ECLESIASTÉS 4:8 - Biblia Guarani Tumpa Iñee

⁸ Metei kuimbae oï jaeño, mbaetɨ jekovia, mbaetɨ taɨ, mbaetɨ tɨkeɨ ani tɨvɨ yepe, ërei opoiä etei iparavɨkɨ güi, ipɨa jenda peä etei opaete mbaeyekou güɨnoi vae re; mbaetɨ oparandu iyeupe: “¿Kia peguarä ra aparavɨkɨ mbatee? ¿Maera ra mbaetɨ aputuu jare ayemboyerovia?” Opaete kuaekuae mbaeä etei vi ko, mbaravɨkɨ ipoɨgüe yae ko.

ECLESIASTÉS 4:8 ပူးပေါင်းရင်းမြစ်များ

GÉNESIS 2:18

Jayave yandeYa Tumpa jei: “Mbaetɨ ikavi kuimbae oiko vaerä jaeño; tayapo chupe imborɨarä.”

SALMOS 39:6

¡Añetete opaete kuimbae oasa küaraɨa ramiño! Añetete oyemoambekoiño ma, omboatɨ mbatee mbaeyekou vae, mbaetɨ oikuaa kia imbaerä ko vae.

SALMOS 39:7

Añave cheYa, ¿kia re pa aärota? ¡CheYa, ndereño ko cheporoäro!

PROVERBIOS 27:20

Omanogüe reta ñogüɨnoia jare Abadón mbaetɨi ko yangapɨɨ, jökorai ko kuimbae reta imbaepotarai vae mbaetɨi yangapɨɨ.

ECLESIASTÉS 1:13

añeñono opaete chepɨa ndive aeka jare aikuaa kavi vaerä arakuaa katu reve, opaete kuae ɨvɨ pe mbaembae oyeapo vae re. ¡Kuae mbaravɨkɨ tätagüe Tumpa omee kuimbae reta pe vae, jese oyemoambeko reta vaerä!

ECLESIASTÉS 1:8

Opaete mbaembae yemoambeko yae ko, mbaetɨ kia ave oikuaa kuae re; mbaetɨ kia ikuérai omae vae, mbaetɨ kia ikuérai oyeapɨsaka vae.

ECLESIASTÉS 2:21

echa oime yarakuaa katu reve, jeta mbae oikuaa vae rupi, jupi rupi kavi oyapo iparavɨkɨ vae, ërei jae ko oeyata jókuae mbaetɨ etei oparavɨkɨ jese vae imbaerä. ¡Kuaekuae mbaeä etei vi, ikavimbae yae ko!

ECLESIASTÉS 2:23

Echa opaete ara oikove oiko ramboeve oiporara, iparavɨkɨ rupi oyemoambeko yae; pɨ̈tu yave ave mbaetɨ oputuu kavi oyemongeta güi. ¡Kuae mbaeä etei vi!

ECLESIASTÉS 4:7

Ayerova ye ïru kotɨ amae yave, jekuae aecha ye opaete mbae, mbaeä etei ko kuae ɨvɨ pe vae:

ECLESIASTÉS 5:10

Korepoti oaɨu yae vae, yangapɨɨä etei jese; oipota yae oikokatu vaerä, ngaraa mai ipɨakatu jókuae güɨnoigüe re. Kuaekuae mbaeä etei vi,

ECLESIASTÉS 5:9

¡Echa mbaravɨkɨ ko pegua ikavi ko opaete vae pegua, jare mburuvicha guasu ave vi ko oporomborɨta!

ISAÍAS 5:8

¡Peparavete!, pe jekuae güɨrave pegua o peyeupe vae reta, jare jekuae güɨrave pegua ko peyeupe vae reta, opaetei ma pegua. ¿Peño pa pekɨ̈reɨ peiko kuae ɨvɨ pe?

ISAÍAS 55:2

¿Maera pa peiporu pekorepoti, tembiumbae re, jare peparavɨkɨ, mbae pemoangapɨɨmbae re? Peyeapɨsaka kavi cheré, jare peu tembíu kavi, peu tembíu jëe ngatu vae.

San Mateo 11:28

Opaete peyemoambeko jare pepɨatɨtɨ peiko vae reta, peyu chekotɨ. Jare che pomombutuuta.

San Lucas 12:20

Ërei Tumpa jei jókuae kuimbae pe: ‘Yarakuaambae, kuae pɨ̈tu remanota. Jayave opaete mbaembae reñovatu vae ¿kia peguarä pa?’ ”

1 Juan 2:16

echa opaete mbaembae oime ɨvɨ pe vae, soo jemimbota reta, mbaembae ipöra vae reta yaecha vae jare yemboete mbaeyekou regua mbaetɨ ko ou yandeRu güi, ou ko ɨvɨ güi.