ECLESIASTÉS 3:19 - Biblia Guarani Tumpa Iñee

¹⁹ Echa añetete kuimbae reta jare mɨmba reta oyovakeño ko; kuimbae reta omano jare mɨmba reta omano vi; oyovakeño ko oikove opaete vae; kuimbae mbaetɨ puku jekove mɨmba reta güi; opaete kuae mbaeä etei ko.

ECLESIASTÉS 3:19 ပူးပေါင်းရင်းမြစ်များ

2 SAMUEL 14:14

Echa opaete vae ñamano ñotai ko, ɨvɨ pe ɨ oyepɨyere vae rami ko yande reta, mbaetɨ yandepuere yaupi ye ɨvɨ güi. Tumpa mbaetɨ vi oekɨiño tekove, jae oñono mbaembae kuae ɨvɨ güi otekuarai vae agüɨye mo vaerä oyembosɨrɨ ete chugüi.

SALMOS 104:29

ërei, nde resɨrɨ chugüi reta yave, jae reta okɨɨye; reekɨ ipɨ̈túe yave, jae reta omano, opa ojo ye ɨvɨkuirä.

SALMOS 49:12

Ërei ngatu kuimbae ngaraa imboetea avei oiko; mɨmba reta ramiño vi ko okañɨtei.

SALMOS 49:13

Kuae oikogüe mbaeä etei ko; ërei jeseve, iñemuña reta güɨrovia katu jae reta iñee.

SALMOS 49:20

Ërei kuimbae imboetea yae re oyekou vae, mbaetɨ oikuaa yave, mɨmba reta ramiño vi ko okañɨtei.

ECLESIASTÉS 1:14

Jare amae opaete kuae ɨvɨ pe oyeapo vae re, aecha opa reve mbaeä etei ko, yayemoambekoiño ma ko jese.

ECLESIASTÉS 1:17

Añeñono opaete chepɨa ndive aikuaa vaerä arakuaa, añeñono vi aikuaa vaerä mbokere reta regua jare arakuaambae regua; jökorai aikuaa opaete kuae reta re yayemoambekoiño ma vae.”

ECLESIASTÉS 2:14

Yarakuaa vae omae kavi opaete mbae oyapota yave, ërei yarakuaambae mbaetɨ omae kavi mbae oyapota yave. Ërei ngatu aecha vi kuae reta, oyovakeñota opa omano;

ECLESIASTÉS 2:16

Echa yarakuaa vae jare yarakuaambae re ave ngaraa kia imaendúa avei vae; echa jaɨkue rupi opaeteita ma ñakañɨ chugüi vae; jökorai yarakuaa vae jare yarakuaambae oyovakeño omanota.”

ECLESIASTÉS 7:2

Manoa pe yaja vae ikavi yae ko, aretea pe yaja vae güi; echa mano jae ko opaete vae reta iyapɨ, jare oikoveño oï vae ipuere oyemongeta avei jese.

ECLESIASTÉS 9:12

Ïru yé jae ko, mbaetɨi kia oikuaa kërai yave ko maratuta oiko vae: Jevae reta oa pɨsa pe rami, güɨra reta oa ñuai pe rami, jökorai kuimbae ámope iparanoe oa ikavimbae pe.

ECLESIASTÉS 9:2

Opaete vae oyovakeño ko maratuta oasa: Jupi vae jare jupimbae vae, jeko kavi vae jare jeko kavimbae, ikɨambae vae jare ikɨa Tumpa jóvai vae, mɨmba oyeyukagüe omee vae jare mbaetɨ omee vae; jökoraiño vi iyoambae jare iyoa vae, Tumpa jee re jei vae jare oipoɨu Tumpa jee re jei vae.

NÚMEROS 16:29

Opaete kuimbae reta omano ramiño kuae reta omano yave, ani kuimbae ñavo ndive oasa ramiño kuae reta oasa yave, jökorai yave mbaetɨ ko yandeYa chembou.