ECLESIASTÉS 9:1 - Biblia Guarani Tumpa Iñee

¹ Opaete kuaekuae re añeñono aikuaa vaerä vae ko jae: Jupi vae reta, yarakuaa vae reta jare jembiapo reta Tumpa ipo pe ko ñogüɨnoi; mboroaɨu jare moromotareɨ mbaetɨ ave oikuaa kuimbae reta, yepe tëi jae reta oecha etei.

ECLESIASTÉS 9:1 ပူးပေါင်းရင်းမြစ်များ

JOB 12:10

Jae ipo pe ko oï opaete mbaembae jekove, jare opaete kuimbae reta jekove.

JOB 27:12

Ërei pe reta opaete ko peecha ma, ¿maera pa pemiariiño?

JOB 5:8

Che yave aekata tëi ko Tumpa chemborɨ vaerä, jare añonota tëi ko ipo pe maratu aï vae.

SALMOS 10:14

Nde reecha ko; echa remae jembiapo re jare iyuvanga katu re, ¡nde etei remee vaerä chupe jembiapo jekovia! Nderé oyemboya iyangarekoambae oiko vae. Nde ko jae tɨ̈reɨ omborɨ vae.

SALMOS 119:109

Cherëgua avei oiko mano pe, ërei mbaetɨ cheakañɨ ndeporookuai güi.

SALMOS 31:5

Añono cherekove ndepo pe, ¡nde chereepɨ cheYa, Tumpa añete vae!

SALMOS 73:3

Añemoägüɨro ramo jókuae ipɨayembotuicha vae reta re, aecha ramboeve kërai yogüɨreko kavi iyoa vae reta.

PROVERBIOS 16:3

Opaete mbae reyapota vae, eñono yandeYa ipo pe, jayave, oë kavita ndeve opaete ndeyemongeta reta.

ECLESIASTÉS 1:17

Añeñono opaete chepɨa ndive aikuaa vaerä arakuaa, añeñono vi aikuaa vaerä mbokere reta regua jare arakuaambae regua; jökorai aikuaa opaete kuae reta re yayemoambekoiño ma vae.”

ECLESIASTÉS 10:14

¡Yarakuaambae jekuaekuae oväe mbae jei vaerä! ¿Kia pa oikuaaukata chupe mbae ra ko oasata kuri vae? Echa ko mbaetɨ etei kia ave oikuaa mbae ra ko oasata kuri vae.

ECLESIASTÉS 7:15

Opaete kuaekuae aecha michi pegua aikoveño aiko ramboeve, jae ko: Kuimbae jupi vae omano jupi rupi oiko reve, jare oime iyoa vae iyoa oiko reve oikopuku.

ECLESIASTÉS 7:25

Jayave añeñono aikuaa kavi vaerä, ayemboe jare aeka arakuaa ikavigüe. Jare ayu aikuaa mbaetɨ ko ikavi yandearakuaambae vae jare mbokere ko yandearakuaambae vae.

ECLESIASTÉS 8:14

Kuae ɨvɨ pe oime mbaetɨ mbae jupi rupi oyeapo vae, jae ko kuimbae jupi vae oiporara teko kavimbae oyapo rami, jare kuimbae jeko kavimbae oiko kavi jeko kavi vae rami. ¡Che jae kuae mbaeä etei vi ko!

ECLESIASTÉS 8:16

Che jeiete añeñono aikuaa vaerä arakuaa jare aecha vaerä opaete kuae ɨvɨ pe oyeapo vae, echa oime amogüe mbaetɨ etei oyembojopeɨ kërai ave yepe ara pe ani pɨ̈tu rupi,

ECLESIASTÉS 8:7

jae ko mbaetɨ oikuaa mbae ra oasata vae jare kërai yave ko oasata vae, ¿kia pa omombeuta chupe?

ECLESIASTÉS 9:6

Joko pe vi opa iporoaɨu, iporomotareɨ, iñemoägüɨro, jare ngaraa ye ma mbae oyapo reta kuae ɨvɨ pe oyeapo vae.

ISAÍAS 26:12

CheYa, nde ko remeeta oreve mbɨakatu, nde ko reyapo ore rupi opaete orerembiapo reta.

JEREMÍAS 43:6

Kuimbae reta, kuña reta, michia reta, mburuvicha guasu tayɨ reta, jare opaete Nabuzaradán, sundaro omaeäro vae reta juvicha oeya Gedalías, Ahicam taɨ Safán jɨmɨmino ipo pe oyangareko vaerä jese vae reta; jare vi ñemombeúa Jeremías jare Baruc.

DEUTERONOMIO 33:3

Tumpa oaɨu imbae vae reta, oñeñono tee chupeguarä vae re oyangareko; jáeramo jae reta oguata nderaɨkue oyapo reta nde reyókuai vae.

2 Timoteo 1:12

Jáeramo aiporara aï. Ërei mbaetɨ chemara, echa aikuaa kia re arovia vae, jare aikuaa vi jae imbaepuere yae ko oñovatu vaerä cheve che amee ipo pe vae, jókuae ara ou oväe regua.

1 Pedro 1:5

Imbaepuere pe Tumpa oyangareko oï peré perovia jese ramo, peyemboasauka vaerä jókuae oyekuaata ara taɨkuegua reta pe vae pe.

1 SAMUEL 2:9

Jae oyangareko jupi rupi oiko chupe vae re, ërei iyoa vae reta omanota pɨtumimbi pe, echa mbaetɨ kia ave ipuere iyeugüi aeño.