ECLESIASTÉS 8:14 - Biblia Guarani Tumpa Iñee

¹⁴ Kuae ɨvɨ pe oime mbaetɨ mbae jupi rupi oyeapo vae, jae ko kuimbae jupi vae oiporara teko kavimbae oyapo rami, jare kuimbae jeko kavimbae oiko kavi jeko kavi vae rami. ¡Che jae kuae mbaeä etei vi ko!

ECLESIASTÉS 8:14 ပူးပေါင်းရင်းမြစ်များ

JOB 1:22

Opaete kuae mbaembae pe Job mbaetɨ iyoa, jare mbaetɨ ave omboeko Tumpa mbae pe ave.

JOB 21:7

¿Maera pa iyoa vae reta jekuaeño oikove, jare indechi pe jekuaeño täta?

JOB 27:12

Ërei pe reta opaete ko peecha ma, ¿maera pa pemiariiño?

SALMOS 73:3

Añemoägüɨro ramo jókuae ipɨayembotuicha vae reta re, aecha ramboeve kërai yogüɨreko kavi iyoa vae reta.

ECLESIASTÉS 10:5

Oime aecha ikavimbae kuae ɨvɨ pe oyeapo vae, jókuae ikavimbae mburuvicha reta güi etei oë, jae ko:

ECLESIASTÉS 2:14

Yarakuaa vae omae kavi opaete mbae oyapota yave, ërei yarakuaambae mbaetɨ omae kavi mbae oyapota yave. Ërei ngatu aecha vi kuae reta, oyovakeñota opa omano;

ECLESIASTÉS 4:4

Jökoraiño vi aecha opaete mbaravɨkɨ ikavi yae oyeapo vae rupi ou ñemoägüɨro. Jökorai vi kuaekuae mbaeä etei ko, yayemoambekoiño ma ko jese.

ECLESIASTÉS 4:8

Metei kuimbae oï jaeño, mbaetɨ jekovia, mbaetɨ taɨ, mbaetɨ tɨkeɨ ani tɨvɨ yepe, ërei opoiä etei iparavɨkɨ güi, ipɨa jenda peä etei opaete mbaeyekou güɨnoi vae re; mbaetɨ oparandu iyeupe: “¿Kia peguarä ra aparavɨkɨ mbatee? ¿Maera ra mbaetɨ aputuu jare ayemboyerovia?” Opaete kuaekuae mbaeä etei vi ko, mbaravɨkɨ ipoɨgüe yae ko.

ECLESIASTÉS 7:15

Opaete kuaekuae aecha michi pegua aikoveño aiko ramboeve, jae ko: Kuimbae jupi vae omano jupi rupi oiko reve, jare oime iyoa vae iyoa oiko reve oikopuku.

JEREMÍAS 12:1

CheYa, jupi vae ko nde ayoaka vaerä nde ndive; ërei aipota aparandu ndeve: ¿Maera pa iyoa vae reta yogüɨreko kavi? ¿Maera pa ipɨapochɨ vae reta yogüɨreko kavi?

MALAQUÍAS 3:15

Jare yae añave: ‘Oyembopɨa pochɨ vae reta oyerovia yae, ikavimbae oyapo vae reta ikavi yogüɨreko, ojäa reta tëi Tumpa ipɨaguasu, ërei mbaetɨ oiporara reta.’ ”