ECLESIASTÉS 3:11 - Biblia Guarani Tumpa Iñee

¹¹ Jae ipöra oyapo opaete iara pe kavi; oñono vi kuimbae reta ipɨa pe oiko avei ko vae, yepe tëi mbaetɨ opaete oikuaa reta Tumpa oyapo iyɨpɨ güive vae, jare oyapota vae.

ECLESIASTÉS 3:11 ပူးပေါင်းရင်းမြစ်များ

GÉNESIS 1:31

Tumpa omae opaete oyapogüe re, oecha ikavi yae ete jembiapo reta. Jökorai ou pɨ̈tu jare ara, jae ko ovaa ara pe.

JOB 11:7

¿Reikuaata pa nde mbaembae yavai yae Tumpa regua vae? ¿Reikuaata pa, Imbaepuere yae ete vae kërai etei ko vae?

JOB 37:23

Imbaepuere yae ete vae regua mbaetɨ yandepuere opa yaikuaa, jae ko tuicha imbaepuere pe vae jare jupi vae; jae mbaetɨ oporogüɨrekoasɨ katu.

JOB 5:9

¡Jae oyapo mbaembae tuichagüe, yaikuaa rapembae vae; jare mɨakañɨ reta oyepapa rapembae vae!

SALMOS 104:24

CheYa Tumpa, ¡opa rapeä ko roipapa nderembiapo reta! Opaete jókuae reta reyapo ndearakuaa katu reve; ¡ɨvɨ tɨnɨe oï nderembiapo reta pe!

PROVERBIOS 16:4

Opaete mbaembae yandeYa oyapo, jökoraiño mai ou vaerä, iyoa vae ave oyapo, tembiporara iara peguarä.

ECLESIASTÉS 1:13

añeñono opaete chepɨa ndive aeka jare aikuaa kavi vaerä arakuaa katu reve, opaete kuae ɨvɨ pe mbaembae oyeapo vae re. ¡Kuae mbaravɨkɨ tätagüe Tumpa omee kuimbae reta pe vae, jese oyemoambeko reta vaerä!

ECLESIASTÉS 11:5

Mbaetɨ reikuaa kerupi ko ojo ɨvɨtu, ani mbaetɨ vi reikuaa michia kërai ko okuakuaa ichɨ jɨe pe vae; jökorai ko mbaetɨ etei reikuaa Tumpa jembiapo reta regua, jókuae opaete mbaembae iyapoa.

ECLESIASTÉS 7:13

Emae kavi Tumpa jembiapo re; echa ¿kia pa ipuere ombosɨmbi jae omoapegüe?

ECLESIASTÉS 7:23

Opaete kuae ayapo chearakuaa reve; jae cheyeupe: “Tachearakuaa katu”, ërei mbaetɨ chearakuaa.

ECLESIASTÉS 7:29

Aväe chupe vae jaeño kuae: Tumpa oyapo jupi kuimbae, ërei jae aeño oñererokomegua.

ECLESIASTÉS 8:17

jare aecha opaete Tumpa jembiapo reta kuimbae mbaetɨ ipuere oikuaa opaete mbaembae kuae ɨvɨ pe oyeapo vae, yepe tëi jeta oyemoambeko oikuaa vaerä, ërei ngaraai ipuere oikuaa; yepe tëi yarakuaa vae jei: “Che aikuaa”, ërei ngaraai ko oupitɨ.

San Mateo 11:27

Jayave jei ye: —CheRu omee ma cheve opaete mbaembae. Mbaetɨ kia oikuaa kavi cheregua, jaeño cheRu. Jaeramiño vi mbaetɨ kia oikuaa kavi cheRu regua, jaeño che jare che aikuaauka chupe vae reta.

San Mateo 13:22

Jökorai vi jókuae temitɨ oa yuu pɨte rupi vae oyembojaanga Tumpa iñee oendu vae re. Ërei omboɨpɨ oyemoambeko ɨvɨ pegua mbaembae re, jare oyembotavɨ, oipota oikokatu jeko pegua, jare omoakañɨ ye Tumpa iñee güi. Jáeramo jae reta jókuae temitɨ iambae vae rami ko.

San Marcos 7:37

Jae reta ipɨakañɨ yae reve jei: “Opaete mbaembae oyapo vae ikavi yae ko. Ombogüera iyapɨsambae, jare ombogüera vi iñeembae reta.”

Romanos 1:28

Jae reta oipotaä oikuaa Tumpa regua ramo, jae omboeterenga reta yemongeta ikavimbae pe, oyapo reta vaerä agüɨyeta tëi oyapo vae.

Romanos 11:33

Tumpa yarakuaa tuichagüe yae ko, iyarakuaa katu yae ko. Yaupitɨ rapembae iyemongeta reta. Yaipapa rapeä ko jemimbota reta.

DEUTERONOMIO 32:4

Jae ko Ita guasu rami; jembiapo ikavi yae ko, echa opaete jemimbota reta sɨmbi vae ko, Tumpa ko añete pegua, mbaetɨ jese ikavimbae. ¡Jae jupi ko, jare sɨmbi ko!