ECLESIASTÉS 5:4 - Biblia Guarani Tumpa Iñee

⁴ Tumpa pe mbae rerökuavee yave, agüɨye eäro rembopo vaerä, echa jae mbaetɨ ipɨakatu yarakuaambae reta re. Embopo jókuae rerökuavee vae,

ECLESIASTÉS 5:4 ပူးပေါင်းရင်းမြစ်များ

GÉNESIS 28:20

Jacob oñererökuavee jei reve: “Tumpa ojo yave che ndive, jare cheñovatu yave kuae cheguata pe omee reve cherembiurä, jare temimonde omee yave amonde vaerä;

GÉNESIS 35:1

Tumpa jei Jacob pe: “Epüa jare ekua eiko Bet-el pe. Jare joko pe eyapo mɨmba oyeyuka oyeapɨ jese vae Tumpa peguarä nderɨkeɨ Esaú güi resɨi yave oyekuaa ndeve vae.”

GÉNESIS 35:3

Ñapüa jare yaja Bet-el kotɨ; jare joko pe amopüata mɨmba oyeyuka oyeapɨ jese vae Tumpa chemborɨ chepɨatɨtɨ aï yave vae peguarä jare oiko che ndive opaete kerupi ajaa rupi vae.

SALMOS 116:14

Tambopo cheYa pe opaete arökuavee chupe vae, opaete jae imbae vae reta jóvai.

SALMOS 119:106

Añererökuavee nderee re, jare jae, ¡ayapota ndeporookuai reta!

SALMOS 22:25

Jeta yae vae ndembae vae reta oyemboatɨ vae jovake, romboeteta; añererökuavee amee vaerä ndeve vae ayapota, oipoɨu ndegüi vae reta jovake.

SALMOS 50:14

¡Emee mbaemboete che neTumpa pe; embopo reñererökuavee vae Tuichagüe yae vae pe!

SALMOS 76:11

Peyapo ñererökuavee peYa Tumpa pe, ërei pembopo jókuae perökuavee vae; opaete peï Kɨɨyea yae vae iyɨ́vɨri vae reta, peru chupe mbota reta.

PROVERBIOS 20:25

Mbaemboavai ko kuimbae pe güɨrökuavee rai voi mbota Tumpa pe yave, javoi jaɨkue rupi ramo oyemongeta kavi tëi jese vae.

ISAÍAS 19:21

YandeYa oyekuaaukata Egiptoɨgua reta pe, jae reta oikuaata jare omboeteta, omeeta chupe mɨmba oyeyukagüe jare mbota. Oñererökuavee retata yandeYa pe jare ombopo retata iñee chupe.

JONÁS 2:9

Ërei che cheñee pe romboete reve, tamee ndeve mɨmba oyeyukagüe; tambopo arökuavee ndeve vae. ¡Yereroasayepe yandeYa imbae ko!”

MALAQUÍAS 1:10

¡Mbae mona pegüi reta oime kia oyokenda tupao guasu ikësea jöke, agüɨye vaerä oyemoendɨiño tata mɨmba oyeyuka oyeapɨ jese vae pegua! Echa pe mbaetɨ chembopɨakatu jare ngaraa aipɨɨ mbota peru vae.

NÚMEROS 30:2

Kia nunga vae oyapo yave ñererökuavee yandeYa pe, ani jee re oñererökuavee mbae oyapo vaerä yave, tombopo iñee, toyapo opaete jeigüe.

San Mateo 5:33

Peikuaa ko kërai Moisés jei peñemuñagüe reta pe körai: Agüɨye ere raangaiño: ‘Tumpa jee re ayapota’ Eyapo, ‘Tumpa jee re ayapota’ rere vae.

Hebreos 10:6

Mɨmba oyeyukagüe opaetei oyeapɨ vae jare ñɨ̈ro pegua mbaetɨ ndembopɨakatu.

JUECES 11:35

Jayave, jae oecha yave tayɨ, omondoro jemimonde jei reve: —¡Cherayɨ, tuicha chembopɨatɨtɨ! ¡Nde etei reyu chepɨatɨtɨrä, echa añererökuavee ko yandeYa pe, jókuae ambopota ko chupe!