ECLESIASTÉS 2:17 - Biblia Guarani Tumpa Iñee

¹⁷ Jáeramo, aröɨro tekove, echa opaete kuae ɨvɨ pe oyeapo vae ikaviä etei cheve. Echa opaete kuae reta mbaeä etei ko, ¡yayemoambekoiño ma ko jese!

ECLESIASTÉS 2:17 ပူးပေါင်းရင်းမြစ်များ

1 REYES 19:4

Jare jae ojo ñuu kotɨ, metei ara oguata, jare ou oguapɨ metei ɨvɨra igüɨ pe; jare oipotaecha omano, jare jei: “¡Joko peño mo cheYa, eekɨ chegüi cherekove, echa mbaetɨ ko ayapɨraa cheru reta chereko kavi pe!”

JOB 14:13

Aipotaecha chemoñemi omanogüe reta ñogüɨnoia pe, jae cheöva vaerä ndearasɨ oasa regua, rembojee ara nemaendúa vaerä cheré vae regua.

SALMOS 89:47

Nemaendúa, ngaraa ko ɨma aikove aiko; ¿maera ra reyapoiño kuimbae?

ECLESIASTÉS 1:14

Jare amae opaete kuae ɨvɨ pe oyeapo vae re, aecha opa reve mbaeä etei ko, yayemoambekoiño ma ko jese.

ECLESIASTÉS 1:17

Añeñono opaete chepɨa ndive aikuaa vaerä arakuaa, añeñono vi aikuaa vaerä mbokere reta regua jare arakuaambae regua; jökorai aikuaa opaete kuae reta re yayemoambekoiño ma vae.”

ECLESIASTÉS 2:11

Javoi amae opaete cheparavɨkɨ reta re, opaete ayemoambeko mbatee ayapo vae, jökorai ayu aikuaa opaete kuae reta mbaeä etei ko, ayemoambekoiño ma jese, jare osiriveä etei mbaerä kuae ɨvɨ pe.

ECLESIASTÉS 2:22

Echa, ¿mbae pa kuimbae oväe opaete iparavɨkɨ rupi, oyemoambeko mbatee oyapo kuae ɨvɨ pe vae güi?

ECLESIASTÉS 3:16

Aecha vi kuae ɨvɨ pe: Añete vae jekovia pe, teko kavimbae, jupi vae jekovia pe, jupimbae.

ECLESIASTÉS 4:2

Jáeramo, chevegua ikavi yae ñogüɨnoi opaete omano ma vae reta, jókuae oikoveño ñogüɨnoi vae reta güi;

ECLESIASTÉS 4:3

ërei kuae mókoi reta güi, ikavi yae ete oï vae, jae ko ndeiño oa vae, echa mbaetɨño oecha ikavimbae kuae ɨvɨ pe oyeapo vae.

ECLESIASTÉS 6:9

Yaecha etei vae ko ikavi yae, jókuae yaechambae reve yaipota tëi vae güi. Ërei kuaekuae mbaeä etei ko, yayemoambekoiño ma ko jese.

EZEQUIEL 3:14

Tumpa imbaepuere chemopüa jare cherenoe joko güi, chepɨakatúä jare chepɨatɨtɨ reve aja, ërei yandeYa täta chepɨɨ.

JONÁS 4:3

Añave cheYa romoñera reekɨ vaerä chegüi cherekove; echa, mano ikavi yaeta cheve tekove güi.

JONÁS 4:8

Jare kuaraɨ oë ma ou yave, Tumpa ombou ɨvɨtuakuvo täta yae vae, jare kuaraɨ omombaerasɨ Jonás iñäka pe, oyuka seri, jare oipotaecha omano, jei körai: —Ikavi ndipo amano, aikove aiko vae güi.

HABACUC 1:3

¿Maera pa remaeño aecha ikavimbae jare yemoambeko reta? Ipɨa-pïrimbae jare kañɨtei ipɨte pe aï; opaete rupi oime ñeapo reta jare ñeraro reta.

NÚMEROS 11:15

Jare jökoraiñota cherereko yave, romoñera rembou vaerä cheve mano, ndepɨakavi ko remae cheré yave; agüɨye vaerä aecha mbae ikavimbae ou cheve vae.