ECLESIASTÉS 3:22 - Biblia Guarani Tumpa Iñee

²² Jökorai, aikuaa kuimbae pe jaekavi yae vae, jae ko oyerovia vaerä iparavɨkɨagüe re, echa jae ko jókuae iparavɨkɨagüe jekovia; echa omano güire mbaetɨ yeta kia güeru oecha vaerä mbae ra ko oasata jaɨkue rupi vae.

ECLESIASTÉS 3:22 ပူးပေါင်းရင်းမြစ်များ

JOB 14:21

Taɨ reta imboetea yae yave, jae mbaetɨ oikuaa, ani osusere reta yave, jae mbaetɨ oikuaa.

ECLESIASTÉS 10:14

¡Yarakuaambae jekuaekuae oväe mbae jei vaerä! ¿Kia pa oikuaaukata chupe mbae ra ko oasata kuri vae? Echa ko mbaetɨ etei kia ave oikuaa mbae ra ko oasata kuri vae.

ECLESIASTÉS 11:9

Nde taɨrusu vae, eyerovia ndetaɨrusu ramboeve, eyapo ndepɨa jemimbota, eyapo nderesa pe ipöra vae, ërei nemaendúa, opaete kuaekuae re Tumpa nejäata.

ECLESIASTÉS 2:18

Aröɨro vi opaete cheparavɨkɨ kuae ɨvɨ pe ayapo vae, echa opaete jókuae aeyata cherekovia pe opɨtata vae pe.

ECLESIASTÉS 2:24

Kuimbae pe ikavi vae, jae ko okaru kavi vae, jare oyerovia iparavɨkɨagüe re vae. Kuae aikuaa vi jae ko Tumpa güi ou vae.

ECLESIASTÉS 6:12

Echa, ¿kia pa oikuaa mbae ra ko ikavita kuimbae peguarä vae, opaete ara michi peguaño oiko ramboeve? Echa jekove oasa ko metei küaraɨa rami. ¿Omano güire, kia pa ipuereta jei chupe, mbae ra kuae ɨvɨ pe oasata vae?

ECLESIASTÉS 7:14

Ikavi reiko yave, eyekou jókuae reiko kavi ramboeve; ërei mbaetɨ ikavi reiko yave eyemongeta, Tumpa jemimbota ko kuaekuae, kuimbae agüɨye vaerä oikuaa mbae ra ko oasata vae.

ECLESIASTÉS 8:15

Jáeramo chevegua, yerovia ko jae ikavi yae ete vae. Ikavi yae ete kuimbae oyapo vaerä kuae ɨvɨ pe vae jae ko, okaru vaerä jare jou vaerä vino jare oyerovia oiko vaerä, echa jaeño ko jókuae iparavɨkɨagüe jekovia, opaete ara Tumpa omee tekove chupe ramboeve kuae ɨvɨ pe.

ECLESIASTÉS 8:7

jae ko mbaetɨ oikuaa mbae ra oasata vae jare kërai yave ko oasata vae, ¿kia pa omombeuta chupe?

ECLESIASTÉS 9:12

Ïru yé jae ko, mbaetɨi kia oikuaa kërai yave ko maratuta oiko vae: Jevae reta oa pɨsa pe rami, güɨra reta oa ñuai pe rami, jökorai kuimbae ámope iparanoe oa ikavimbae pe.

ECLESIASTÉS 9:6

Joko pe vi opa iporoaɨu, iporomotareɨ, iñemoägüɨro, jare ngaraa ye ma mbae oyapo reta kuae ɨvɨ pe oyeapo vae.

DANIEL 12:13

Jare nde reikota nderekove iyapɨ regua jare reputuuta, jare ara iyapɨ rupi repüata remboresive vaerä kuri ndembaerä oï vae.’ ”

San Mateo 6:34

Jáeramo agüɨye peyemoambeko pɨareve peguarä vae re. Echa pɨareve pe oime yeta mbae pemoambeko vaerä. Ara ñavo oime mbaembae pemoambeko vaerä.

DEUTERONOMIO 12:18

Jaeño pepuere peyapo yandeYa Tumpa jóvai, jókuae jae oiparavoa pe, joko pe, pe jare peraɨ, perayɨ, perembiokuai kuimbae jare perembiokuai kuña reta, jare Leví iñemuña reta yogüɨreko pepɨte pe vae ndive, peyerovia katu peparavɨkɨagüe re yandeYa Tumpa jóvai.

DEUTERONOMIO 12:7

Joko pe pekaru yandeYa Tumpa jóvai, jare peyerovia katu pero pegua reta ndive peparavɨkɨagüe re, yandeYa Tumpa iporerekua peré vae rupi.

DEUTERONOMIO 28:47

mbaetɨ ramo peyeokuai yandeYa Tumpa pe yerovia ndive jare mbɨakatu ndive, jeta mbaembae omee peve vae re.