ECLESIASTÉS 3:6 - Biblia Guarani Tumpa Iñee

⁶ Oime ara, mbae yaeka vaerä, oime vi ara, ñanemaekañɨ vaerä. Oime ara, mbae ñañovatu vaerä, oime vi ara, mbae yamombo vaerä.

ECLESIASTÉS 3:6 ပူးပေါင်းရင်းမြစ်များ

2 REYES 5:26

Ërei Eliseo jekuae jei ye chupe: —Kuimbae ogüeyɨ ikäretou güi ndemboresive vaerä yave, che joko pe aï cheyemongeta rupi. Añave mbaetɨ ikavi yamboresive vaerä korepoti, temimonde reta, ani yagua vaerä ko, uvarupa, vecha reta, güeye reta, tembiokuai kuimbae reta jare tembiokuai kuña reta.

2 REYES 7:15

Jare jae reta opa yogüɨraja, jare omomoe güɨraja Siriaɨgua reta jaɨkuere Jordán kotɨ yogüɨraja oväe regua; jare oecha reta opaete tape rupi jeta temimonde jare mbaembae opa omombo oeyagüe, jaɨai reta otekuarai jeko pegua. Javoi opa ye oyerova jókuae mburuvicha guasu omondo vae reta, jare imiari reta jókuae oechagüe re.

2 REYES 8:9

Hazael ojo Tumpa iñeemombeúa pɨri, güɨraja chupe mbota Damasco pe mbae ikavigüe oime vae, ombovoɨta güɨraja cuarenta camello. Jare ojo oväe Tumpa iñeemombeúa oïa pe yave, jei chupe: —Nderaɨ Ben-adad, mburuvicha guasu Siria pegua chembou ndekotɨ, aparandu vaerä ndeve okuerata ra imbaerasɨ güi vae.

SALMOS 112:9

Omboyao mbae, paravete vae reta pe; ipɨakavi avei; imbaepuere oyembotuichata jare imboetea yaeta.

ECLESIASTÉS 11:1

Ndepɨa kavi ïru vae pe, jare metei ara jekovia yeta ndeve.

ECLESIASTÉS 3:5

Oime ara, ita yamombo vaerä, oime vi ara, ita yamboatɨ vaerä. Oime ara, yayoaɨu vaerä, oime vi yombosɨrɨ iara.

ECLESIASTÉS 3:7

Oime ara, mbae yamondoro vaerä, oime vi ara, mbae yambovɨvɨ vaerä. Oime ara, ñanekïrii vaerä, oime vi ara, ñanemiari vaerä.

ISAÍAS 2:20

Jókuae ara kuimbae reta omombota itumpa-raanga reta korepoti pegua jare oro pegua anguya reta pe jare andɨra reta pe. Jókuae itumpa-raanga reta oyapo reta omboete reta vaerä vae,

JONÁS 1:5

Jare barco pe oparavɨkɨ vae reta okɨɨye, jare metei ñavo vae osapúkai reta itumpa pe; jare omombo reta ɨ pe ivoɨta barco pegua, ombovevɨi vaerä. Ërei Jonás yepe ogüeyɨ barco jugua kotɨ, jare oyapakua oke.

San Mateo 19:29

Jare oime yave kia oeya jo reta, ani tɨkeɨ reta, ani tɨvɨ reta, ani jeindɨ reta, tɨke ani ipɨkɨɨ ani ikɨvɨ, ani tu, ani ichɨ, ani jembireko, ani imichia reta, ani iɨvɨ reta yepe chereko pegua vae, jeta yaeta jekovia chupe, jare güɨnoita imbaerä tekove opa mbae vae.

Hechos 27:19

Jare mboapɨ araa pe ipo pe etei omombo reta jókuae barco pegua tembiporu reta.

Hechos 27:38

Jare opareve iyangapɨɨ yave, omombo reta trigo ɨguasu pe, ombovevɨi vaerä barco.