ECLESIASTÉS 8:3 - Biblia Guarani Tumpa Iñee

³ Agüɨye eë rai voi mburuvicha guasu jóvai güi. Agüɨye eyemoinge ikavimbae pe, echa jae ikɨ̈reɨ oyapo vae oyapota ko.

ECLESIASTÉS 8:3 ပူးပေါင်းရင်းမြစ်များ

GÉNESIS 47:9

Jacob jei chupe: —Anoi ma ciento treinta año oipota rupi aguata vae, mbovɨ yae jare mbaetɨ ikavi ara reta cherekove pe, jare ndeiño aupitɨ cheñemuñagüe reta yogüɨreko rami.

PROVERBIOS 14:29

Mbaetɨ iyarasɨ raivi vae, yarakuaa yae ko; ërei iyarasɨ rai voi vae, mbaetɨ ko yarakuaa.

PROVERBIOS 24:21

Cheraɨ, eipoɨu yandeYa güi jare mburuvicha guasu güi; agüɨye eyemoinge tovaicho reta ipɨte pe,

PROVERBIOS 30:31

takareo oyemboete yae vae; jaeramiño vi kavara kuimbae jare mburuvicha guasu mbaetɨ etei kia ipuere jese vae.

ECLESIASTÉS 10:4

Mburuvicha iyarasɨ ndeve yave, agüɨye emboasɨ, echa mbɨaguasu rupi ko oñemoroɨ̈sa arasɨ.

ISAÍAS 48:4

Rokuaa ndepɨa täta yae ko, jiero täta rami, jare jiero iyu vae rami vae,

DANIEL 4:35

Opaete ɨvɨ pegua reta mbaeä etei ko. Jae oyapo jemimbota ara pe jare ɨvɨ pegua reta pe. Mbaetɨ kia ipuere oyopia imbaepuere jare jei chupe: ¿Mbae pa reyapo?’

DANIEL 5:19

Jare yembotuicha omee chupe vae rupi, opaete vae tëta reta, jare tëtaguasu reta jare ïru ñee pe imiari vae reta orɨrɨi jare okɨɨye chugüi. Jae oipota oyuka vae oyuka, jare mbaetɨ oipota oyuka vae mbaetɨ oyuka, jare oipota ombotuicha vae ombotuicha ani oipota omomichi vae omomichi.