ECLESIASTÉS 1:8 - Biblia Guarani Tumpa Iñee

⁸ Opaete mbaembae yemoambeko yae ko, mbaetɨ kia ave oikuaa kuae re; mbaetɨ kia ikuérai omae vae, mbaetɨ kia ikuérai oyeapɨsaka vae.

ECLESIASTÉS 1:8 ပူးပေါင်းရင်းမြစ်များ

SALMOS 63:5

Cheangapɨɨ kavita, maekägüe iñaputuu re jare soo ikɨra kavi vae jou vae yangapɨɨ kavi rami, romboeteta yerovia katu reve.

PROVERBIOS 27:20

Omanogüe reta ñogüɨnoia jare Abadón mbaetɨi ko yangapɨɨ, jökorai ko kuimbae reta imbaepotarai vae mbaetɨi yangapɨɨ.

ECLESIASTÉS 1:7

Opaete ɨ reta oa ojo ɨguasu pe, ërei ɨguasu mbaetɨi tɨnɨe; ɨ opa ye ojo oua kotɨ, joko güi ou pɨau ye vaerä.

ECLESIASTÉS 2:11

Javoi amae opaete cheparavɨkɨ reta re, opaete ayemoambeko mbatee ayapo vae, jökorai ayu aikuaa opaete kuae reta mbaeä etei ko, ayemoambekoiño ma jese, jare osiriveä etei mbaerä kuae ɨvɨ pe.

ECLESIASTÉS 2:26

Echa Tumpa ko omee arakuaa katu, yemboe tuichagüe, jare yerovia katu jae ipɨakatu omae jese vae pe; ërei iyoa vae pe omee mbaravɨkɨ, jeta mbae oeka jare omboatɨ vaerä, jaɨkue rupi jae omee vaerä ombopɨakatu vae pe. ¡Kuae mbaeä etei vi, yayemoambekoiño ma ko jese!

ECLESIASTÉS 4:8

Metei kuimbae oï jaeño, mbaetɨ jekovia, mbaetɨ taɨ, mbaetɨ tɨkeɨ ani tɨvɨ yepe, ërei opoiä etei iparavɨkɨ güi, ipɨa jenda peä etei opaete mbaeyekou güɨnoi vae re; mbaetɨ oparandu iyeupe: “¿Kia peguarä ra aparavɨkɨ mbatee? ¿Maera ra mbaetɨ aputuu jare ayemboyerovia?” Opaete kuaekuae mbaeä etei vi ko, mbaravɨkɨ ipoɨgüe yae ko.

ECLESIASTÉS 6:7

Opaete kuimbae iparavɨkɨ jae ko okaru vaerä, ërei mbaetɨi yangapɨɨ.

HAGEO 1:9

Peeka tëi jeta, ërei mbovɨ yae peväe; pemboɨru pero pe vae, che opata amboai pegüi cheɨvɨtu pe. ¿Peikuaa pa maera? Jei yandeYa Imbaepuere yae ete vae. Chero oyemboai oï jeko pegua; echa metei ñavo peyemoambeko pero ae re.

San Mateo 11:28

Opaete peyemoambeko jare pepɨatɨtɨ peiko vae reta, peyu chekotɨ. Jare che pomombutuuta.

San Mateo 5:6

Oyerovia ko yɨmbɨaɨ jare iɨuve rami mbaejupi re vae reta. Echa Tumpa omeeta chupe reta.