ECLESIASTÉS 9:11 - Biblia Guarani Tumpa Iñee

¹¹ Kuae ɨvɨ pe jekuae aecha ye vae jae ko: Mbaetɨ iñäkua yae vae retaño oporomoamɨri, mbaetɨ jëia yae vae retaño oporomoamɨri; mbaetɨ yarakuaa vae retaño güɨnoi tembíu, mbaetɨ yarakuaa katu vae retaño oikokatu, mbaetɨ jeta oyemboe vae retaño imboetea yae; echa opaete kuae reta pe oväe väei ko iara.

ECLESIASTÉS 9:11 ပူးပေါင်းရင်းမြစ်များ

2 SAMUEL 17:14

Jayave Absalón jare opaete Israel iñemuña reta pe ikavi yae jókuae Husai jei vae, Ahitofel tenonde jei tëi vae güi. Echa yandeYa oyemongeta güɨrokomegua vaerä Ahitofel iporomboarakuaa, jupi rupi jei tëi vae, yandeYa güeru vaerä mbaesusere Absalón re.

2 SAMUEL 17:23

Ërei Ahitofel oecha mbaetɨ jae iporomboarakuaa oyeapo yave, oyokua imburika jare ojo jëta guasu kotɨ, jare opa oñono kavi jo pe opaete mbaembae teko reta yave oyeyuvɨ, jökorai omano, jare oñotɨ reta iñemuñagüe reta jɨvɨa oïa pe.

2 CRÓNICAS 20:15

Jare jei: “Peyeapɨsaka opaete Judá pegua reta jare Jerusalén pegua reta, jare nde, mburuvicha guasu Josafat. YandeYa jei peve körai: ‘Agüɨye pekɨɨye ani peyomongɨɨye jókuae jeta yae vae güi, echa yandeYa ko oñerarota, mbaetɨta ko pe reta.

JOB 34:29

Tumpa mbaetɨ mbae oyapo yave, ¿kia pa ojäata? Oñomi jova yave, ¿kia pa oechata? Jae omae jeta vae re jare kia ñavo re,

SALMOS 76:5

Ipɨatäta yae vae reta imbaembae opa oñepɨ̈ro chugüi reta; mbaetɨ etei metei ave mbae ipuere oyapo ipɨ̈rata yae vae reta, ¡opa omano reta!

PROVERBIOS 1:5

Yarakuaa katu vae oenduta, jare oñemoïru yé chupe iyarakuaa katu, yarakuaa katu vae omoïru iyarakuaa katu.

ECLESIASTÉS 2:12

Jaɨkue rupi ayemongeta arakuaa re, mbokere re jare arakuaambae re, echa ¿mbae yé pa oyapota cheraɨkue rupi mburuvicha guasurä oikota vae? ¡Mbaetɨ mbae, echa ko opa ma oyeapo!

ECLESIASTÉS 3:14

Aikuaa vi opaete Tumpa oyapo vae oiko aveita ko. Jókuae ngaraa etei oñemoïru, ani oñepɨ̈ro chugüi, echa Tumpa ko oyapo jökorai; opaete vae güɨnoi vaerä mboromboete ikotɨño.

ECLESIASTÉS 3:17

Jare jae cheyeupe: “Tumpa ojäata jupi vae jare jupimbae reta, echa oime ara, opaete mbaembae peguarä jare oyeapo vaerä.”

ECLESIASTÉS 4:1

Javoi amae opaete tekorai oyeapo kuae ɨvɨ pe vae re. Aecha oyaeo yogüɨrekoasɨ katu vae reta, jare mbaetɨ kia ombopɨakatu reta vaerä. Echa oporogüɨrekoasɨ katu vae reta güɨnoi mbaepuere jese reta.

ECLESIASTÉS 4:4

Jökoraiño vi aecha opaete mbaravɨkɨ ikavi yae oyeapo vae rupi ou ñemoägüɨro. Jökorai vi kuaekuae mbaeä etei ko, yayemoambekoiño ma ko jese.

ECLESIASTÉS 7:13

Emae kavi Tumpa jembiapo re; echa ¿kia pa ipuere ombosɨmbi jae omoapegüe?

