ECLESIASTÉS 5:13 - Biblia Guarani Tumpa Iñee

¹³ Oime mbae jasɨ katu yae ete kuae ɨvɨ pe aecha vae, jae ko: Oyemboikokatu vae jeta mbae omboatɨ, ërei oñererokomegua pɨpe vaerä ko,

ECLESIASTÉS 5:13 ပူးပေါင်းရင်းမြစ်များ

GÉNESIS 14:16

Jökorai Abram opɨ̈ro ye chugüi reta opaete mbaembae güɨrajagüe. Güeru ye vi jiɨ Lot, jare opaete imbaembae, kuña reta jare kuimbae reta.

GÉNESIS 19:14

Jayave Lot oë ojo imiari jovayarä vae reta pe, tayɨ reta ndive omendata vae, jei chupe reta: —¡Pepüa jare peë kuae güi; echa cheYa omokañɨteita kuae tëta guasu! Ërei ngatu jovayarä vae reta oyoyaiño, mbaetɨ güɨrovia, echa Lot jei jeiñoecha chupe reta.

GÉNESIS 19:26

Jayave Lot oyoaɨkue yogüɨraja jembireko ndive; jare jembireko oyerova omae jaɨkue kotɨ; jókuae jeko pegua oyeapo yukɨrä.

JOB 20:20

Jáeramo, mbaetɨ yangapɨɨ opɨta mbae re, ngaraa vi güɨroasayepe oipota rai vae.

PROVERBIOS 1:19

Jökorai ko iyapɨ imbaepotarai vae reta: Imbaepotarai jeko pegua omano.

PROVERBIOS 1:32

Mbaetɨ arakuaa güɨnoi vae reta omanota opia jeko pegua, yarakuaambae reta oñemokañɨteiukata imbaeyekou pe;

PROVERBIOS 11:4

Tumpa iporojäa iara pe, mbaeyekou reta ngaraa etei oporoepɨ; ërei mbae jupi vae oporoepɨta ko mano güi.

PROVERBIOS 23:4

Agüɨye eyemoambeko reyemboikokatu vaerä; ndearakuaa ndeyeupe, agüɨye eipota.

PROVERBIOS 27:24

echa mbaeyekou ñanoi vae ngaraa oiko avei, ngaraa opɨta jekuae avei pegua ñemuña reta peguarä.

ECLESIASTÉS 4:8

Metei kuimbae oï jaeño, mbaetɨ jekovia, mbaetɨ taɨ, mbaetɨ tɨkeɨ ani tɨvɨ yepe, ërei opoiä etei iparavɨkɨ güi, ipɨa jenda peä etei opaete mbaeyekou güɨnoi vae re; mbaetɨ oparandu iyeupe: “¿Kia peguarä ra aparavɨkɨ mbatee? ¿Maera ra mbaetɨ aputuu jare ayemboyerovia?” Opaete kuaekuae mbaeä etei vi ko, mbaravɨkɨ ipoɨgüe yae ko.

ECLESIASTÉS 5:14

echa mbaetɨ yave oyeporu kavi, ipuere opaetei okañɨ, jare imichia reta peguarä mbaetɨ eteita mbae opɨta.

ECLESIASTÉS 8:9

Opaete kuaekuae aecha, añeñono ramboeve aikuaa vaerä opaete mbaembae kuae ɨvɨ pe oyeapo vae, jare kuimbae güɨnoi mbaepuere ïru reta re vae rupi oyapo ikavimbae iyeupe.

ISAÍAS 2:20

Jókuae ara kuimbae reta omombota itumpa-raanga reta korepoti pegua jare oro pegua anguya reta pe jare andɨra reta pe. Jókuae itumpa-raanga reta oyapo reta omboete reta vaerä vae,

SOFONÍAS 1:18

YandeYa iporojäa iara pe, kuimbae reta ngaraa oyereroasayepe, ikorepoti rupi ani ioro rupi ave, echa yandeYa jägüɨro jeko pegua iyarasɨ yae, opaeteita omboai mbaembae kuae ɨvɨ pe. ¡Opaete ɨvɨ pegua reta okañɨteita jarembae pegua!

San Lucas 16:19

Oiko metei kuimbae oikokatu vae, oyemonde kavi avei temimonde ikavigüe pe jare ara ñavo oyapouka tembíu kavi.

San Lucas 19:8

Jayave Zaqueo oyemboɨ yandeYa jóvai, jare jei chupe: —Mase, cheYa, ameeta chembaembae mbɨte rupi paravete vae reta pe. Jare oime yave kia pe oasa ete akovara, tamboekovia chupe irundɨ ye.