ECLESIASTÉS 9:10 - Biblia Guarani Tumpa Iñee

¹⁰ Opaete mbae renoi reyapo vaerä vae, eyapo ndepuere rupi; echa omanogüe reta ñogüɨnoia pe, jókuae reotaa pe, mbaetɨ etei mbae oyeapo, mbaetɨ mbaravɨkɨ, mbaetɨ yemboe tuichagüe, mbaetɨ arakuaa ave.

ECLESIASTÉS 9:10 ပူးပေါင်းရင်းမြစ်များ

GÉNESIS 37:35

Jayave opüa opaete taɨ reta jare tayɨ reta ombopɨakatu vaerä tëi; ërei jae mbaetɨ oipota oyeapɨsaka taɨ reta iñee re, jare jei: “Ajata ko kuae mbɨatɨtɨ ndive cheraɨ oïa pe, omanogüe reta ñogüɨnoia pe.” Jare oyaeo tu.

1 CRÓNICAS 22:19

Jáeramo, peñemoäta ngatu peeka yandeYa Tumpa. Jayave peïndaivi pemopüa vaerä o mbaemboete pegua Tumpa yandeYa pe, yaroyakavo vaerä käjou morogüɨrökuavee päve pegua Tumpa imbae jare tembiporu reta oñeñono tee tupao pe Tumpa peguarä vae oñemopüata yandeYa peguarä.”

1 CRÓNICAS 28:20

Jayave David jei taɨ Salomón pe: “¡Eñemoäta ngatu jare eñemomɨ̈rata, eyapo mbaravɨkɨ! ¡Agüɨye eyembopɨtu jare ekɨɨye, echa yandeYa cheTumpa oïta nde ndive! Jae ngaraa ndereeya ani osɨrɨ ndegüi opa reyapo regua mbaravɨkɨ yandeYa pe: Tupao jare opaete oyeporuta pɨpe vae.

NEHEMÍAS 2:12

apüa pɨ̈tu yave jare mbovɨ kuimbae che ndive, ërei mbaetɨ amombeu kia pe ave yandeYa Tumpa oñono chepɨa pe ayapota Jerusalén pe vae. Mbaetɨ yogüɨraja reta kavayu re, jaeño che apo jese vae.

NEHEMÍAS 4:2

jei iñeïru reta pe jare sundaro reta Samaria pegua jóvai: “¿Mbae jei vae ra oyapo kuae judío paravete vete? ¿Güɨrovia ra, oñemaeñota omee reta ye vaerä mɨmba oyeyukagüe? ¿Güɨrovia ra opata oyapo reta metei ara pe? ¿Ikavita ra ita opa okaigüe pe oñemopüa ye vaerä tëta guasu ikësea?”

NEHEMÍAS 4:6

Romopüa tëta guasu ikësea, ɨvategüe romopüa mbɨte rupi, echa opaete vae oñemoäta ngatu oparavɨkɨ vaerä.

JOB 10:21

Ndei aja mbove, ayu yembae vaerä; ɨvɨ pɨtumimbía pe.

JOB 10:22

Mbaetɨ mbae ikavi joko pe, pɨtumimbi oñova tembipe pe.

JOB 21:13

Omboasa reta ara yogüɨreko kavi reve, omano pɨagüive reta.

SALMOS 6:5

Echa omano vae mbaetɨ ipuere imaendúa nderé; omanogüe reta ñogüɨnoia güi, ¿kia pa imaenduata nderé?

PROVERBIOS 3:28

Agüɨye ere nderapicha pe: “Ekua ye räri, pɨareve eyu tamee ndeve.” Oime tëi renoi remee voi vaerä chupe reve.

ECLESIASTÉS 11:3

Amapɨtu jeta güɨnoi ɨ yave, okɨta ko ɨvɨ re. Ɨvɨra oa yave arayevɨ kotɨ ani ɨvɨtuguasu kotɨ, jókuae oaa pe ko opɨtata.

ECLESIASTÉS 11:6

Remaetɨ ndeimbove yave jare kaaru yave, ërei mbaetɨ reikuaa kia nunga ko ikavita vae, tenonde oñeotɨ vae ra ani taɨkue oñeotɨ vae ra, ani ramo mókoi reve ra yagüɨye kavita.

ISAÍAS 38:10

Che ayemongeta tëi körai: Ndei chendechi mbove ou mano cheve, aja vaerä omanogüe ñogüɨnoia pe, jekuae avei pegua.

JEREMÍAS 29:13

pe reta chereekata jare cheväeta, echa chereekata opaete pepɨa ndive.

NÚMEROS 13:30

Jayave Caleb omokïrii opaete vae Moisés jóvai ñogüɨnoi vae, jare jei: —¡Yaja ɨmambae, jare ñapɨ̈ro; echa yandepuere ko ñamoamɨri reta!

San Mateo 20:7

Jare jae reta jei: ‘Mbaetɨ kia oremombaravɨkɨ ramo.’ Jayave ko iya jei chupe reta: ‘Pe reta pekua vi peparavɨkɨ cheuvarupa pe. Amboepɨ kavita peve.’

San Mateo 6:33

Jáeramo pembotenonde Tumpa iporookuaía jare imbaejupi. Jökorai yave, Tumpa omeeta peve opaete kuae mbaembae.

San Juan 4:34

Jesús jei chupe reta: —Cherembíu jae ko, ayapo vaerä chembou vae jemimbota, jare opa vaerä iparavɨkɨ ayapo.

San Juan 5:4

Echa amo ámope ogüeyɨ metei araɨgua omomɨi vaerä ɨ. Jare ɨ omɨi yave, jókuae imbaerasɨ vae tenonde voi oike ɨ pe vae okuera oipotagüe mbaerasɨ güi.

San Juan 9:4

Ikavi ko ayapo vaerä chembou vae iparavɨkɨ ndei pɨ̈tu mbove. Echa outa pɨ̈tu; echa pɨ̈tu yave mbaetɨ kia ipuere oparavɨkɨ.

Romanos 12:11

Peparavɨkɨ peakɨmbae reve. Peräta ngatu avei peyeokuai yandeYa pe.

1 Corintios 15:10

Ërei Tumpa ipɨakavi rupi ko aï. Mbaetɨ ipɨakaviiño chekotɨ, echa aparavɨkɨ täta yae opaete ïru reta temimondo reta güi. Ërei mbaetɨ ko cheiño, Tumpa ipɨakavi omee cheve vae ko oparavɨkɨ.

1 Corintios 16:10

Ërei Timoteo ojo oväe pépɨri yave, pemae kavi jese, ipɨagüive oï vaerä pepɨte pe, echa jae vi oparavɨkɨ yandeYa pe, che rami.

1 Corintios 9:24

¿Mbaetɨ pa peikuaa oñoñókuai vae reta osɨi opareve, ërei meteiño omongana vae? Pesɨi pemongana regua.

1 Corintios 9:26

Jáeramo che asɨi jökorai, mbaetɨ asɨi osɨiño vae rami. Añeraro, mbaetɨ omomboiño iyɨva vae rami.

Efesios 5:16

Peiporu kavi ara reta, echa ara reta mbaetɨ ko ikavi.

Colosenses 3:23

Jare opaete mbae peyapo vae, peyapo pepɨa-kɨ̈reɨ ngatu reve, yandeYa pe peyapo rami, jare mbaetɨ kuimbae peguarä rami.

1 SAMUEL 10:7

Jare opaete kuae mɨakañɨ reta oasa nde ndive yave, eyapo reyemongeta jaekavita ndeve vae, echa Tumpa oime ko oï nde ndive.