ECLESIASTÉS 4:1 - Biblia Guarani Tumpa Iñee

¹ Javoi amae opaete tekorai oyeapo kuae ɨvɨ pe vae re. Aecha oyaeo yogüɨrekoasɨ katu vae reta, jare mbaetɨ kia ombopɨakatu reta vaerä. Echa oporogüɨrekoasɨ katu vae reta güɨnoi mbaepuere jese reta.

ECLESIASTÉS 4:1 ပူးပေါင်းရင်းမြစ်များ

JOB 16:4

Che chepuere vi ko cheñee amoë pe reta rami, pe reta che rami peï yave, che chepuere vi jeta mbae jae pekotɨ, jare añeäkambovava amae peré.

JOB 35:9

Kuimbae reta osapúkai yogüɨrekoasɨ katu jeko pegua, oeka reta kia güɨroasayepe vaerä imbaepuere vae reta güi;

JOB 6:29

Peipoepɨ peregüe, agüɨye peyoa; peyemongeta pɨau ye ayapogüe re.

JOB 9:24

Ɨvɨ oñemee iyoa vae reta ipo pe, jare jae oñova mburuvicha oporojäa vae reta jesa. Jaeä yave, ¿kia pa jayave? ¿Ketɨ pa oime oï?

SALMOS 12:5

YandeYa jei körai: “Paravete vae jare mbae re oata vae reta re peyuvanga. Jáeramo, añave apüata, aroasayepeta, oeka tëi oasayepe vaerä yogüɨreko vae.”

SALMOS 142:4

Emae cheakatu kotɨ, mbaetɨ kia chemborɨ vaerä. ¡Mbaetɨ anoi kia chereepɨ vaerä! ¡Mbaetɨ kia oyemoambeko cheré!

SALMOS 142:5

CheYa Tumpa, asapúkai ndeve, jae: “Nde ko jae chereepɨ vae; ndeño ko reï cheveguarä.”

SALMOS 42:3

Ara pe jare pɨ̈tu rupi ayaeo reteiño, jei reteiño ramboeve cheve reta: “¡Ketɨ oime oï neTumpa!”

SALMOS 42:9

Jaeta cheTumpa pe, ita guasu cheñepɨ̈roa pe: “¿Maera pa neakañɨ chegüi? ¿Maera pa aikota mbɨatɨtɨ pe, cherovaicho reta jasɨ katu cherereko vae pe?”

SALMOS 69:20

Cheyóyai yóyai yae reta vae chembopɨtu yae jare chembopɨatɨtɨ yae. Aäro kia cheparareko vaerä, ërei mbaetɨ; jare oporombopɨakatu vae ave mbaetɨ aväe.

SALMOS 69:21

Cherembiurä oñono reta mbae iroasɨ vae, jare cheɨuve yave omee reta jau vinagre.

SALMOS 80:5

Oremongaru mbatee ma tesaɨ pe; oremboɨu mbatee ma tesaɨ re.

ÉXODO 1:16

—Pemborɨ hebrea reta imembɨ oa vaerä yave, pemae jese; kuimbae yave ¡peyuka!, ërei kuña yave pemaeño toikove.

ÉXODO 1:22

Jayave Faraón oyókuai opaete jëtaɨgua reta, körai: “Pemombo ɨ pe opaete michia raɨ kuimbae oa vae, ërei kuña ko yave pemaeño toikove.”

PROVERBIOS 19:7

Paravete vae, jëtara ete ave omotareɨ yae, ¡vɨtei pa ivɨa-ïru reta, opa tai ko oyembosɨrɨ chugüi! Oeka tëi kia ndive imiari vaerä yave, mbaetɨ oväe.

PROVERBIOS 28:3

Kuimbae paravete jare jeko kavimbae omaeñomi yave paravete vae güi, okɨrai yave opaetei güɨrokomegua oeya mbaagüɨye rami ko.

PROVERBIOS 29:2

Jupi vae reta ñogüɨnoi mburuvicharä yave, tëta pegua reta oyerovia katu, ërei jupimbae reta ñogüɨnoi mburuvicharä yave, tëta pegua reta oiporara yae.

ECLESIASTÉS 3:16

Aecha vi kuae ɨvɨ pe: Añete vae jekovia pe, teko kavimbae, jupi vae jekovia pe, jupimbae.

ECLESIASTÉS 5:8

Metei tëtaguasu pe reecha yave paravete vae oyererekoasɨ katu jare jupigüe mbaetɨ oyeapo chupe yave, agüɨye nepɨakañɨ jese; echa metei mburuvicha re omae, ïru mburuvicha ma tuicha vae, jare ïru mburuvicha tuicha yae ete vae güɨnoi mbaepuere kuae mókoi reta re.

ECLESIASTÉS 7:7

Teko rai ombojopa yarakuaa vae, jare mbaemboepɨ vɨari güɨrokomegua jeko kavi.

ECLESIASTÉS 8:9

Opaete kuaekuae aecha, añeñono ramboeve aikuaa vaerä opaete mbaembae kuae ɨvɨ pe oyeapo vae, jare kuimbae güɨnoi mbaepuere ïru reta re vae rupi oyapo ikavimbae iyeupe.

