ECLESIASTÉS 7:25 - Biblia Guarani Tumpa Iñee

²⁵ Jayave añeñono aikuaa kavi vaerä, ayemboe jare aeka arakuaa ikavigüe. Jare ayu aikuaa mbaetɨ ko ikavi yandearakuaambae vae jare mbokere ko yandearakuaambae vae.

ECLESIASTÉS 7:25 ပူးပေါင်းရင်းမြစ်များ

GÉNESIS 34:7

Jacob taɨ reta yogüeru oväe yave ñuu güi, oikuaa reta mbae oasa oï vae, jare iyarasɨ reta, echa ikavimbae yae ko tëta Israel pe Siquem oyapakua Jacob tayɨ ndive vae. ¡Kuae ko mbaetɨta tëi oyeapo vae!

2 SAMUEL 13:12

Jayave jae jei chupe: —Agüɨye chekɨvɨ, agüɨye eyapo ikavimbae cheve; mbaetɨ ko kuae nunga oyeapo Israel pe. ¡Agüɨye eyapo ikavimbae!

PROVERBIOS 17:12

Jaekaviño ko ñañoövaiti mɨmba imembɨmii vae imembɨ oñepɨ̈ro chugüi vae ndive, metei iyarakuaambae ndive ñañoövaiti vae güi.

PROVERBIOS 26:11

Yaɨmba jou ye igüëegüe rami ko, yarakuaambae oyerova ye yave jeko kotɨ.

ECLESIASTÉS 10:13

omboɨpɨ imiari rupive jei opaño ñee osirivembae, jare güɨraja omboapɨ ñee ikavimbae yae pe.

ECLESIASTÉS 2:12

Jaɨkue rupi ayemongeta arakuaa re, mbokere re jare arakuaambae re, echa ¿mbae yé pa oyapota cheraɨkue rupi mburuvicha guasurä oikota vae? ¡Mbaetɨ mbae, echa ko opa ma oyeapo!

ECLESIASTÉS 2:15

jayave jae cheyeupe: “Yarakuaambae maratu oasa rami, jökoraita vi che maratu aasa, ¿mbaerä pa jayave osiriveta cheve ayemoambeko mbatee chearakuaa yae vaerä vae? Jayave jae, jókuae ave mbaeä etei ko vae.

ECLESIASTÉS 2:20

Aecha yave opaete kuae ɨvɨ pe cheparavɨkɨ ayapogüe, ayemoambeko jese vae, chearakuaa katu reve ayapo vae, chembopɨtu,

ECLESIASTÉS 7:27

Aipota ramboeve aikuaa opaete mbaembae regua, che añemoñee vae, aikuaa vae jae ko:

JOSUÉ 7:13

Epüa, eñono tee cheve opaete vae, ere chupe reta: “Peñeñono tee Tumpa pe pɨareve peguarä; echa yandeYa, Israel iTumpa jei körai: ‘Pe Israel iñemuña reta, yepopeyu oï jese vae oime penoi; mbaetɨta pepuere peñeraro perovaicho reta ndive, peekɨ regua pepɨte güi jókuae yepopeyu oï jese vae.’ ”