ECLESIASTÉS 2:10 - Biblia Guarani Tumpa Iñee

¹⁰ Mbaetɨi ayeopia cheresa jemimbota güi; mbaetɨi ayeopia chepɨa oipota vae güi. Chepɨayerovia opaete ayapogüe reta re, jókuae ko jae opaete cheparavɨkɨ reta jekovia.

ECLESIASTÉS 2:10 ပူးပေါင်းရင်းမြစ်များ

GÉNESIS 3:6

Jare kuña oecha jókuae ɨvɨra iagüe ikavi yae oyeu vaerä, ipöra yae oyekuaa jesa pe, ikavi yae oupitɨ vaerä arakuaa katu; jare oipɨɨ jókuae ɨvɨra iagüe jare jou. Omee vi ime pe, jare jae jou vi jembireko rami.

GÉNESIS 6:2

Tumpa taɨ reta oecha kuimbae reta tayɨ maepöra yae reta yave, oiparavo reta iyeupe jembirekorä, jae reta oipota vae.

JOB 31:1

Ayapo morogüɨrökuavee cheyeupe, agüɨye vaerä amae kuñatai re.

SALMOS 119:37

Agüɨye emaeño tamae tumpa-raanga reta re; ¡emee tekove cheve aguata vaerä nderemimbota rupi!

SALMOS 128:2

Reu ndeparavɨkɨagüe yave, reyeroviata ko jare reiko kavita.

PROVERBIOS 23:5

¿Reipotata pa remae mbaeyekou re, mbaeä etei vae re? Echa ipepo ramita ko, ɨmambae opata oveve, güɨraké oveve rami.

ECLESIASTÉS 11:9

Nde taɨrusu vae, eyerovia ndetaɨrusu ramboeve, eyapo ndepɨa jemimbota, eyapo nderesa pe ipöra vae, ërei nemaendúa, opaete kuaekuae re Tumpa nejäata.

ECLESIASTÉS 2:1

Jae vi cheyeupe: “Añave, tayerovia jare tayekou chepɨa jemimbota rupi.” ¡Ërei jókuae reta ave vi mbaeä etei!

ECLESIASTÉS 2:22

Echa, ¿mbae pa kuimbae oväe opaete iparavɨkɨ rupi, oyemoambeko mbatee oyapo kuae ɨvɨ pe vae güi?

ECLESIASTÉS 2:24

Kuimbae pe ikavi vae, jae ko okaru kavi vae, jare oyerovia iparavɨkɨagüe re vae. Kuae aikuaa vi jae ko Tumpa güi ou vae.

ECLESIASTÉS 3:22

Jökorai, aikuaa kuimbae pe jaekavi yae vae, jae ko oyerovia vaerä iparavɨkɨagüe re, echa jae ko jókuae iparavɨkɨagüe jekovia; echa omano güire mbaetɨ yeta kia güeru oecha vaerä mbae ra ko oasata jaɨkue rupi vae.

ECLESIASTÉS 5:10

Korepoti oaɨu yae vae, yangapɨɨä etei jese; oipota yae oikokatu vaerä, ngaraa mai ipɨakatu jókuae güɨnoigüe re. Kuaekuae mbaeä etei vi,

ECLESIASTÉS 5:17

Jare opaete ara rupi mbaetɨ yeti okaru pɨagüive, oiko pɨtumimbi rupi rami, mbɨatɨtɨ rupi jare jasɨ katu rupi.

ECLESIASTÉS 5:18

Jayave, aecha ikavi yae vae jae ko: Yakaru kavi vae, yayerovia vaerä opaete yandeparavɨkɨagüe güi, kuae ɨvɨ pe yayemoambeko jese vae re, opaete ara Tumpa omee tekove yandeve ramboeve, echa jókuae ko jae yandeparavɨkɨ jekovia.

ECLESIASTÉS 6:2

Tumpa omee amogüe pe täta oikokatu vaerä, imboetea yae vaerä, jare mbaetɨ mbae oata chupe vaerä; ërei mbaetɨ omaeño oyekou opaete jókuae iparavɨkɨagüe re, echa ko ambuae vaei oyekou jese. ¡Kuaekuae mbaeä etei ko, jare jasɨ katu yae ko!

ECLESIASTÉS 6:9

Yaecha etei vae ko ikavi yae, jókuae yaechambae reve yaipota tëi vae güi. Ërei kuaekuae mbaeä etei ko, yayemoambekoiño ma ko jese.

ECLESIASTÉS 8:15

Jáeramo chevegua, yerovia ko jae ikavi yae ete vae. Ikavi yae ete kuimbae oyapo vaerä kuae ɨvɨ pe vae jae ko, okaru vaerä jare jou vaerä vino jare oyerovia oiko vaerä, echa jaeño ko jókuae iparavɨkɨagüe jekovia, opaete ara Tumpa omee tekove chupe ramboeve kuae ɨvɨ pe.

ECLESIASTÉS 9:6

Joko pe vi opa iporoaɨu, iporomotareɨ, iñemoägüɨro, jare ngaraa ye ma mbae oyapo reta kuae ɨvɨ pe oyeapo vae.

ECLESIASTÉS 9:9

Evɨakatu avei jókuae kuña reaɨu vae ndive, opaete ara michi peguaño mbaeä etei reikove ramboeve kuae ɨvɨ pe; jae ko kuae opaete ndeparavɨkɨ reyemoambeko jese kuae ɨvɨ pe vae jekovia.

1 Juan 2:16

echa opaete mbaembae oime ɨvɨ pe vae, soo jemimbota reta, mbaembae ipöra vae reta yaecha vae jare yemboete mbaeyekou regua mbaetɨ ko ou yandeRu güi, ou ko ɨvɨ güi.

JUECES 14:2

jare oyerova ye jëta pe yave omombeu tu jare ichɨ pe. Jei chupe reta: —Timnat pe aecha metei kuña filisteo reta tayɨ, pomoñera pemomiari vaerä cherembirekorä.