ISAÍAS 5:7

Jókuae yandeYa Imbaepuere yae ete vae iuvarupa, jae ko Israel iñemuña reta, jare temitɨ ikavi vae, jae ko kuimbae Judá pegua reta. YandeYa oäro tëi chugüi reta jupi vae, ërei jeieteño ikavimbae, oäro tëi chugüi reta jupi vae, ërei jeieteño jäse oiporara vae reta.

ISAÍAS 51:23

Jare añonota jókuae kopa, oiporarauka ndeve vae reta ipo pe, jei reta yepi ndeve: ‘Eyapakua, roasata ndeárambo rupi’; jare nde reyapakua ɨvɨ re, javoi jae reta oasa, tape rupi rami.”

ISAÍAS 59:7

Pesɨi katu ikavimbae kotɨ, peo vaerä peyuka jekombae vae jarembae pegua, peyemongeta reta ikavimbae reño, peiko peporomokañɨtei vaeräño.

JEREMÍAS 16:7

Manoa pe tembíu kavi oyeapo vae ave mbaetɨta ombopɨakatu vaerä omano vae jëtara reta, yepe tëi omano tu ani ichɨ.

LAMENTACIONES 1:16

Kuaekuae reta jeko pegua ayaeo. Jeta yae cheresaɨ oyepɨyere, echa oyembosɨrɨ chegüi chembopɨakatu vae jare chemombutuu vae. Opa cheipo reta oyemboai, echa tovaicho reta jëia yae.

LAMENTACIONES 1:17

Sión oiporu tëi yemborɨ, ërei mbaetɨ kia ombopɨakatu vaerä. YandeYa omee mborookuai tovaicho reta oñova vaerä Jacob; chupegua reta, Jerusalén ikavimbae yae ko.

LAMENTACIONES 1:2

Ipɨatɨtɨ yae reve oyaeo pɨ̈tu rupi, jesaɨ osɨrɨ jova rupi. Opaete oaɨu vae reta güi, mbaetɨ metei ave ou ombopɨakatu vae. Opaete ivɨa-ïru reta ave oyembosɨrɨ chugüi, oyemboyovaicho reta ikotɨ.

LAMENTACIONES 1:9

Jemimonde omongɨa iyoa pe; mbaetɨ oyemongeta këraita ko iyapɨ vae. Ñanemopɨakañɨ yé oa vae, jare mbaetɨ kia ombopɨakatu vaerä. ¡CheYa Tumpa, emae chepɨatɨtɨ re, echa tovaicho oyembotuicha yae!

AMÓS 3:10

YandeYa jei: “Jae reta mbaetɨ oikuaa oyapo jupi vae; oñovatu reta jo kavi reta pe oñomigüe jare opɨ̈rogüe.”

AMÓS 3:9

Pemoërakua mburuvicha guasu jo kavi reta pe, tëta Asdod pe, jare mburuvicha guasu jo kavi reta pe, ɨvɨ Egipto pe, körai: “Peyu peyemboatɨ Samaria iɨvɨtɨ re; jare pemae teko kavimbae oyeapo pɨpe vae re jare tekorai jeta pɨpe vae re.”

MALAQUÍAS 2:13

Jare jekuae peñova yeta tesaɨ pe mɨmba oyeyuka oyeapɨ jese vae yandeYa imbae, yaeo pe, täse reta pe; jayave ngaraa ye ma amae mbota re aipɨɨ vaerä chepɨakatu reve pepo güi.

MALAQUÍAS 3:18

Jayave pe reta peikuaa yeta jupi vae jare jupimbae vae, Tumpa pe oyeokuai vae jare mbaetɨ oyeokuai chupe vae.”

MALAQUÍAS 3:5

Jei yandeYa Imbaepuere yae ete vae: “Jare ayuta pekotɨ aporojäa vaerä; amoañete vaerä imbaekuaa vae reta jeko jare iyaguasa vae reta, yapu reve imiari vae reta, jembiokuai pe mbaetɨ omboepɨ kavi vae reta, imemano vae tɨ̈reɨ, jare ketɨgua pe jupimbae oyapo vae reta mbaetɨ reve oipoɨu reta chegüi.”

San Mateo 26:56

Ërei opaete kuae oyeapo oï oyembopo vaerä ñeemombeúa reta jei vae Tumpa Iñee pe oï vae. Jayave opaete jemimboe reta oeya, jare opa otekuarai.

DEUTERONOMIO 28:33

Peremitɨ iagüe, jare opaete peparavɨkɨ rupi oime vae, jouta peikuaambae vae reta, oiporarauka aveita peve vae.

DEUTERONOMIO 28:48

Jáeramo peyeokuaita perovaicho reta yandeYa ombou peve vae pe, peyɨmbɨaɨ reve, peɨuve reve, penandi reve, peporiau reve opaño mbaembae re; jae reta oñonota peré mbaravɨkɨ yavaetegüe opa regua pemokañɨtei.

Santiago 5:4

Mase, oparavɨkɨ vae reta ombaarɨvo peve vae reta pe mbaetɨ pemboepɨ vae, oñeapo oï peré. Pe reta pembotavɨ rupi mbaetɨ pemboepɨ chupe vae. Jare yandeYa Imbaepuere yae vae oendu ma iñeengeta peve jókuae ombaarɨvo vae reta vae.

JUECES 4:3

Jabín güɨnoi noveciento käretou jiero pegua, jare veinte año rupi oiporarauka yae Israel iñemuña reta pe. Jayave Israel iñemuña reta oyerure mbɨatɨtɨ ndive yandeYa pe.