo pe, opaete mbaembae ara pe oï vae, jare opaete ɨvɨ pe oï vae. Kuae ko oyeapota ara oväe yave.

Nuevo Testamento Guaraní Pe

¹⁰ Cuae co Tumpa iquɨreɨ oyapo vae: Omboatɨta opaete mbaembae oyeapogüe vae, Cristo oi vaera iYara - opaete mbaembae ara pe ñogüɨnoi vae, jare opaete mbaembae ɨvɨ pe ñogüɨnoi vae. Cuae Tumpa oyapota ara iyapɨ yave.

Efesios 1:10 ပူးပေါင်းရင်းမြစ်များ

GÉNESIS 49:10

Judá güi ngaraa kia ipuere opɨ̈ro mbaepuere, ngaraa vi ipo pegua oro pegua vae ave, ou regua Siloh, jókuae ipo pegua oro pegua iya, chupe opaete vae omeeta mbaemboete.

DANIEL 2:44

Jare kuae mburuvicha guasu reta iara rupi, Tumpa ara pe oï vae omopüata metei mborookuaía mbaetɨ eteita oyemboai vae, jare mbaetɨta kuae mborookuaía oyeeya ïru tëta ipo pe; omonguruvita jare omokañɨteita opaete kuae mborookuaía reta, ërei jae oikota jekuae avei,

AMÓS 9:11

“Jókuae ara rupi che amopüata David jo oagüe, jare oyeka yekagüe ayapeteta; amopüa yeta osururugüe, ayapo yeta arakae rami,

MALAQUÍAS 3:1

YandeYa Imbaepuere yae ete vae jei: “Mase, ko amondo cheñeemombeúa, jae oyapo kavita cheraperä; jare yandeYa outa güɨramoiño tupao guasu pe jókuae pe reta peeka vae, araɨgua morogüɨrökuavee päve pegua, jókuae pe reta peipota vae.”

San Mateo 25:32

Jare oyemboatɨta cheróvai opaete tëtaguasu reta. Jayave amboyaota amogüe reta oyougüi, metei omaangareko vae omboyao ivecha reta ikavara reta güi rami.

San Marcos 1:15

Jei reve: “Ara oväe ma, outa ma oväe Tumpa iporookuaía. Peeya peyemongeta ikavimbae vae pepɨa penoi vae, jare perovia ñee ikavigüe vae.”

1 Corintios 10:11

Tumpa oechauka yandeve kuae mbaembae oasa jae reta ndive vae. Jare oyekuatía oï yandemboarakuaa vaerä. Yande yaiko ara taɨkuegua pe vae reta pe.

1 Corintios 11:3

Ërei aipota peikuaa kavi Cristo ko jae kuimbae iñäka, jare kuimbae jae ko kuña iñäka jare Tumpa jae ko Cristo iñäka.

Gálatas 4:4

Ërei ara oväe ma oyembopo vaerä yave, Tumpa ombou Taɨ. Jae oa kuña güi, mborookuai iara pe,

Efesios 1:22

jare oñono Cristo ipo igüɨ pe opaete mbaembae. Omee vi chupe oiko vaerä oporogüɨrovia vae reta iñäkarä,

Efesios 2:15

omboai jete pe ñomotareɨ reta, omboai mborookuai jei vae reta, judío reta jare judiombae vae reta güi oyapo metei tëta ipɨau vae imbaerä; jökorai omee mbɨakatu chupe reta,

Efesios 3:15

Opaete tëtara ara pegua reta jare ɨvɨ pegua reta jese oikove,

Efesios 3:2

peikuaa ma ko aipo kërai Tumpa ipɨakavi omee cheve aparavɨkɨ vae pe ndive.

Colosenses 1:16

Echa jae rupi Tumpa oyapo opaete mbaembae ara pe oï vae jare ɨvɨ pe oï vae, yaecha vae jare yaechambae vae; mburuvicha reta ara pegua jare ɨvɨ pegua, jare opaete mbaepuere güɨnoi vae. Jae rupi etei oyeapo opaete jare chupeguarä.

Colosenses 1:20

jare ombopɨakatu jae ndive Cristo rupi opaete mbaembae, ɨvɨ pe jare ara pe ñogüɨnoi vae reta, oyapo mbɨakatu kurusu re jugüɨ oyepɨyere vae rupi.

Colosenses 3:11

Jare kuae teko ipɨau vae pe mbaetɨ ma oyemboyoavɨ judiombae judío güi, oyembocircuncida vae oyembocircuncidambae güi, yaikuaambae ani ketɨgua, oyeokuai vae jare oyeokuaimbae vae, jaeño ko Cristo oiko jare oï opaete pe.

Hebreos 1:2

Añave kuae ara reta pe imiari yandeve Taɨ rupi, jae ko ombojee opaete mbaembae iyarä vae, Taɨ rupi vi oyeapo opaete mbaembae.

Hebreos 11:40

Echa Tumpa omokätɨro yandeve mbae ikavi yae vae, agüɨye vaerä jae reta räri oyembojupiuka yandegüi.

Hebreos 9:10

echa jaeño güɨnoi mborookuai tembíu reta regua jare kërai jae reta oyeyoe vaerä Tumpa kotɨ. Opaete jókuae mborookuai reta ɨvɨ peguaño ko, oñeñono ko Tumpa opaete oyapokatu regua.

1 Pedro 1:20

Tumpa ombojee ñomai ndei ɨvɨ oyeapo mbove Cristo kuae ra, ërei kuae ara taɨkuegua reta pe ramo oyekuaa peraɨu jeko pegua.

Apocalipsis 5:9

jare jae reta otairari metei tairari ipɨau vae, jei reve: “Jupi ko nde reipɨɨ vaerä tembikuatía, jare reyora vaerä imboyaa, echa reyeyukauka, jare nderugüɨ pe oreyora Tumpa peguarä, opaete ñemuña, ñee, tëta jare tëtaguasu,