ECLESIASTÉS 9:9 - Biblia Guarani Tumpa Iñee

⁹ Evɨakatu avei jókuae kuña reaɨu vae ndive, opaete ara michi peguaño mbaeä etei reikove ramboeve kuae ɨvɨ pe; jae ko kuae opaete ndeparavɨkɨ reyemoambeko jese kuae ɨvɨ pe vae jekovia.

ECLESIASTÉS 9:9 ပူးပေါင်းရင်းမြစ်များ

GÉNESIS 26:8

Ɨma ma oiko joko pe yave, Abimelec filisteo reta juvicha guasu, omae ventana rupi oiko yave oecha Isaac oiküava güɨnoi jembireko Rebeca.

SALMOS 144:4

Kuimbae mbaeä etei ko; jekove, küaraɨa oasa vae ramiño ko.

SALMOS 39:5

Remee cheve mbovɨ araño aikove aiko vaerä, cherekove mbaeä etei ko ndeve, ¡añetete opaete kuimbae oikove vae mbaeä etei ko!

PROVERBIOS 18:22

Kuimbae oväe imenda ïrurä vae, oväe ko ikavi vae, yandeYa ipɨa kavi ou chupe.

PROVERBIOS 19:14

Kuimbae reta iporombopota jae ko, jo jare imbaeyekou taɨ reta imbaerä, ërei yandeYa iporombopota jae ko, kuña yarakuaa katu vae.

ECLESIASTÉS 2:10

Mbaetɨi ayeopia cheresa jemimbota güi; mbaetɨi ayeopia chepɨa oipota vae güi. Chepɨayerovia opaete ayapogüe reta re, jókuae ko jae opaete cheparavɨkɨ reta jekovia.

ECLESIASTÉS 2:24

Kuimbae pe ikavi vae, jae ko okaru kavi vae, jare oyerovia iparavɨkɨagüe re vae. Kuae aikuaa vi jae ko Tumpa güi ou vae.

ECLESIASTÉS 3:13

echa Tumpa ko omee yandeve yakaru kavi vaerä, jare yayekou vaerä opaete yandeparavɨkɨagüe re.

ECLESIASTÉS 3:22

Jökorai, aikuaa kuimbae pe jaekavi yae vae, jae ko oyerovia vaerä iparavɨkɨagüe re, echa jae ko jókuae iparavɨkɨagüe jekovia; echa omano güire mbaetɨ yeta kia güeru oecha vaerä mbae ra ko oasata jaɨkue rupi vae.

ECLESIASTÉS 5:18

Jayave, aecha ikavi yae vae jae ko: Yakaru kavi vae, yayerovia vaerä opaete yandeparavɨkɨagüe güi, kuae ɨvɨ pe yayemoambeko jese vae re, opaete ara Tumpa omee tekove yandeve ramboeve, echa jókuae ko jae yandeparavɨkɨ jekovia.

ECLESIASTÉS 6:12

Echa, ¿kia pa oikuaa mbae ra ko ikavita kuimbae peguarä vae, opaete ara michi peguaño oiko ramboeve? Echa jekove oasa ko metei küaraɨa rami. ¿Omano güire, kia pa ipuereta jei chupe, mbae ra kuae ɨvɨ pe oasata vae?

ECLESIASTÉS 7:15

Opaete kuaekuae aecha michi pegua aikoveño aiko ramboeve, jae ko: Kuimbae jupi vae omano jupi rupi oiko reve, jare oime iyoa vae iyoa oiko reve oikopuku.

MALAQUÍAS 2:15

Tumpa ko oyapo mókoi vae güi meteiño, güɨnoi jete jare jekove. ¿Maera pa oyapo metei ramiño? Echa oipota tëi ko peñemuña vaerä Tumpa peguaräño. ¡Jáeramo, peñeñovatu agüɨye pembotavɨ perembireko, petaɨrusu güive pemenda jae ndive vae!