ECLESIASTÉS 9:2

Opaete vae oyovakeño ko maratuta oasa: Jupi vae jare jupimbae vae, jeko kavi vae jare jeko kavimbae, ikɨambae vae jare ikɨa Tumpa jóvai vae, mɨmba oyeyukagüe omee vae jare mbaetɨ omee vae; jökoraiño vi iyoambae jare iyoa vae, Tumpa jee re jei vae jare oipoɨu Tumpa jee re jei vae.

ECLESIASTÉS 9:3

Kuae ikavimbae yae vae ko oime oyeapo kuae ɨvɨ pe: Opaete vae oyovakeño ko omanota. Ïru yé jae ko kuimbae reta oyemongeta ikavimbae reño jare arakuaambae reño, opaete ara oikove oiko ramboeve, jare jökoraita opa omano.

JEREMÍAS 46:6

¡Mbaetɨ ipuere otekuarai iñäkua yae vae reta, ani oasayepe jëia yae vae reta ave! Ɨvɨtuguasu kotɨ, ɨ̈aka Éufrates jembeɨ pe ipɨ̈sa-yeyuka jare oyepɨaka reta.

JEREMÍAS 48:14

Moab agüɨye tei: ‘Orerëia yae ko, ore ko ñeraro regua imbaepuere yae vae.’

JEREMÍAS 9:23

YandeYa jei körai: “Agüɨye yarakuaa vae toyemboete iyarakuaa re, jäta ngatu vae ave agüɨye toyemboete jäta ngatu re, jare oikokatu vae agüɨye toyemboete imbaeyekou reta re.

DANIEL 4:35

Opaete ɨvɨ pegua reta mbaeä etei ko. Jae oyapo jemimbota ara pe jare ɨvɨ pegua reta pe. Mbaetɨ kia ipuere oyopia imbaepuere jare jei chupe: ¿Mbae pa reyapo?’

ZACARÍAS 4:6

Jayave jei cheve: “Kuae ko jae yandeYa iñee Zorobabel peguarä: ‘Mbaetɨ sundaro ndive ani mɨ̈rata pe, jaeño cheEspíritu ndive jei yandeYa Imbaepuere yae ete vae.

MALAQUÍAS 3:18

Jayave pe reta peikuaa yeta jupi vae jare jupimbae vae, Tumpa pe oyeokuai vae jare mbaetɨ oyeokuai chupe vae.”

Efesios 1:11

Iyɨpɨ güive voi yandeparavo ñanoi vaerä jae omeeta yandembaerä vae, jae oyapo opaete mbaembae ipɨa jemimbota rupi vae.

DEUTERONOMIO 8:17

Agüɨye pere pepɨa pe: ‘Opaete kuae mbaeyekou oreparavɨkɨ rupi ko rogüɨnoi.’

DEUTERONOMIO 8:18

Jaeño pemaendúa yandeYa Tumpa re, echa jae ko omee peve mbaepuere penoi vaerä mbaeyekou, jökorai oyembopo vaerä morogüɨrökuavee päve oyapo jee re peñemuñagüe reta pe vae, añave rupi rami.

1 SAMUEL 17:50

Jayave David osɨi jare opɨ̈ro filisteo iárambo; jare ikɨsepuku güɨnoe chugüi jɨru güi, jare oiñäka-sɨa pɨpe, jökorai oyuka ete. Jökorai David omoamɨri jókuae filisteo tamamboka pe jare ita pe; ombopere jare oyuka güɨnoimbae reve David kɨsepuku ipo pe. Jare filisteo reta oecha isundaro jëia yae ñeraro pegua vae omano yave, otekuarai reta.

1 SAMUEL 6:9

Jare pemae peï jese; jare tape ojo Bet-semes kotɨ vae rupi ojo yave iɨvɨ ae pe, jayave Tumpa ko oiporarauka tuicha yandeve, ërei mbaetɨ ojo yave jókuae tape rupi, jayave jaeä ko oiporarauka yandeve, mbaerasɨiño ko.