ECLESIASTÉS 2:22 - Biblia Guarani Tumpa Iñee

²² Echa, ¿mbae pa kuimbae oväe opaete iparavɨkɨ rupi, oyemoambeko mbatee oyapo kuae ɨvɨ pe vae güi?

ECLESIASTÉS 2:22 ပူးပေါင်းရင်းမြစ်များ

SALMOS 127:2

Oparavɨkɨ vae oparavɨkɨiño ma ko ndeimboveasɨ güive kaaruasɨ regua jare jasɨ katu reve oväe jembiurä, echa Tumpa oaɨu vae pe, jae omee oke ipɨagüive vaerä.

PROVERBIOS 16:26

Oparavɨkɨ vae, iyeupeguarä ko oparavɨkɨ; okaru vaerä ko oparavɨkɨ.

ECLESIASTÉS 1:3

¿Mbae pa kuimbae oväe opaete iparavɨkɨ rupi, oyemoambeko mbatee oyapo kuae ɨvɨ pe vae güi?

ECLESIASTÉS 2:11

Javoi amae opaete cheparavɨkɨ reta re, opaete ayemoambeko mbatee ayapo vae, jökorai ayu aikuaa opaete kuae reta mbaeä etei ko, ayemoambekoiño ma jese, jare osiriveä etei mbaerä kuae ɨvɨ pe.

ECLESIASTÉS 3:9

¿Mbae pa oväe jókuae oparavɨkɨ vae, jókuae oyemoambeko mbatee jese vae güi?

ECLESIASTÉS 4:6

Mbovɨño mbae ñanoi vae ko jaekaviño, jeta mbae ñanoi reve yaputuumbae etei jare yayemoambeko yae vae güi.

ECLESIASTÉS 4:8

Metei kuimbae oï jaeño, mbaetɨ jekovia, mbaetɨ taɨ, mbaetɨ tɨkeɨ ani tɨvɨ yepe, ërei opoiä etei iparavɨkɨ güi, ipɨa jenda peä etei opaete mbaeyekou güɨnoi vae re; mbaetɨ oparandu iyeupe: “¿Kia peguarä ra aparavɨkɨ mbatee? ¿Maera ra mbaetɨ aputuu jare ayemboyerovia?” Opaete kuaekuae mbaeä etei vi ko, mbaravɨkɨ ipoɨgüe yae ko.

ECLESIASTÉS 5:17

Jare opaete ara rupi mbaetɨ yeti okaru pɨagüive, oiko pɨtumimbi rupi rami, mbɨatɨtɨ rupi jare jasɨ katu rupi.

ECLESIASTÉS 8:15

Jáeramo chevegua, yerovia ko jae ikavi yae ete vae. Ikavi yae ete kuimbae oyapo vaerä kuae ɨvɨ pe vae jae ko, okaru vaerä jare jou vaerä vino jare oyerovia oiko vaerä, echa jaeño ko jókuae iparavɨkɨagüe jekovia, opaete ara Tumpa omee tekove chupe ramboeve kuae ɨvɨ pe.

San Mateo 16:26

¿Mbaerä pa osiriveta kuimbae pe omongana yave opaete ɨvɨ, ërei jekove okañɨtei?, ani ¿Mbovɨ ra omboepɨta ogua vaerä jekove?

San Mateo 6:11

Emee ara ñavo orerembiurä.

San Mateo 6:25

Jáeramo che jae peve, agüɨye peyemoambeko peyé. Agüɨye peyemoambeko tembíu re, ani temimonde re. ¿Tekoveä pa ikavi yae tembíu güi, ani yanderete temimonde güi?

San Mateo 6:34

Jáeramo agüɨye peyemoambeko pɨareve peguarä vae re. Echa pɨareve pe oime yeta mbae pemoambeko vaerä. Ara ñavo oime mbaembae pemoambeko vaerä.

San Lucas 12:22

Javoi Jesús jei jemimboe reta pe: “Jáeramo che jae peve, agüɨye peyemoambeko peyé, perembiurä vae re ani temimonde re.

San Lucas 12:29

Agüɨye peyemoambeko yae mbae ra peuta vae re, ani ïru mbaembae re.

1 Corintios 16:16

Jáeramo pomoñera peiko vaerä jókuae nunga reta jeia re, jare opaete oporomborɨ jare oparavɨkɨ yandeYa pe vae reta pe.

Filipenses 4:6

Agüɨye etei peyemoambaeko mbae re, jaeño peyerure Tumpa pe opaete mbaembae re, pemee reve yasoropai chupe.

1 Timoteo 6:8

Jáeramo, ñanoi yave añave yanderembiurä jare yanderemimonderä, yaiko yandepɨakatu reve.

1 Pedro 5:7

Peeya Tumpa pe opaete peyemoambeko jese vae, echa jae oyangareko oï peré.