ECLESIASTÉS 7:12 - Biblia Guarani Tumpa Iñee

¹² Echa arakuaa katu oporoepɨ vi ko korepoti rami, ërei arakuaa oyapɨraa yé korepoti, echa omee tekove katu jókuae arakuaa güɨnoi vae pe.

ECLESIASTÉS 7:12 ပူးပေါင်းရင်းမြစ်များ

JOB 1:10

Nde etei ko reñova jae, jo jare opaete mbaembae güɨnoi vae, jare iparavɨkɨ re ndeporerekua; jáeramo, imbaembae reta jeta oñemuña ɨvɨ iárambo.

SALMOS 57:1

CheRu Tumpa, cheparareko, cheparareko, echa nderé ayeko. Ndepepo igüɨ pe añepɨ̈rota oasa regua mbaesusere reta.

PROVERBIOS 11:4

Tumpa iporojäa iara pe, mbaeyekou reta ngaraa etei oporoepɨ; ërei mbae jupi vae oporoepɨta ko mano güi.

PROVERBIOS 14:20

Paravete vae, ivɨa-ïru ave ko omotareɨ; ërei oikokatu vae, jaɨúa yae ko.

PROVERBIOS 2:11

ndepoki reve reyapo vae neovatuta jare arakuaa katu ndeangarekota;

PROVERBIOS 2:7

Jae omee arakuaa kavi sɨmbi vae reta pe, jae ko yeopiaka sɨmbi vae reta peguarä;

PROVERBIOS 3:18

Arakuaa ko tekove, arakuaa oväe vae reta peguarä; ¡oyerovia ko jókuae oipɨɨ iyeupe vae reta!

PROVERBIOS 8:35

Echa cheväe vae, tekove ko oväeta, jare oväeta yandeYa ipɨakavi;

PROVERBIOS 9:11

Echa che arakuaa katu re ko reiko pukuta, jare oñemoïruta ndeve ɨma año reiko vaerä.

ECLESIASTÉS 10:19

Yavɨakatu vaerä ko oyeapo arete, vino yau, yayerovia vaerä, ërei ñanoita korepoti jókuae reta peguarä.

ECLESIASTÉS 2:13

Aikuaa, arakuaa ko ikavi yae ete arakuaambae güi, tembipe ikavi yae ete pɨtumimbi güi rami.

ECLESIASTÉS 7:19

Arakuaa omomɨ̈rata iyarakuaa vae, payandepo mburuvicha reta tëta guasu pe ñogüɨnoi vae güi.

ECLESIASTÉS 9:16

Jayave che jae: “Arakuaa katu ko ikavi yae mbaepuere ñanoi vae güi, yepe tëi paravete vae iyarakuaa katu oñereröɨro chugüi ani iñee re ave mbaetɨ kia oyeapɨsaka vae.”

ECLESIASTÉS 9:18

Arakuaa ko ikavi yae ete tembiporu ñeraro pegua güi. Ërei metei mbae yayavɨ vae güɨrokomegua jeta mbae ikavi vae.

ISAÍAS 30:2

Iyandeko reve yogüɨraja reta Egipto kotɨ, jare mbaetɨ oparandu reta cheve; oeka reta yemborɨ Faraón güi, oyerovia reta Egipto re.

ISAÍAS 32:2

Jókuae mburuvicha guasu oïta ɨvɨtuai güi ñañemi jese vae rami, ani okɨrai vae güi ñañemi pɨpe vae rami, ani ɨvɨ otinía pe oime ɨ̈aka raɨ rupi ɨ vae rami, ani ɨ̈vavira iküaraɨa araku yaea pe oï vae rami.

ISAÍAS 33:6

jare omeeta oiko pɨagüive vaerä. Arakuaa katu jare mbaembae yaikuaa katu vae ko oporogüɨroasayepe vae; yandeYa güi yaipoɨu vae ko, mbaembae jepɨ yae vae rami.

San Juan 12:50

Jare aikuaa cheRu cheokuai vae tekove opambae vae pegua ko. Jáeramo che jae peve vae cheRu cheokuai vae ko.”

San Juan 17:3

Jare tekove opambae vae jae ko: Ndekuaa reta vaerä nde ko jae meteiño Tumpa añetete vae, jare che Jesucristo nde rembou vae.

DEUTERONOMIO 32:47

Echa mbae nungaiñoä ko kuae ñee reta; tekove ko peveguarä, kuae mborookuai rupi ko peiko pukuta jókuae ɨvɨ peota peiko pɨpe vae pe, kuri peasa ma ɨ̈aka Jordán yave.”

Filipenses 3:8

Jökoraiño vi opaete ïru mbaembae mbaeä etei cheve cheYa Cristo Jesús aikuaa vae jeko pegua. Jae aaɨu vae jeko pegua mbaeä etei jare ɨtɨ rami ko cheve opaete mbaembae, amongana vaerä Cristo,

JUECES 9:15

Jare yuu jei: —Añetete ko peipota aiko peruvicha guasurä yave, opaete vae peiko jaegüe rupi, jare mbaetɨ yave oëta tata chegüi opa vaerä oapɨ ɨ̈vɨrare reta ɨvategüe Líbano pegua.