ECLESIASTÉS 5:2 - Biblia Guarani Tumpa Iñee

² Agüɨye eyeapo rai voi mbae rere vaerä, ndepɨa rupi ave agüɨye eñererökuavee voi Tumpa pe, echa Tumpa ko oï ɨvate jare nde ko reï ɨvɨ pe. Jáeramo mbovɨño nemiari,

ECLESIASTÉS 5:2 ပူးပေါင်းရင်းမြစ်များ

GÉNESIS 18:27

Abraham jei ye chupe: —Neɨ̈ro cheve cheYa, mase chemiari ye, yepe tëi che ko ɨvɨkúi jare tanimbu rami.

GÉNESIS 18:30

Abraham jei ye: —Romoñera agüɨye vaerä ndepochɨ cheve: Güɨramoi reväeta jaeño treinta. Jare jei chupe: —Ngaraa ayapo, aväe yave chupe treinta.

GÉNESIS 18:32

Abraham jekuae jei ye: —Agüɨye ndepochɨ cheYa chemiari yave metei ye yepe: Güɨramoi reväeta payandepo. YandeYa jei: —Ngaraa amboai payandepo vae aɨu jeko pegua.

GÉNESIS 28:20

Jacob oñererökuavee jei reve: “Tumpa ojo yave che ndive, jare cheñovatu yave kuae cheguata pe omee reve cherembiurä, jare temimonde omee yave amonde vaerä;

GÉNESIS 28:22

Kuae ita añono kuae pe vae topɨta oporomomaendúa avei vaerä, toiko Tumpa jo rami; jare opaete mbaembae remeeta cheve vae güi ambosɨrɨta payandepo güi metei ndeveguarä.”

SALMOS 115:3

Nde, oreTumpa oime reï ara pe, nde reyapo ndepɨa oipota rami.

PROVERBIOS 10:19

Jeta yae imiari vae iñee rupi oyavɨ katu, ërei oyeandu reve iñee omoë vae yarakuaa ko.

PROVERBIOS 20:25

Mbaemboavai ko kuimbae pe güɨrökuavee rai voi mbota Tumpa pe yave, javoi jaɨkue rupi ramo oyemongeta kavi tëi jese vae.

ECLESIASTÉS 10:12

Yarakuaa vae iñee reta rupi oyemboeteuka, ërei yarakuaambae, iñee rupi aeño oyemboai;

ECLESIASTÉS 10:13

omboɨpɨ imiari rupive jei opaño ñee osirivembae, jare güɨraja omboapɨ ñee ikavimbae yae pe.

ECLESIASTÉS 5:3

echa jeta ete yayemoambeko jese vae, yandembopaɨu pochɨ ko; jare jeta ñaneñee ñamoë yave, yae ñee ikavimbae.

ECLESIASTÉS 5:7

Echa jeta yemongeta reyapo vae rupi jeta ñee reta mbaeä etei vae rere. Ërei jeseve nde, eipoɨu Tumpa güiño.

ISAÍAS 55:9

Ara ɨvate yae ko ɨvɨ güi, jökorai ko cherape reta ɨvate yae perape reta güi, jare cheyemongeta reta peyemongeta reta güi.”

LEVÍTICO 5:4

Kia nunga vae jei yave Tumpa rovake oärombae reve oyapo vaerä ikavi vae ani ikavimbae vae, oipotagüe mbae re kuimbae reta ikɨ̈reɨ omoañete vae, ndei oyemongeta kavi jese mbove jare jaɨkue rupi ou oikuaa, tijeko topɨta oipotagüe kuae mbaembae reta re.

San Mateo 6:7

Jare reyerure yave, agüɨye eyerure judiombae vae reta oyerure rami. Echa jae reta jekuaeño omboaɨkuere yeyé jei metei vaeño. Güɨrovia jökorai iyerure oenduta Tumpa chupe reta.

San Mateo 6:9

Jáeramo peyerure Tumpa pe körai: ‘OreRu ara pe reï vae, toyemboeteuka nderee.

San Marcos 6:23

Jare jei Tumpa jee re chupe: —Opaete mbae reiporu cheve vae ameeta ko ndeve, cheporookuaía mbɨte rupi yepe.

Santiago 3:2

Echa opaete yande reta yayavɨñoi ko. Oime yave kia mbaetɨ oyavɨ iñee rupi vae, jae ko jupi vae, güɨnoi ko mbaepuere opaete jete re.

JUECES 11:30

Jare Jefté oyapo ñererökuavee yandeYa pe, jei reve: “Amón iñemuña reta remee yave chepo pe,