ECLESIASTÉS 10:12 - Biblia Guarani Tumpa Iñee

¹² Yarakuaa vae iñee reta rupi oyemboeteuka, ërei yarakuaambae, iñee rupi aeño oyemboai;

ECLESIASTÉS 10:12 ပူးပေါင်းရင်းမြစ်များ

2 SAMUEL 1:16

David jei ramboeve chupe: —Nde aeño ndereko ndeyeupe kuae nemano re, echa nde aeño reyemombeu, reyuka ko yandeYa jembiparavo vae.

JOB 16:5

Ërei che yave, pomoäta ngatuta ko cheñee pe, jare cheporombopɨakatu rupi oasata ko mbae jasɨ pegüi.

SALMOS 140:9

Opaete oyere cheré vae reta, ¡iñee ikavimbae aeño, toiporara reta!

SALMOS 37:30

Jupi vae, iñee omoë yarakuaa katu reve, imiari jupi rupi.

SALMOS 64:8

iñee aeño oyeapata ikotɨ reta, opaete oecha vae oyóyai retata.

PROVERBIOS 10:10

Jesäɨ rupi mbae jei vae, mbɨatɨtɨ ko oyapo iyeupe, jare iñee rupi jei jeiiño mbae vae, oiporarata.

PROVERBIOS 10:8

Iyarakuaa vae omboresive mborookuai reta; ërei iñee-rei vae, paravete opɨta.

PROVERBIOS 12:18

Oime amogüe, oporoapicha iñee rupi, ërei yarakuaa vae reta iñee, moa rami ko.

PROVERBIOS 15:2

Yarakuaa vae reta iñee, omopöra arakuaa; ërei yarakuaambae reta iñee, ikavimbae yae ko.

PROVERBIOS 15:23

¡Kuimbae omboyevɨ mbarandu vae, oyerovia, vɨtei pa iara pe kavi omboyevɨ yave!

PROVERBIOS 19:5

Japicha re iyapu reve imiari vae, ngaraa opɨta oiporarambae; a pu omomora vae ngaraa oasayepe.

PROVERBIOS 22:11

Mburuvicha guasu oaɨu ipɨa jupi rupi kavi oiko vae, jare oyapo ivɨa-ïrurä jupi rupi kavi imiari vae.

PROVERBIOS 26:9

Osavaɨpogüe mbaetɨ oyandu yuu oikutu ipo pe vae, jökorai yarakuaambae mbaetɨ oyandu ñee arakuaa pegua.

PROVERBIOS 31:26

Imiari yarakuaa katu reve, iporoaiu reve kavi oporomboarakuaa.

ECLESIASTÉS 12:11

Yarakuaa vae reta iñee ko ɨvɨra jakuaroviasɨ vae rami, jare clavo oyekutuasɨ mbae re vae rami ko oporomboe vae reta iñee.

ECLESIASTÉS 4:5

Yarakuaambae, mbaetɨ mbae oipota oyapo, jökorai jaeiño oñemokañɨtei.

ECLESIASTÉS 5:2

Agüɨye eyeapo rai voi mbae rere vaerä, ndepɨa rupi ave agüɨye eñererökuavee voi Tumpa pe, echa Tumpa ko oï ɨvate jare nde ko reï ɨvɨ pe. Jáeramo mbovɨño nemiari,

ECLESIASTÉS 5:6

Agüɨye tandeyoa neñee rupi, agüɨye vaerä rere Tumpa jembiokuai jóvai: “Mbaetɨ aikuaa ramo ko ayavɨ.” ¿Maera pa Tumpa remboarasɨukata neñee jeko pegua jare omboai jókuae reyapogüe?

ECLESIASTÉS 9:17

Yarakuaa vae iñee kavi, ikavi yae ko mburuvicha guasu iñeeäta yarakuaambae reta ipɨte pe vae güi.

San Mateo 12:35

Kuimbae ipɨa ikavi vae, jei mbae ikavigüe vae. Jare kuimbae ipɨa ikavimbae, jei vi mbae ikavimbae.

San Lucas 19:22

Jayave iya jei jókuae jembiokuai pe: ‘Tembiokuai ikavimbae, neñee rupi ae rojäata. Nde reikuaa chepɨarai vae ko, che apɨ̈ro mbaembae ïru vae reta güi jare aarɨvo ïru vae reta oñotɨ vae.

San Lucas 4:22

Jare opaete joko pe ñogüɨnoi vae reta imiari kavi jese. Echa ipɨakañɨ reta ñee ikavigüe jei vae re, jei reta: —¿Jaeä yera kuae José taɨ?

Efesios 4:29

Agüɨye etei pemoë ñee pɨ̈chɨi vae. Pemoë ñee ikavi vae, pemomɨ̈rata vaerä ïru vae reta, oyeapɨsaka peré vae reta omboyerovia vae.

Colosenses 4:6

Pemiari kavi ñee oporomboyerovia vae. Peikuaa kavi mbae pere vaerä oparandu vae pe.