ECLESIASTÉS 9:2 - Biblia Guarani Tumpa Iñee

² Opaete vae oyovakeño ko maratuta oasa: Jupi vae jare jupimbae vae, jeko kavi vae jare jeko kavimbae, ikɨambae vae jare ikɨa Tumpa jóvai vae, mɨmba oyeyukagüe omee vae jare mbaetɨ omee vae; jökoraiño vi iyoambae jare iyoa vae, Tumpa jee re jei vae jare oipoɨu Tumpa jee re jei vae.

ECLESIASTÉS 9:2 ပူးပေါင်းရင်းမြစ်များ

GÉNESIS 24:3

jare yandeYa jee re ere añetete reyapota vae, Tumpa ara pe jare ɨvɨ pe oï vae, agüɨye emaeño cheraɨ Isaac tomenda Canaán pegua tayɨ ndive, che aï ipɨte pe vae,

JOB 9:22

Metei mbae oata jae vaerä: Jupi vae jare iyoa vae, oyovakeño jae omokañɨtei.

SALMOS 73:3

Añemoägüɨro ramo jókuae ipɨayembotuicha vae reta re, aecha ramboeve kërai yogüɨreko kavi iyoa vae reta.

ECLESIASTÉS 2:26

Echa Tumpa ko omee arakuaa katu, yemboe tuichagüe, jare yerovia katu jae ipɨakatu omae jese vae pe; ërei iyoa vae pe omee mbaravɨkɨ, jeta mbae oeka jare omboatɨ vaerä, jaɨkue rupi jae omee vaerä ombopɨakatu vae pe. ¡Kuae mbaeä etei vi, yayemoambekoiño ma ko jese!

ECLESIASTÉS 3:19

Echa añetete kuimbae reta jare mɨmba reta oyovakeño ko; kuimbae reta omano jare mɨmba reta omano vi; oyovakeño ko oikove opaete vae; kuimbae mbaetɨ puku jekove mɨmba reta güi; opaete kuae mbaeä etei ko.

ECLESIASTÉS 6:6

echa jókuae kuimbae ipuere tëi oiko dos mil año, ërei mbaetɨ oyekou mbaembae güɨnoigüe re. Oyovakeño ko ¡opaete vae yogüɨraja meteia peño!

ECLESIASTÉS 7:18

Kuaekuae eyapo, jókuae ïru reta reeyambae reve. Echa Tumpa güi oipoɨu vae, oë kavita chupe opaete mbaembae.

ECLESIASTÉS 7:2

Manoa pe yaja vae ikavi yae ko, aretea pe yaja vae güi; echa mano jae ko opaete vae reta iyapɨ, jare oikoveño oï vae ipuere oyemongeta avei jese.

ECLESIASTÉS 9:11

Kuae ɨvɨ pe jekuae aecha ye vae jae ko: Mbaetɨ iñäkua yae vae retaño oporomoamɨri, mbaetɨ jëia yae vae retaño oporomoamɨri; mbaetɨ yarakuaa vae retaño güɨnoi tembíu, mbaetɨ yarakuaa katu vae retaño oikokatu, mbaetɨ jeta oyemboe vae retaño imboetea yae; echa opaete kuae reta pe oväe väei ko iara.

ECLESIASTÉS 9:3

Kuae ikavimbae yae vae ko oime oyeapo kuae ɨvɨ pe: Opaete vae oyovakeño ko omanota. Ïru yé jae ko kuimbae reta oyemongeta ikavimbae reño jare arakuaambae reño, opaete ara oikove oiko ramboeve, jare jökoraita opa omano.

JEREMÍAS 43:6

Kuimbae reta, kuña reta, michia reta, mburuvicha guasu tayɨ reta, jare opaete Nabuzaradán, sundaro omaeäro vae reta juvicha oeya Gedalías, Ahicam taɨ Safán jɨmɨmino ipo pe oyangareko vaerä jese vae reta; jare vi ñemombeúa Jeremías jare Baruc.

MALAQUÍAS 3:15

Jare yae añave: ‘Oyembopɨa pochɨ vae reta oyerovia yae, ikavimbae oyapo vae reta ikavi yogüɨreko, ojäa reta tëi Tumpa ipɨaguasu, ërei mbaetɨ oiporara reta.’ ”

MALAQUÍAS 3:18

Jayave pe reta peikuaa yeta jupi vae jare jupimbae vae, Tumpa pe oyeokuai vae jare mbaetɨ oyeokuai chupe vae.”

MALAQUÍAS 3:5

Jei yandeYa Imbaepuere yae ete vae: “Jare ayuta pekotɨ aporojäa vaerä; amoañete vaerä imbaekuaa vae reta jeko jare iyaguasa vae reta, yapu reve imiari vae reta, jembiokuai pe mbaetɨ omboepɨ kavi vae reta, imemano vae tɨ̈reɨ, jare ketɨgua pe jupimbae oyapo vae reta mbaetɨ reve oipoɨu reta chegüi.”

1 SAMUEL 14:26

Jare oike reta jókuae kaa pe yave, oecha reta ei osɨrɨ etei jɨru güi, ɨ rami, ërei mbaetɨ etei kia yepe jou, echa okɨɨye reta mburuvicha jei Tumpa rovake vae güi.