ECLESIASTÉS 8:8 - Biblia Guarani Tumpa Iñee

⁸ Mbaetɨ kia güɨnoi mbaepuere tekove re oyopia vaerä, mbaetɨ vi kia ave güɨnoi mbaepuere mano re. Mbaetɨ kia ave ipuere ojoyepe kuae mbaesusere güi. Iyoa vae ave, jeko ngaraa güɨroasayepe.

ECLESIASTÉS 8:8 ပူးပေါင်းရင်းမြစ်များ

2 SAMUEL 14:14

Echa opaete vae ñamano ñotai ko, ɨvɨ pe ɨ oyepɨyere vae rami ko yande reta, mbaetɨ yandepuere yaupi ye ɨvɨ güi. Tumpa mbaetɨ vi oekɨiño tekove, jae oñono mbaembae kuae ɨvɨ güi otekuarai vae agüɨye mo vaerä oyembosɨrɨ ete chugüi.

2 REYES 7:15

Jare jae reta opa yogüɨraja, jare omomoe güɨraja Siriaɨgua reta jaɨkuere Jordán kotɨ yogüɨraja oväe regua; jare oecha reta opaete tape rupi jeta temimonde jare mbaembae opa omombo oeyagüe, jaɨai reta otekuarai jeko pegua. Javoi opa ye oyerova jókuae mburuvicha guasu omondo vae reta, jare imiari reta jókuae oechagüe re.

JOB 14:5

Añetete iara reta oyepapa ko oï, yasɨ reta oikota vae nde reikuaa, remee oikove oiko vaerä vae güi, ngaraa oasa.

JOB 34:14

Kuimbae reta güi opɨ̈ro yave tekove, opaete vae oyovake omanota, jare yogüɨraja yeta ɨvɨkuirä.

SALMOS 89:48

¿Oime ra kuimbae mbaetɨta omano vae? ¿Oepɨta ra jekove mano imbaepuere güi?

SALMOS 9:17

Jeko pɨ̈chɨi vae reta, opaete vae iñakañɨ Tumpa güi vae, oyererajaukata omanogüe reta ñogüɨnoia pe.

PROVERBIOS 12:3

Ngaraai kia nunga oiko kavi, ikavimbae oyapo vae rupi; ërei jupi vae reta ngaraa kia omomɨi.

PROVERBIOS 14:32

Iyoa vae, oyemboai jeko kavimbae pe aeño; ërei kuimbae jupi vae, oyeepɨ jeko kavi rupi.

ECLESIASTÉS 3:21

¿Kia pa oikuaa kuimbae reta jekove ojota ko ɨvate vae, jare mɨmba reta jekove ojota ko ɨvɨgüɨ kotɨ vae?

ECLESIASTÉS 8:13

jare iyoa vae reta ngaraa yogüɨreko kavi, ngaraa ɨma año yogüɨreko, metei küaraɨa ramiñota; Tumpa güi mbaetɨ oipoɨu reta jeko pegua.

ECLESIASTÉS 9:12

Ïru yé jae ko, mbaetɨi kia oikuaa kërai yave ko maratuta oiko vae: Jevae reta oa pɨsa pe rami, güɨra reta oa ñuai pe rami, jökorai kuimbae ámope iparanoe oa ikavimbae pe.

ISAÍAS 28:15

Pe reta pere: “Oremiari kavi mano ndive jare omanogüe reta ñogüɨnoia ndive. Jayave mbaesusere ou yave ngaraa maratu roasa, echa roeka royepɨɨ vaerä apu re, jare roñemi vaerä yembotavɨ re.”

ISAÍAS 28:18

Jare jókuae miari kavi peyapo mano ndive vae, jare omanogüe reta ñogüɨnoia ndive vae oyemboaita pegüi. Jare ou mbaesusere yave, ngaraa pemomara chugüi.

ISAÍAS 47:10

Ndepɨa güive reyapo reiko ikavimbae, reyemongeta mbaetɨ ko kia ndereecha vae. Ndearakuaa katu yae vae ndembotavɨ, reyemongeta ndepɨa pe, mbaetɨ yé kia ndegüi vae.

1 Corintios 15:43

Oñeotɨ vae oikomegua, ërei oikove ye yave, ipöra yaeta ko. Oñeotɨ vae, mbaetɨ etei güɨnoi mbaepuere, ërei oikove ye yave, imbaepuere yaeta ko.

2 Corintios 13:4

Echa yepe tëi Cristo imbaepuerembae rami oyekutu kurusu re, ërei oikove ye Tumpa imbaepuere rupi. Jaeramiño vi ore etei mbaetɨ mbaepuere rogüɨnoi, ërei roikove yeta Cristo rupi Tumpa imbaepuere rupi, royeokuai vaerä peve.

Hebreos 9:27

Jökorai, oñeñono ɨvɨ pegua reta omano vaerä metei veseño; jare kuae jaɨkue rupi Tumpa ojäata.