ECLESIASTÉS 9:3 - Biblia Guarani Tumpa Iñee

³ Kuae ikavimbae yae vae ko oime oyeapo kuae ɨvɨ pe: Opaete vae oyovakeño ko omanota. Ïru yé jae ko kuimbae reta oyemongeta ikavimbae reño jare arakuaambae reño, opaete ara oikove oiko ramboeve, jare jökoraita opa omano.

ECLESIASTÉS 9:3 ပူးပေါင်းရင်းမြစ်များ

GÉNESIS 6:5

Jare yandeYa oecha kuimbae reta imbaeyoa jeiete yae ma ɨvɨ pe. Oecha kërai kuimbae reta ipɨa iyemongeta jekuaekuae mbaeyoa kotɨ reteiño.

GÉNESIS 8:21

YandeYa oëtu yave ipiche katu mbota, jei ipɨa pe: “Ngaraa ye ma ayepopeyu ɨvɨ re kuimbae jeko pegua, yepe tëi kuimbae taɨrusu güive ipɨa pɨ̈chɨi yae vae reño; ngaraa ye ma amboai opaete oikove vae añave ayapo rami.

JOB 15:16

¡Vɨtei pa kuimbae ikɨa jare jupimbae Tumpa jóvai vae, yɨmbɨaɨ etei jupimbae re, iɨuve yae vae ɨ oyúe rami!

JOB 21:26

Oyovake yogüɨrajata oputuu tɨvɨa pe, jare taso reta opata jou.

JOB 9:22

Metei mbae oata jae vaerä: Jupi vae jare iyoa vae, oyovakeño jae omokañɨtei.

SALMOS 51:5

Mase, ikavimbae pe akuakuaa, iyoa vae ko che chesɨ jɨe peve.

SALMOS 64:7

Tumpa ko oñɨvo retata juvɨ pe, iparanoe oñɨvo retata;

PROVERBIOS 14:32

Iyoa vae, oyemboai jeko kavimbae pe aeño; ërei kuimbae jupi vae, oyeepɨ jeko kavi rupi.

ECLESIASTÉS 1:17

Añeñono opaete chepɨa ndive aikuaa vaerä arakuaa, añeñono vi aikuaa vaerä mbokere reta regua jare arakuaambae regua; jökorai aikuaa opaete kuae reta re yayemoambekoiño ma vae.”

ECLESIASTÉS 12:7

Ndei ɨvɨkúi ojo ye oyea ɨvɨ ndive mbove, tenonde yave rami, jare ndei tekove ojo ye Tumpa kotɨ mbove, jókuae imeea kotɨ.

ECLESIASTÉS 2:14

Yarakuaa vae omae kavi opaete mbae oyapota yave, ërei yarakuaambae mbaetɨ omae kavi mbae oyapota yave. Ërei ngatu aecha vi kuae reta, oyovakeñota opa omano;

ECLESIASTÉS 7:2

Manoa pe yaja vae ikavi yae ko, aretea pe yaja vae güi; echa mano jae ko opaete vae reta iyapɨ, jare oikoveño oï vae ipuere oyemongeta avei jese.

ECLESIASTÉS 7:25

Jayave añeñono aikuaa kavi vaerä, ayemboe jare aeka arakuaa ikavigüe. Jare ayu aikuaa mbaetɨ ko ikavi yandearakuaambae vae jare mbokere ko yandearakuaambae vae.

ECLESIASTÉS 8:11

Echa mbaetɨ oñejäa voi oiporara vaerä jókuae ikavimbae iyapoa ramo, kuimbae reta oyemongeta oyapo vaerä ikavimbaeño.

ECLESIASTÉS 9:11

Kuae ɨvɨ pe jekuae aecha ye vae jae ko: Mbaetɨ iñäkua yae vae retaño oporomoamɨri, mbaetɨ jëia yae vae retaño oporomoamɨri; mbaetɨ yarakuaa vae retaño güɨnoi tembíu, mbaetɨ yarakuaa katu vae retaño oikokatu, mbaetɨ jeta oyemboe vae retaño imboetea yae; echa opaete kuae reta pe oväe väei ko iara.

ECLESIASTÉS 9:2

Opaete vae oyovakeño ko maratuta oasa: Jupi vae jare jupimbae vae, jeko kavi vae jare jeko kavimbae, ikɨambae vae jare ikɨa Tumpa jóvai vae, mɨmba oyeyukagüe omee vae jare mbaetɨ omee vae; jökoraiño vi iyoambae jare iyoa vae, Tumpa jee re jei vae jare oipoɨu Tumpa jee re jei vae.

ECLESIASTÉS 9:4

Yaikoveño ramboeve, oimeño ñaï kavi vaerä, echa yaɨmba oikoveño vae ko ikavi yeño yaguapope omanogüe güi.

JEREMÍAS 16:12

Jare pe reta oasa ete ye peyapo ikavimbae jókuae peñemuñagüe reta güi, echa metei ñavo peyapo pepɨa jemimbotaño, mbaetɨ peyeapɨsaka cheré.

JEREMÍAS 17:10

Che, ndeYa, aikuaa kërai ko pepɨa vae, aikuaa opaete yemongeta reta, amboekovia vaerä metei ñavo vae pe jeko oï rupi, jare jembiapo reta oï rupi.”

JEREMÍAS 17:9

Oporombotavɨ katu yae vae ko yandepɨa opaete ïru mbaembae reta güi, jare jeko kavimbae yae ko, ¿kia ra ipuere oikuaa?

San Lucas 15:17

Jayave ou oyemongeta, jare jei iyeupe: ¡Cheru jëta pe, omombaravɨkɨ vae reta jeta güɨnoi jou vaerä! Ërei che kuae pe cheyukata ma yɨmbɨaɨ.

San Lucas 6:11

Jayave mborookuai re oporomboe vae reta jare fariseo reta iyarasɨ yae Jesús kotɨ; jare oñomomiari reta mbae ra ipuere oyapo chupe.

Hechos 12:23

Jare jupiveiño metei yandeYa iaraɨgua omombaerasɨ Herodes, echa mbaetɨ omboeteuka Tumpa. Jare taso opa jou jökorai omano.

Hechos 26:11

Jare jeta rupi ainupa opaete judío reta itupao reta ñavo rupi, jare jaeuka chupe reta ikavimbae vae Jesús kotɨ. Jare chearasɨ yae ikotɨ reta ramo, aja aeka reta ïru tëta guasu reta rupi ave.

Hechos 26:24

Jare Pablo jökorai oñemoe iyé yave, Festo iñeeäta reve jei: —¡Ndembokere ma Pablo! ¡Jeta yae reyemboe vae ndemombokere ma!

Tito 3:3

Echa tenonde yave yandearakuaambaese yepi, yandepɨapochɨ, yanderopa, yaikose yanderete jemimbota reta reño, yaiko ikavimbae rupi, yandepɨakatúä,

2 Pedro 2:16

Tumpa omboeta chupe iyoa re; echa metei mburika imiari chupe vae rupi oyopia ñeemombeúa yarakuaambae reve oyapota tëi vae.