ECLESIASTÉS 7:1 - Biblia Guarani Tumpa Iñee

¹ Ñanerërakua kavi vae ikavi yae ko, jókuae mbae ikäti kavi yae vae güi. Ñamano vae ikavi yae ko, jókuae ara yaa ramo vae güi.

ECLESIASTÉS 7:1 ပူးပေါင်းရင်းမြစ်များ

JOB 3:17

Tɨvɨa pe, iyoa vae reta mbaetɨ ma oporombopɨatɨtɨ, jare joko pe oputuu oyemoambeko yae vae reta.

SALMOS 133:2

Mbae ikäti kavi vae opɨyere sacerdote iñäka re rami ko; iñäka güi osɨrɨ jañɨka-raa re; Aarón jañɨka-raa re, jare osɨrɨ jañɨka-raa rupi jemimonde re rami.

PROVERBIOS 15:30

Okuera katu vae, yandemboyerovia; mbae jërakua kavi vae, ñanemoäta ngatu.

PROVERBIOS 22:1

Jërakua kavi vae ko ikavi yae ete, oikokatu yae vae güi, jeta korepoti jare oro güɨnoi vae güi.

PROVERBIOS 25:10

echa jókuae nemiari chupe vae, ngaraa ma ndemboete, jare ngaraa ye ma nerërakua kavi.

PROVERBIOS 27:9

Mbae ikäti kavi vae, yandemboyerovia ñaëtu yave, jökorai ko ikavi yae, vɨa-ïru güi yaendu yemboarakuaa vae.

ECLESIASTÉS 10:1

Mberu omanogüe omoine mbae ikäti kavi yae vae. Jökorai ko, mbae michi vae rupi oñererokomegua iyarakuaa vae jare imboetea yae vae.

ECLESIASTÉS 4:2

Jáeramo, chevegua ikavi yae ñogüɨnoi opaete omano ma vae reta, jókuae oikoveño ñogüɨnoi vae reta güi;

ECLESIASTÉS 7:8

Mbae yayapo vae yamboapɨ ma vae ikavi yae ko, yamboɨpɨ ramo etei vae güi. Yandepɨa guasu vae ko ikavi yae, yandepɨarai vae güi.

CANTARES 1:3

ikäti kavi otimbo reñono ndeyé vae, nderee otimbo, mbae ikäti kavi vae oyepɨyere rami. ¡Jáeramo kuñatai reta nderaɨu yae!

CANTARES 4:10

¡Ndeporoaɨu ikavi yae, chereindɨ, chemenda ïrurä vae! ¡Ndeporoaɨu jëe yae vino güi, jare neñemokätía ikavi yae opaete ïru ikäti kavi vae güi!

ISAÍAS 56:5

yepe tëi mbaetɨ taɨ jare tayɨ, ërei che ameeta chupe reta ikavi yae vae, jae ko, jee opɨta vaerä jekuae avei pegua chero pe, chero japɨpe pe; ameeta chupe jee opambae, ngaraa etei oyemboai vae.

JONÁS 4:3

Añave cheYa romoñera reekɨ vaerä chegüi cherekove; echa, mano ikavi yaeta cheve tekove güi.

San Lucas 10:20

Ërei agüɨye peyerovia mbaepuere aña reta re penoi vae re. Ërei peyerovia peree oyekuatía ma oï ara pe vae re.

San Juan 13:2

Judas Iscariote, Simón taɨ ipɨa pe aña guasu oñono ma omee vaerä Jesús jovaicho reta pe. Jare Jesús oikuaa kavi ma Tu oñono opaete mbaembae ipo pe. Oikuaa vi ou ko Tumpa güi jare ojo yeta ko Tumpa oïa pe. Jare pɨ̈tu yave Jesús jare jemimboe reta okaru ñogüɨnoi ramboeve, jae opüa mesa güi, omboi jemimonde iarambogua, jare oyekuakua metei toalla pe.

2 Corintios 5:1

Echa yaikuaa yanderete opata ko, o yaiko pɨpe vae opa rami. Ërei opa yave Tumpa omeeta yandeve o ipɨau vae opambae vae, ara pe.

2 Corintios 5:8

Ërei jekuaeño yayerovia. Jare yaipotaecha yaeya yanderete, ñaï vaerä yandeYa ndive.

Hebreos 11:2

Ñaneñemuñagüe reta iporogüɨrovia rupi omboyerovia Tumpa.

Hebreos 11:39

Opaete jókuae reta omboyerovia Tumpa iporogüɨrovia pe. Ërei omboresiveä oñererökuavee chupe reta vae.

Apocalipsis 14:13

Jare aendu metei ñee ara güi jei cheve: “Eikuatía kuae: ‘Oyerovia ko añave güive yandeYa re güɨrovia güi omano vae reta.’ ” Jei Espíritu: “Oyerovia ko, echa oputuu retata iparavɨkɨ güi. Echa iparavɨkɨ ojo jae ndive.”

RUT 3:14

Jare oke güire itɨma rupi köe regua, Booz opüa ndei köe kavi mbove; echa jei: “Agüɨye toikuaa metei ave, kuae kuña ou ko kuae kó pe vae.”