ECLESIASTÉS 3:17 - Biblia Guarani Tumpa Iñee

¹⁷ Jare jae cheyeupe: “Tumpa ojäata jupi vae jare jupimbae reta, echa oime ara, opaete mbaembae peguarä jare oyeapo vaerä.”

ECLESIASTÉS 3:17 ပူးပေါင်းရင်းမြစ်များ

GÉNESIS 18:25

¿Reyukata pa jupi vae, jeko vae ndive, jare jupi vae remboyovakeñota pa jeko vae ndive? Nde reporojäa opaete ɨvɨ re vae, ¿ngaraa pa reyapo jupi vae?

SALMOS 96:13

jókuae yandeYa ou oï vae jenonde! ¡Jae ou oï vaerä mburuvicha guasurä kuae ɨvɨ pe, güɨroata vaerä jupi rupi jare añete vae rupi tëta reta kuae ɨvɨ pegua!

SALMOS 98:9

jókuae yandeYa ou oï vae pe. ¡Echa, jae ou oï vaerä mburuvicha guasurä kuae ɨvɨ pe, güɨroata vaerä jupi rupi jare isɨmbi rupi tëta reta kuae ɨvɨ pegua!

ECLESIASTÉS 1:16

Jayave jae cheyeupe: “Che chetuicha yae aï jare chearakuaa yae opaete tenonde rupi yogüɨreko mburuvicha guasurä kuae Jerusalén pe vae reta güi; chearakuaa yae opaete mbaembae pe.

ECLESIASTÉS 11:9

Nde taɨrusu vae, eyerovia ndetaɨrusu ramboeve, eyapo ndepɨa jemimbota, eyapo nderesa pe ipöra vae, ërei nemaendúa, opaete kuaekuae re Tumpa nejäata.

ECLESIASTÉS 12:14

Echa Tumpa ñanejäata ko opaete mbaembae yayapogüe re, yayapo vɨari vae re ave, ikavi vae ani ikavimbae re.

ECLESIASTÉS 2:1

Jae vi cheyeupe: “Añave, tayerovia jare tayekou chepɨa jemimbota rupi.” ¡Ërei jókuae reta ave vi mbaeä etei!

ECLESIASTÉS 3:1

Kuae ɨvɨ pe oime opaete mbaembae oyeapo vae iara; opaete mbaembae oyeapo vae oime iora:

ECLESIASTÉS 8:6

Echa opaete mbaembae oime iara, kërai yave jare këraita ko oyeapo vae; echa oime mbae ikavimbae yae vae kuimbae pe,

DANIEL 11:40

Ërei ou ma oväe ara iyapɨ yave, mburuvicha guasu arayevɨ kotɨgua oporepeñata mburuvicha guasu ɨvɨtuguasu kotɨgua re; ërei kuae opüata chupe ama ɨvɨtuai reve rami, käretou reta ndive, kavayu regua reta ndive jare jeta barco reta ndive; omboaita opaetei arayevɨ kotɨgua reta iɨvɨ.

DANIEL 12:4

‘Ërei nde Daniel, kuae ñee reta jare tembikuatía eyokenda toï ou ara iyapɨ oväe regua. Jeta kotɨ kotɨ oeka reta tëita, jare yemboe okuakuaata.’

DANIEL 12:9

Jae jei cheve: ‘Mbaetɨta ndepuere reikuaa Daniel, echa kuae ñee reta oyeokenda opɨta ou ara iyapɨ oväe regua.

San Mateo 16:27

Echa che Kuimbaerä ayeapo vae ayu yeta cheRu iyemboetea reve jare iaraɨgua reta ndive. Jayave amboekoviata metei ñavo vae pe jembiapo oï rupi.

San Juan 5:22

Tu mbaetɨ kia ave ojäa. Ërei omee Taɨ oporojäa vaerä.

Hechos 1:7

Jesús jei chupe reta: —Mbaetɨ ko peve reta oñemee jókuae peikuaa vaerä. Jaeño cheRu oikuaa jókuae re.

Hechos 17:31

Echa jae oiparavo ma metei ara ojäauka vaerä jupi rupi ɨvɨ pegua reta, jókuae kuimbae jae oiparavo vae rupi. Jare jókuae oechauka opaete ɨvɨ pegua reta pe, jae omoingove ye yave omanogüe reta ipɨte güi.”

1 Corintios 4:5

Jáeramo agüɨye peporojäa ndei iara mbove. Peäro yandeYa ou ye regua. Echa jae omboyekuaa kavita opaete mbaembae oñemi pɨtumimbi pe oï vae. Jare omboyekuaata opaete pɨa jemimbota. Jayave metei ñavo omboresiveta mbaemboete Tumpa güi.

2 Corintios 5:10

Echa opaete vae ñaï ñotai Cristo jóvai, jae ñanejäa vaerä. Metei vae ñavo omboresive vaerä oikove oiko ramboeve oyapo rupi. Ikavi vae jare ikavimbae vae oyapo rupi.

1 Tesalonicenses 5:1

Ërei kuae kërai yave oasata vae regua, aecha mbaetɨ jupi aikuatía vaerä peve cherɨvɨ reta.

Apocalipsis 11:18

Jare tëtaguasu reta iyarasɨ. Ërei ndearasɨ oväe ma rejäa vaerä omanogüe reta, jare remboekovia vaerä nderembiokuai ñeemombeúa reta, oporogüɨrovia vae reta, jare omboete nderee vae reta michia reta jare okuakuaa vae reta, jare remboai vaerä ɨvɨ omboai vae reta.”

Apocalipsis 20:2

Jare oipɨɨ jókuae mbaeporou guasu, mboi ñɨma vae, jae ko aña guasu Satanás. Jare oipokua mil año pegua.