ECLESIASTÉS 7:2 - Biblia Guarani Tumpa Iñee

² Manoa pe yaja vae ikavi yae ko, aretea pe yaja vae güi; echa mano jae ko opaete vae reta iyapɨ, jare oikoveño oï vae ipuere oyemongeta avei jese.

ECLESIASTÉS 7:2 ပူးပေါင်းရင်းမြစ်များ

SALMOS 90:12

Oremboe toromae kavi orerekove re, orearakuaa katu vaerä oreyeupe.

ECLESIASTÉS 2:14

Yarakuaa vae omae kavi opaete mbae oyapota yave, ërei yarakuaambae mbaetɨ omae kavi mbae oyapota yave. Ërei ngatu aecha vi kuae reta, oyovakeñota opa omano;

ECLESIASTÉS 2:16

Echa yarakuaa vae jare yarakuaambae re ave ngaraa kia imaendúa avei vae; echa jaɨkue rupi opaeteita ma ñakañɨ chugüi vae; jökorai yarakuaa vae jare yarakuaambae oyovakeño omanota.”

ECLESIASTÉS 3:19

Echa añetete kuimbae reta jare mɨmba reta oyovakeño ko; kuimbae reta omano jare mɨmba reta omano vi; oyovakeño ko oikove opaete vae; kuimbae mbaetɨ puku jekove mɨmba reta güi; opaete kuae mbaeä etei ko.

ECLESIASTÉS 3:20

Opaete vae meteia kotɨño yogüɨraja; ɨvɨkúi güi oyeapo opaete vae, jare ɨvɨkuirä opaete vae ojo yeta.

ECLESIASTÉS 6:6

echa jókuae kuimbae ipuere tëi oiko dos mil año, ërei mbaetɨ oyekou mbaembae güɨnoigüe re. Oyovakeño ko ¡opaete vae yogüɨraja meteia peño!

ECLESIASTÉS 9:2

Opaete vae oyovakeño ko maratuta oasa: Jupi vae jare jupimbae vae, jeko kavi vae jare jeko kavimbae, ikɨambae vae jare ikɨa Tumpa jóvai vae, mɨmba oyeyukagüe omee vae jare mbaetɨ omee vae; jökoraiño vi iyoambae jare iyoa vae, Tumpa jee re jei vae jare oipoɨu Tumpa jee re jei vae.

ECLESIASTÉS 9:3

Kuae ikavimbae yae vae ko oime oyeapo kuae ɨvɨ pe: Opaete vae oyovakeño ko omanota. Ïru yé jae ko kuimbae reta oyemongeta ikavimbae reño jare arakuaambae reño, opaete ara oikove oiko ramboeve, jare jökoraita opa omano.

ECLESIASTÉS 9:5

Echa oikoveño vae reta oikuaa ñogüɨnoi omanota ko vae, ërei omanogüe reta mbaetɨ etei mbae oikuaa, mbaetɨ etei ma mbae omongana reta; echa opaetei ko iñakañɨ chugüi reta vae.

ISAÍAS 47:7

Ndeyemongeta pe reiko aveita mburuvicha guasurä, mbaetɨ reyemongeta kuae re, mbaetɨ vi reyemongeta jaɨkue rupi këraita ko reiko vae re.

JEREMÍAS 16:8

Jökoraiño vi agüɨye eike o pe aretea pe, reguapɨ vaerä rekaru jare reu vino jae reta ndive.

HAGEO 1:5

YandeYa Imbaepuere yae ete vae jei körai: Peyemongeta kavi pereko reta re.

MALAQUÍAS 2:2

Mbaetɨ yave peendu jare mbaetɨ yave pepɨakatu reve chemboete, ayepopeyuta peré jare mbaembae penoi vae re, echa mbaetɨ chemboete pepɨakatu reve.” Jei yandeYa Imbaepuere yae ete vae.

NÚMEROS 23:10

¿Kia pa ipuereta oipapa Jacob iñemuña reta? ¿Ani mbovɨ ra ñogüɨnoi vae? ¡Amano yepe mona jókuae kuimbae jupi vae reta rami, jare cheapɨ jae reta iyapɨ rami!”

San Mateo 5:4

Oyerovia ko ipɨatɨtɨ vae reta. Echa Tumpa ombopɨakatu retata.

DEUTERONOMIO 32:29

Iyarakuaa katu yave mona oikuaa retata tëi ko; oikuaa retata tëi ko maratuta ko oasa reta vae.

DEUTERONOMIO 32:46

Jare jei Israel iñemuña reta pe: “Peendu kavi opaete ñee reta chemiari añave vae re, pemboe vaerä peraɨ reta, oyeandu reve kavi oyapo reta vaerä opaete ñee reta kuae mborookuai pegua.

Filipenses 3:19

kuae reta opata ko okañɨtei, jae reta ombotenonde ikavi chupe reta vaeño, oyembotuicha reta imarata tëi jese vae re. Oyemongeta reta mbaembae kuae ɨvɨ pegua reño.

Hebreos 9:27

Jökorai, oñeñono ɨvɨ pegua reta omano vaerä metei veseño; jare kuae jaɨkue rupi Tumpa ojäata.