ECLESIASTÉS 2:24 - Biblia Guarani Tumpa Iñee

²⁴ Kuimbae pe ikavi vae, jae ko okaru kavi vae, jare oyerovia iparavɨkɨagüe re vae. Kuae aikuaa vi jae ko Tumpa güi ou vae.

ECLESIASTÉS 2:24 ပူးပေါင်းရင်းမြစ်များ

1 REYES 4:20

Ɨvɨ Judá jare ɨvɨ Israel pegua reta jeta yae ko, ɨguasu jembeɨ pe jeta ɨvɨkuitï oï rami. Mbaetɨ oata tembíu jare iɨguarä, oyerovia katu yogüɨreko.

NEHEMÍAS 8:10

Jaɨkue rupi jei chupe reta: “Pekua, peu soo ikɨra kavi vae jare vino jëe kavi vae, jare pemee vi tokaru mbaetɨ güɨnoi vae reta; echa ara oñeñono tee yandeYa pe vae ko; agüɨye pepɨatɨtɨ, echa yandeYa Tumpa pegua yerovia ñanemomɨ̈rata vae ko.”

ECLESIASTÉS 2:10

Mbaetɨi ayeopia cheresa jemimbota güi; mbaetɨi ayeopia chepɨa oipota vae güi. Chepɨayerovia opaete ayapogüe reta re, jókuae ko jae opaete cheparavɨkɨ reta jekovia.

ECLESIASTÉS 2:25

Echa, ¿kia pa ipuere okaru jare oyerovia potaä?

ECLESIASTÉS 2:3

Jare añono chepɨa pe ayembosavaɨpo vaerä vino pe, yarakuaambae rami, aeyambae reve arakuaa katu; jökorai aikuaa regua kuimbae reta oikove yogüɨreko ramboeve, jókuae ra ko jaekavi yaeta chupe reta vae.

ECLESIASTÉS 3:22

Jökorai, aikuaa kuimbae pe jaekavi yae vae, jae ko oyerovia vaerä iparavɨkɨagüe re, echa jae ko jókuae iparavɨkɨagüe jekovia; echa omano güire mbaetɨ yeta kia güeru oecha vaerä mbae ra ko oasata jaɨkue rupi vae.

ECLESIASTÉS 5:17

Jare opaete ara rupi mbaetɨ yeti okaru pɨagüive, oiko pɨtumimbi rupi rami, mbɨatɨtɨ rupi jare jasɨ katu rupi.

ECLESIASTÉS 6:12

Echa, ¿kia pa oikuaa mbae ra ko ikavita kuimbae peguarä vae, opaete ara michi peguaño oiko ramboeve? Echa jekove oasa ko metei küaraɨa rami. ¿Omano güire, kia pa ipuereta jei chupe, mbae ra kuae ɨvɨ pe oasata vae?

ECLESIASTÉS 6:2

Tumpa omee amogüe pe täta oikokatu vaerä, imboetea yae vaerä, jare mbaetɨ mbae oata chupe vaerä; ërei mbaetɨ omaeño oyekou opaete jókuae iparavɨkɨagüe re, echa ko ambuae vaei oyekou jese. ¡Kuaekuae mbaeä etei ko, jare jasɨ katu yae ko!

ECLESIASTÉS 8:15

Jáeramo chevegua, yerovia ko jae ikavi yae ete vae. Ikavi yae ete kuimbae oyapo vaerä kuae ɨvɨ pe vae jae ko, okaru vaerä jare jou vaerä vino jare oyerovia oiko vaerä, echa jaeño ko jókuae iparavɨkɨagüe jekovia, opaete ara Tumpa omee tekove chupe ramboeve kuae ɨvɨ pe.

ISAÍAS 56:12

Jei reta: “Yaja yaeka vino jare mbae oporombosavaɨpo vae, yandembosavaɨpo vaerä. Javoi pɨareve yayapo ye añave rami, ani oasa ete ye ikavi yayapo.”

MALAQUÍAS 2:2

Mbaetɨ yave peendu jare mbaetɨ yave pepɨakatu reve chemboete, ayepopeyuta peré jare mbaembae penoi vae re, echa mbaetɨ chemboete pepɨakatu reve.” Jei yandeYa Imbaepuere yae ete vae.

Hechos 14:17

Ërei jae jekuaeño oyekuaa chupe reta mbaembae ikavi vae jae oyapo vae rupi. Echa jae ombou yandeve ama oime vaerä mbaagüɨye, jökorai omee yandeve tembíu yayerovia vaerä.

1 Corintios 15:32

Che añeraro mɨmba pochɨ vae reta ndive Efeso pe. Ërei ¿mbae pe ra ikavi cheve? Omanogüe reta mbaetɨ ko oikove ye yave, yandepuere yae: “Yakaru jare yakau, echa pɨareve ñamanota.”

DEUTERONOMIO 12:12

Jare peyerovia yandeYa Tumpa jóvai, pe, peraɨ reta, perayɨ reta, perembiokuai kuimbae reta jare perembiokuai kuña reta, jare Leví iñemuña reta yogüɨreko pepɨte pe vae, echa chupe reta mbaetɨ oñemee ɨvɨ, peve oñemee rami.

DEUTERONOMIO 12:18

Jaeño pepuere peyapo yandeYa Tumpa jóvai, jókuae jae oiparavoa pe, joko pe, pe jare peraɨ, perayɨ, perembiokuai kuimbae jare perembiokuai kuña reta, jare Leví iñemuña reta yogüɨreko pepɨte pe vae ndive, peyerovia katu peparavɨkɨagüe re yandeYa Tumpa jóvai.

1 Timoteo 6:17

Añave rupi oikokatu vae reta eyókuai, agüɨye toyembotuicha, agüɨye toyeko imbaeyekou reta re, jókuae ɨmambae opata vae re. Ërei toyeko Tumpa oikove vae re, jae omee yandeve opaete mbaembae yayerovia vaerä vae.