ECLESIASTÉS 6:6 - Biblia Guarani Tumpa Iñee

⁶ echa jókuae kuimbae ipuere tëi oiko dos mil año, ërei mbaetɨ oyekou mbaembae güɨnoigüe re. Oyovakeño ko ¡opaete vae yogüɨraja meteia peño!

ECLESIASTÉS 6:6 ပူးပေါင်းရင်းမြစ်များ

GÉNESIS 5:5

opaete ara Adán oikove oiko vae, noveciento treinta año, jare omano.

JOB 1:21

jei: —Chepogüɨrai ko aa chesɨ güi jare chepogüɨrai tamano. YandeYa ko omee, jare yandeYa ko oekɨ. ¡Toyemboete yandeYa!

JOB 30:23

Echa che aikuaa ko chereraja mano kotɨ, opaete oikove vae reta yogüɨraja ñogüɨnoia kotɨ.

JOB 7:7

Nemaendúa, cherekove mbaeä etei ko nderóvai, ngaraa ye aecha yerovia.

SALMOS 34:12

¿Kia nunga kuimbae pa oipota oikove oiko? ¿Jeta ara oipota oiko, oecha vaerä mbae ikavi vae?

ECLESIASTÉS 12:7

Ndei ɨvɨkúi ojo ye oyea ɨvɨ ndive mbove, tenonde yave rami, jare ndei tekove ojo ye Tumpa kotɨ mbove, jókuae imeea kotɨ.

ECLESIASTÉS 2:14

Yarakuaa vae omae kavi opaete mbae oyapota yave, ërei yarakuaambae mbaetɨ omae kavi mbae oyapota yave. Ërei ngatu aecha vi kuae reta, oyovakeñota opa omano;

ECLESIASTÉS 3:20

Opaete vae meteia kotɨño yogüɨraja; ɨvɨkúi güi oyeapo opaete vae, jare ɨvɨkuirä opaete vae ojo yeta.

ECLESIASTÉS 6:3

Yepe mona metei kuimbae güɨnoi cien taɨ, jare oiko ɨma año; ërei ɨma año oiko reve, mbaetɨ yave oyekou opaete mbaembae re ani mbaetɨ oñeotɨ kavi, che jae jókuae nunga pe, michia raɨ okuagüe jërakua kavi yeño jókuae kuimbae güi.

ECLESIASTÉS 6:5

mbaetɨ oecha kuaraɨ, mbaetɨ etei mbae oikuaa, ërei oputuu kavi jókuae kuimbae oikokatu tëi vae güi,

ECLESIASTÉS 7:2

Manoa pe yaja vae ikavi yae ko, aretea pe yaja vae güi; echa mano jae ko opaete vae reta iyapɨ, jare oikoveño oï vae ipuere oyemongeta avei jese.

ECLESIASTÉS 9:2

Opaete vae oyovakeño ko maratuta oasa: Jupi vae jare jupimbae vae, jeko kavi vae jare jeko kavimbae, ikɨambae vae jare ikɨa Tumpa jóvai vae, mɨmba oyeyukagüe omee vae jare mbaetɨ omee vae; jökoraiño vi iyoambae jare iyoa vae, Tumpa jee re jei vae jare oipoɨu Tumpa jee re jei vae.

ISAÍAS 65:20

Ngaraa ye ma oime joko pe, michia raɨ omano mbovɨ ara peño vae, indechi vae ave, ngaraa omano oupitɨmbae reve iara; cien añoa pe omano vae, taɨrusu ko omano, jare mbaetɨ oupitɨ cien año vae iyoa jeko pegua ko.

ISAÍAS 65:22

Ngaraa oyapo reta o, ïru vae oiko vaerä pɨpe, ngaraa vi omaetɨiño kia jou vaerä; echa ɨvɨra reta yogüɨreko puku vae rami ko, chembae vae reta yogüɨreko pukuta, jare cherembiparavo reta oyekouta iparavɨkɨ re.

JEREMÍAS 17:6

Ñuu pegua ñurati ramita ko, ngaraa oikuaa mbae ikavi vae outa vae re, oikota ɨvɨ otini yaea rupi, ɨvɨ yukɨ ipombaea rupi.

Hebreos 9:27

Jökorai, oñeñono ɨvɨ pegua reta omano vaerä metei veseño; jare kuae jaɨkue rupi Tumpa ojäata.