ECLESIASTÉS 11:10 - Biblia Guarani Tumpa Iñee

¹⁰ Embosɨrɨ ndeyeugüi arasɨ, jare embosɨrɨ ndeyeugüi ikavimbae, echa mbaeä etei ko taɨrusu vae reta iara.

ECLESIASTÉS 11:10 ပူးပေါင်းရင်းမြစ်များ

JOB 11:12

Mburika ñana rupigua imembɨ jeko kavi yave, kuimbae ipɨa pɨ̈chɨi vae yarakuaata.

JOB 13:26

¿Maera pa remoäpɨta tupapire pe chekotɨ ikavimbae, jare reiporarauka cheve opaete mbaeyoa ayapo chetaɨrusu yave vae re?

JOB 20:11

Taɨrusu jare oikove katu reve, omano retata.

SALMOS 25:7

Agüɨye nemaendúa chetaɨrusu yave cheyoa vae re, ayembopɨapochɨ ndekotɨ vae re; cheYa Tumpa, nemaendúa cheré, ndeporoaɨu jare ndepɨakavi renoi rupi.

SALMOS 39:5

Remee cheve mbovɨ araño aikove aiko vaerä, cherekove mbaeä etei ko ndeve, ¡añetete opaete kuimbae oikove vae mbaeä etei ko!

SALMOS 39:6

¡Añetete opaete kuimbae oasa küaraɨa ramiño! Añetete oyemoambekoiño ma, omboatɨ mbatee mbaeyekou vae, mbaetɨ oikuaa kia imbaerä ko vae.

PROVERBIOS 22:15

Arakuaambae oimeño mai kunumi ipɨa pe; ërei yembosɨmbi ñenupa reve vae ombosɨrɨta ko chugüi.

ECLESIASTÉS 1:14

Jare amae opaete kuae ɨvɨ pe oyeapo vae re, aecha opa reve mbaeä etei ko, yayemoambekoiño ma ko jese.

ECLESIASTÉS 1:2

¡Mbaeä etei ko opaete mbaembae! ¡Jaangaño ko opaete mbaembae!

ECLESIASTÉS 12:1

Nemaendúa ndeApoa re, ndetaɨrusu ramboeve, ndei ara reta yavai yae vae oväe ndeve mbove, ndei rere mbove: “Mbaetɨ chemboyerovia aikogüe vae.”

2 Corintios 7:1

Jáeramo, cherɨvɨ reta, ñanoi ramboeve kuae morogüɨrökuavee reta. Yayetɨo opaete mbae ikavimbae vae yanderete pegua güi jare yandepɨa pegua güi. Jekuaeño ñañeñono tee Tumpa peguarä yaipoɨu reve chugüi.

2 Timoteo 2:22

Etekuarai taɨrusu reta jemimbota güi, ërei emomoe mbaejupi, mborogüɨrovia, mboroaɨu jare mbɨakatu, yandeYa omboete opaete ipɨa reve vae reta ndive.