ECLESIASTÉS 7:9 - Biblia Guarani Tumpa Iñee

⁹ Agüɨye ndearasɨ katu, echa yarakuaambae reta ko iyarasɨ katu.

ECLESIASTÉS 7:9 ပူးပေါင်းရင်းမြစ်များ

GÉNESIS 4:8

Metei ara Caín jei tɨvɨ Abel pe: —Yaja yaguata kaa kotɨ. Mombɨrɨ ma ñogüɨnoi yave, Caín opüa tɨvɨ Abel re jare oyuka.

2 SAMUEL 13:22

Absalón mbaetɨ etei mbae jei Amnón pe, ërei omotareɨ omae Amnón re, opoko ramo jeindɨ Tamar re.

2 SAMUEL 13:28

Absalón yepe jei jembiokuai reta pe: “Pemae kavi, Amnón osavaɨpo ma oï yave, che jaeta peve peyuka vaerä yave, peyuka; agüɨye pekɨɨye, echa che ko jae peve. Jayave peñemomɨ̈rata jare peñemoäta ngatu.”

2 SAMUEL 13:32

ërei Jonadab, Simea taɨ, David tɨkeɨ jei: —Agüɨye jökorai toyemongeta cheya, mbaetɨ ko opa reta oyuka opaete nderaɨ reta, Amnónño ko oyuka reta, echa jökorai ko Absalón iyemongeta Amnón oasa jeindɨ Tamar ndive güive.

2 SAMUEL 19:43

Jayave Israel pegua reta jei Judá pegua reta pe: —Ore oime rogüɨnoi pegüi mburuvicha guasu David re payandepo ye yekou, jare oreñemuñagüe reta ko tenondegua peñemuñagüe reta güi, ¿maera pa mbaetɨ oremboete? ¿Ore räriä pa royemongeta tëi rogüeru ye vaerä oreruvicha guasu? Ërei Judá pegua reta iñee oasa jasɨ katu yae Israel pegua reta güi.

PROVERBIOS 14:17

Iyarasɨ katu vae, oyapo rai voi mbae; kuimbae ipɨapochɨ vae, oñemotareɨukata ko.

PROVERBIOS 14:29

Mbaetɨ iyarasɨ raivi vae, yarakuaa yae ko; ërei iyarasɨ rai voi vae, mbaetɨ ko yarakuaa.

PROVERBIOS 16:32

Iyarasɨ raivimbae, ikavi yae ko jëia yae vae güi; jare oyembopɨaguasu vae, ikavi yae ko tëta guasu opɨ̈ro vae güi.

PROVERBIOS 25:8

Agüɨye eñeapo voi voi, agüɨye vaerä reñemomaraiuka nderapicha ndembojopa ma yave.

ECLESIASTÉS 7:10

Agüɨye etei ere: “¿Maera pa ko arakae ikavi yae mbae, añave rupi vae güi?” Echa jókuae mbarandu, mbaetɨ ko arakuaa pegua.

JONÁS 4:3

Añave cheYa romoñera reekɨ vaerä chegüi cherekove; echa, mano ikavi yaeta cheve tekove güi.

JONÁS 4:8

Jare kuaraɨ oë ma ou yave, Tumpa ombou ɨvɨtuakuvo täta yae vae, jare kuaraɨ omombaerasɨ Jonás iñäka pe, oyuka seri, jare oipotaecha omano, jei körai: —Ikavi ndipo amano, aikove aiko vae güi.

JONÁS 4:9

Jayave Tumpa jei Jonás pe: —¿Ndearasɨ yae pa andai rokɨ re? Jare Jonás jei: —¡Chearasɨ yae, aipotaecha amano chearasɨ güi!

San Marcos 6:19

Jáeramo Herodías oipïaro Juan, jare oipota tëi oyukauka, ërei ipuereä.

San Marcos 6:24

Jayave kuñatai oë ojo oparandu ichɨ pe: —¿Mbae pa aiporuta chupe? Jare ichɨ jei chupe: —Eiporu chupe Juan oporombobautisa vae iñäkagüe.

Santiago 1:19

Jáeramo, cherɨvɨ aaɨu vae reta, opaete toïndaivi oyeapɨsaka vaerä, agüɨye mbae tei rai voi, agüɨye tiyarasɨ rai voi,