ECLESIASTÉS 2:5 - Biblia Guarani Tumpa Iñee

⁵ Ayapo cheyeupe ko reta jare ko raɨ reta, joko pe añotɨ opaete temitɨ ɨvɨra ia vae.

ECLESIASTÉS 2:5 ပူးပေါင်းရင်းမြစ်များ

NEHEMÍAS 2:8

jare ïru tupapire Asaf kaa iyangarekoa peguarä, mburuvicha guasu imbae re oyangareko vae, omee vaerä cheve ɨvɨra Tupao ikësea jöke reta reguarä, jare tëta guasu ikësea reguarä, jare o che aïta pɨpe vae reguarä.” Jare omee cheve mburuvicha guasu, yandeYa Tumpa iporerekua cheré rupi.

CANTARES 4:12

Nde, chereindɨ, chemenda ïrurä vae, mbaepotɨ oñekëse kavi vae rami ko nde, ɨesaɨ oñekëse kavi vae, ɨesaɨ oyeokenda kavi vae,

CANTARES 4:13

ko raɨ, ipɨau granada oë pɨpe vae, iagüe jëe ngatu vae; ko raɨ mbaepotɨ alheña oï pɨpe vae,

CANTARES 4:16

Ɨvɨtu ɨvɨtuguasu kotɨgua, ¡epüa! Ɨvɨtu arayevɨ kotɨgua, ¡eyu kuae kotɨ! ¡Eipeyu cheko raɨ, jare opa emoai ipiche kavi vae! Eyu, che roaɨu vae, ndeko raɨ pe, jare jeu mbae iagüe jëe ngatu yae vae.

CANTARES 5:1

Che ayu cheko raɨ pe, chereindɨ, chemenda ïrurä vae. Aipɨɨ chembae mirra jare ikäti kavi vae, jau ei jenda güi, jau vino jare neche. Pe peyoaɨu vae, peu pepuere rupi.

CANTARES 6:2

Aaɨu vae ojo iko raɨ pe, temitɨ ikäti kavi jenda pe. Güɨraja omongaru jɨmba, jare oyasɨa vaerä tüpa-ɨpɨ ipotɨ reta.

JEREMÍAS 39:4

Jare mburuvicha guasu Sedequías jare isundaro reta oecha yave kuae oasa oï vae, otekuarai reta tëta guasu güi. Ñogüɨnoe reta pɨ̈tu yave, tape mburuvicha guasu iko raɨ rupi oasa vae rupi, öke tëta guasu ikësea mókoi oyóvai ñogüɨnoi vae ipäu pe oï vae rupi, jare yogüɨraja tape Arabá kotɨ ojo vae rupi.